Условни казни за полицајците во случајот со трагедијата во дискотека „Пулс“ - Канал 5

Македонија

Условни казни за полицајците во случајот со трагедијата во дискотека „Пулс“

Условни казни за тројцата полицајци од Кочани кои по акција во дискотеката Пулс во 2023 година повеле прекршочни постапки против непостоечко правно лице. 

Условни казни за полицајците во случајот со трагедијата во дискотека „Пулс“

Но ниту тие ниту нивните адвокати не дојдоа во скопскиот Кривичен суд да ја слушнат објавата на пресудата која судијката Лидија Петровска ја прочита пред единствено присутните новинари. Кире Богатинов и Горан Лазаров добија условна казна од една година затвор која нема да се изврши ако во следните три години не сторат ново кривично дело. А поранешниот командир на ПС Кочани, Александар Темелков, доби условна од 2 години ако не стори ново кривично дело во следните четири години. Во образложението судијката Пертровска рече дека тие во записниците внесувале податоци врз основа на општо познат факт дека Дејан Јованов Деко е сопственик на дискотеката Пулс, наместо врз докази .

-Како пресудна олеснителна околност за изборот на овој вид санкција судот го ценеше фактот што обвинетите не се осудувани претходно, семејни луѓе се, но пред сè, тоа што нивните дејствија не резултирале со непосредни штетни последици што би можеле да се доведат во директна причинско-последична врска со настанот во дискотеката кој предизвика последици од ненадоместлив карактер. Иако констатирале прекршок, тие не утврдиле кое правно лице ја врши дејноста, ниту кој е одговорното лице во тоа правно лице, бидејќи не извршиле увид во соодветна документација,- изјави – Лидија Петровска – Судија.

И тројцата претходно негираа вина. Според нивната одбрана при акциските контроли тие немале обврска да бараат лиценца за работа.

Ова е прва судска пресуда за предмет поврзан со дискотеката Пулс каде лани во пожар животот го загубија 63 лица а над двесте беа повредени. Уште два предмети се водат пред кривичниот суд во кои се опфатени полициски службеници. Во едниот обвинети се девет лица околу издавањето на согласност за издавање на лиценцата. 13 полицсики службеници пак ќе одговараат бидејќи и покрај акцискиот план на 16 март не спречиле активирање на пиротехника во дискотеката Пулс.

YouTube video

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

КОВЗРГ ќе ја одбележи 40-годишнината од упокојувањето на Архиепископот Ангелариј

Настанот ќе се одржи во храмот „Свети великомаченик Димитриј“ во Скопје.

КОВЗРГ ќе ја одбележи 40-годишнината од упокојувањето на Архиепископот Ангелариј

Комисијата за односи со верските заедници и религиозни групи, во соработка со Македонската православна црква – Охридска архиепископија, на 15 јуни 2026 година ќе организира одбележување на 40-годишнината од упокојувањето на блаженоупокоениот Архиепископ охридски и македонски г.г. Ангелариј.

Настанот ќе се одржи во храмот „Свети великомаченик Димитриј“ во Скопје, каде што се наоѓа вечното почивалиште на Архиепископот Ангелариј, со почеток во 10:00 часот.

Во рамките на одбележувањето ќе биде отслужен помен со кој ќе чиноначалствува Неговото Блаженство, Архиепископот Охридски и Македонски и на Јустинијана Прима г.г. Стефан, во сослужение на архиереи и свештенство. По поменот е предвидено кратко обраќање на Поглаварот на Македонската православна црква – Охридска архиепископија, по што ќе следи полагање свежо цвеќе пред гробот на Архиепископот Ангелариј.

Одбележувањето претставува израз на почит кон животот, духовното дело и историското наследство на Архиепископот Ангелариј, кој со своето архипастирско служење остави значаен белег во современата историја на Македонската Православна Црква.

Тагови: КОВЗРГ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер