Забава

Уште трае натпреварот во излежување во Црна Гора: Ми даваат 1.000 евра да си одам, не сакам

Најбизарното натпреварување во Европа трае веќе 18 дена, а оваа година натпреварувачите навистина дадоа сѐ од себе и ги соборија сите можни рекорди.

Во селото Брезна, недалеку од Никшиќ во Црна Гора, се одржува натпревар во лежење, а 14 од 21 натпреварувач што беа таму, на почетокот се откажаа.Седумте преостанати натпреварувачи се борат за награда од 1000 евра.

„Цел живот слушаме шеги и приказни, па дојдовме до оваа интересна и хумористична идеја да направиме натпревар. Видете до што дојде, веќе не е регионален туку меѓународен. Имавме луѓе од Украина, Русија, “, изјави Борис Круниќ , еден од организаторите.

„Не знам дали наградата од 1.000 евра е причината зошто лажат во толкав број, но тие се упорни“, додаде тој.

Инаку, на првиот натпреварувачки ден тројца се откажаа, а натпреварувачите успеаја да ги соборат сите рекорди бидејќи натпреварот никогаш не траел толку долго.

Дубравка е една од седумте преостанати натпреварувачи кои победиле на натпреварот пред две години, а вели дека годинава се пријавила поради убедување на семејството и пријателите.

„Веќе четврти-петти ден телефонот станува досаден, повеќе време трошиме разговарајќи еден со друг отколку на телефон и ова беше навистина добро за да се одморам“, објасни таа.

Друга натпреварувачка чекала три години за да се пријави и да каже дека планира да стане кога ќе ѝ здодее да лежи.

„Не сум тука за тоа, туку за да се победам себеси. Ова е психолошка игра, ова не е само за наградата“, рече таа и додаде дека парите не се нејзиниот главен мотив.

„Дојде моето семејство и ме молеше да станам и да ми дадоа илјада евра, но не. Сакам да победам, одам до крај, затоа и дојдов. Веќе се навикнав, бидејќи мислев дека нема да трае 18 дена, така што не се откажувам“, рече таа.

За потсетување, натпреварувачите имаат право да одат во тоалет на секои осум часа по десет минути, а храна и пијалок им се носат каде што лежат. Можат да користат мобилни телефони, книги и лаптопи, а на натпреварот се присутни и лекари кои ги посетуваат и проверуваат натпреварувачите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гевгеличанец во БМВ „летал“ со 204 км/час кај Смоквица, уапсен е

Гевгеличанец возел „бмв“ со скоро двојно поголема брзина од дозволеното, запрен е и лишен од слобода, следува соодветна пријава.

На 29.07.2026 во 21:26 часот на автопат А1, кај клучка Смоквица, гевгелиско, полициски службеници од СВР Струмица - ОВР Гевгелија го лишија од слобода Ж.Д.(29) од Гевгелија.

При контрола на патниот сообраќај со радар, полициските службеници констатирале дека Ж.Д. управува патничко возило „бмв“ со гевгелиски регистарски ознаки со брзина од 204 километри на час, на место каде со сообраќаен знак брзината на движење е ограничена на 120 километри на час.

Тој е исклучен од сообраќај и за настанот е запознаен јавен обвинител од Основното јавно обвинителство Гевгелија.

По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Петнаесет танчерки од Србија, Албанија и Колумбија се фатени во полициска акција во гостиварско- уапсени се две лица

Акциска контрола во угостителски објекти во гостиварско, затекнати 15 странски државјанки, пронајдена дрога, лишени од слобода две лица.

Денеска (30.07.2025), во периодот од 02:00 до 04:00 часот, полициски службеници од СВР Тетово – ОВР Гостивар спровеле акциска контрола во два угостителски објекти на подрачјето на ОВР Гостивар.

При контролата во с.Чегране, гостиварско, околу 02:00 часот од слобода е лишен М.Х.(50) од с.Форино, гостиварско. Тој, откако ги забележал полициските службеници пред објектот, ја заклучил влезната врата и ги предупредил присутните да бегаат, но по брза реакција на полициските службеници на задниот излез било спречено бегство на повеќе женски лица – странски државјанки.

Додека, пак, во угостителски објект на подрачјето на Полициското одделение Галате, полициските службеници го лишија од слобода А.А.(53) од Гостивар затоа што кај него била пронајдена марихуана.

При контролите во двата објекта, поради злоупотреба на туристичкиот престој, односно престојување спротивно на целта, приведени се вкупно 15 странски државјанки на возраст од 19 до 40 години од Србија, Албанија и Колумбија, од кои 11 во угостителскиот објект во с.Чегране и четири во угостителскиот објект во подрачје на Полициското одделение Галате.

Сите се задржани во полициска станица и по документирање на случајот ќе следуваат соодветни поднесоци, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски: Петкратно зголемена ефикасноста во постапувањето по случаи на семејно насилство

Денеска министерот за внатрешни работи Панче Тошковски го посети Одделението за семејно насилство при СВР Скопје, каде непосредно се запозна со нивната секојдневна работа, предизвиците со кои се соочуваат и резултатите што ги постигнуваат.

Во периодот од 2022 до 2026 година евидентирани се вкупно 1.275 пријавени настани на семејно насилство, и тоа: 326 во 2022 година, 216 во 2023 година, по 273 во 2024 и 2025 година и 187 во 2026 година, заклучно со денес.

Податоците покажуваат и значително унапредување на ефикасноста во постапувањето. Во 2022 година по брза постапка биле процесуирани 10 случаи и изречени четири мерки на претпазливост, во 2023 година 18 случаи и седум мерки, во 2024 година 25 случаи и 11 мерки, во 2025 година 34 случаи и 15 мерки, а во 2026 година, заклучно со денес, процесуирани се 52 случаи и изречени се 23 мерки на претпазливост.

Во споредба со 2022 година, бројот на случаи процесуирани по брза постапка и изречени мерки на претпазливост е зголемен за повеќе од пет пати, што укажува на побрза, поорганизирана и поодлучна институционална реакција.

Министерот Тошковски истакна дека семејното насилство се третира со највисок степен на сериозност и дека приоритет останува обезбедувањето навремена заштита за секоја жртва, како и брза и решителна реакција кон сторителите, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.