Успехот на храбри и решителни поединци е доказ дека дарбата не познава граници и попреченост - Канал 5

Живот

Успехот на храбри и решителни поединци е доказ дека дарбата не познава граници и попреченост

 Александар Стојчески е млад шахист кој покажува и докажува дека знаењето и дарбата не познаваат граници и ги рушат сите предрасуди за успехот на секое поле. 

Успехот на храбри и решителни поединци е доказ дека дарбата не познава граници и попреченост

Со освоеното второ место на годинашниот Меѓународен шаховски турнир „Бања Лука 2025" во БиХ, Александар е пример дека лицата со церебрална парализа или со каква било попреченост, или пак - без попреченост, треба да бидат упорни во остварувањето на своите цели во животот.

Александар има 16 години, и е втора година во гимназијата „Раде Јовчевски - Корчагин“ во Скопје. Тој е одличен ученик, „со по некоја четворка“, како што вели. Момчето игра шах од свои осум години, а како деветгодишен, неговите родители го запишале на часови. Во тој спорт го вовел татко му. Родителите имаат голем удел во националните и меѓународните успеси на овој повеќекратен медалист, смета тој.

Александар е член на најголемото македонско здружение на граѓани со попреченост - „Мобилност Македонија“, поточно на скопскиот огранок, во делот за лица со церебрална парализа.

„Огромна чест за ’Мобилност Скопје’, претставува тоа што го имаме нашиот успешен млад шахист - членот Александар Стојчески, кој со големото освоено второ место меѓу искусните и повозрасни натпреварувачи, покажа дека знаењето и талентот немаат граници односно ги рушат сите бариери и предрасуди за успех. Нашето здружение е гордо на ваквите свои членови, му ја честита победата на Александар и посочува пример до сите останати членови дека треба да бидат мотивирани и упорни во секојдневието за остварување на своите цели односно да настапуваме во животот со паролата дека, на оваа планета, ’Сите сме еднакви’," објави здружението на својата Фејсбук-страница.

- Имам освоено повеќе први, втори, трети места, освоени на меѓународни турнири надвор од границите на нашата држава. Освен меѓународните, имам освоено први, втори, трети места и на натпревари коишто се одржале во нашата држава - општински натпревари, градски натпревари итн., изјави Стојчески за МИА.

Сака да стане македонски и светски првак.

- Моите планови за во иднина се да продолжам напорно да работам, и можеби - некој ден да станам најдобар играч во Македонија, а натаму, можеби и во светот... Зошто да не!? Ако работам понапорно отколку што работам сега, верувам дека успехот ќе дојде, додава младиот шахист.

На професионално поле, сака да биде дефектолог и има намера образованието да го продолжи на Филозофскиот факултет.

- Мислам дека ми оди разговорот со луѓе, со деца. Мислам дека во иднина можам да се пронајдам во работата како дефектолог. Но, покрај тоа, планирам да продолжам и со шахот, вели Александар.

Овој месец, 14-та година по ред, го прославивме Светскиот ден на церебралната парализа. Неговата порака до лицата со и без попреченост е да не се откажуваат и напорно да работат. Секој може да успее. /МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер