Уште седум министерства ќе се приклучат на штрајкот на државното правобранителство - Канал 5

Македонија

Уште седум министерства ќе се приклучат на штрајкот на државното правобранителство

Вработените во седум министерства во вторник излегуваат на протест. Причина - незадоволни се поради ниските примања.

Уште седум министерства ќе се приклучат на штрајкот на државното правобранителство

Одлуката за протести „падна“ на денешниот состанок на УПОЗ со синдикалната организација на министерствата.

Првиот човек на УПОЗ, Трпе Деаноски за Канал 5 кажа дека ќе штрајкуваат вработените од министерствата за економија, правда, администрација, животна средина, култура, земјоделство, образование, локална самоуправа, труд и социјална политика, а се чека потврда и од Државниот завод за статистика. Бараат зголемување на платите за 30 проценти и потпишување на колективен договор.

Според најавите протестот ќе започне на 14 јануари и ќе трае само половина час, односно од 11 до 11.30 минути и сите вработени ќе протестираат пред објектите каде што работат.

-Во вторник ќе протестираат вработените од седум министерства, можно е бројот да се зголеми,- изјави – Трпе Деаноски – претседател на УПОЗ.

Оваа одлука за протест доаѓа само ден, откако и вработените во Државното правобранителство стапија во штрајк.

Од Министерството за финансии за Канал 5 пак претходно кажаа дека дека со буџетот за 2025та година се предвидени средства за исплата на права на вработените согласно колективните договори.

Министерството за финансии постапувајќи согласно Законот за буџети одобрува преземање на обврски исклучиво врз основа на планираните средства кај буџетскиот корисник и дадено е позитивно мислење по однос на поднесени барања за потпишување колективни договори онаму каде се предвидени средства во рамки на одобрениот Буџет. Со Буџетот за 2025 година се предвидени средства за исплата на сите стекнати права на вработените согласно претходно потпишаните колективни договори, за кои потенцираме, дека дел се потпишани и без обезбедено мислење од Министерството за финансии, велат од министерството.

Инаку, Финансии претходно даде зелено светло за колективните договори за Службата за општи заеднички работи на Влада, Генералниот секретаријат, дел од здравство, образование и финансии кои ги добија 30-те отсто.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Сопругата на шпанскиот премиер Санчез пред порота ќе одговара за обвиненија за трговија со влијание и проневера

Сопругата на шпанскиот премиер Педро Санчез, Бегона Гомез, ќе биде судена по обвинение за злоупотреба на влијание и проневера, одлучи денеска судот.

Сопругата на шпанскиот премиер Санчез пред порота ќе одговара за обвиненија за трговија со влијание и проневера

Одбраната на Гомез поднесе жалба барајќи од Високиот суд во Мадрид да ги отфрли обвиненијата против неа, што таа ги негира, и да ги поништи другите мерки наредени од понискиот суд минатиот месец, објави Паис.

Мадридскиот суд го отфрли третото обвинение против Гомез за деловна корупција и ја поништи одлуката на понискиот суд со која ѝ беше забрането да ја напушти земјата, ѝ беше наредено редовно да се јавува на суд и ѝ беше конфискуван пасошот.

Сепак, судот го задржа поголемиот дел од случајот против неа. Државното обвинителство, исто така, побара да се отфрлат обвиненијата, кои се засноваат на кривична пријава поднесена од крајно десничарски групи.

Тие ја обвинија Гомез дека ја користи својата позиција како сопруга на премиерот за да обезбеди деловни договори.

Санчез, кој размислуваше да поднесе оставка во април 2024 година откако истражниот судија Хуан Карлос Пеинадо отвори истрага против Гомез, јавно го бранеше своето семејство, тврдејќи дека случаите се политички мотивирани и дека се покренати од неговите противници.

„Бегоња Гомез е невина“, се вели во соопштението објавено вчера од кабинетот на премиерот.

Во соопштението се додава дека секој што е запознаен со истрагата знае дека станува збор за политички мотивиран случај, заснован на лажна жалба од крајно десничарска организација, заснована на лажни вести, чија единствена цел е малтретирање и прогонување на сопругата на премиерот.

Порано оваа недела, судот го осуди братот на Санчез за административен прекршок и му забрани да извршува јавна функција девет години.

Вчерашната одлука потврдува дека Гомез ќе биде суден од граѓанска порота, постапка резервирана во Шпанија за ограничен број кривични дела, вклучително и тргување со влијание.

Податоците од Генералниот судски совет на Шпанија (CGPJ) покажуваат дека поротите донесуваат пресуди за вина во поголемиот дел од случаите.

Стапката на осудување била околу 90 проценти во последната деценија, додека во 2024 година била околу 89,5 проценти.

Според шпанскиот Кривичен законик, трговијата со влијание извршена од приватно лице се казнува со затворска казна од шест месеци до две години, додека проневера во посериозни случаи може да се казни со затвор до осум години, објави весникот.

Тагови: Педро Санчез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозии одекнаа во Дубаи- пресретнати се проектили над градот (ВИДЕО)

Силни експлозии се слушнаа вечерва во центарот на Дубаи, додека сведоци објавија дека ракети биле пресретнати над градот во обновените ирански напади врз цели во Обединетите Арапски Емирати.

Експлозии одекнаа во Дубаи- пресретнати се проектили над градот (ВИДЕО)

Новинарите на „Еуроњуз“ во Дубаи објавија дека гласни експлозии се слушнале во центарот на градот, со извештаи за пресретнати ракети над градот.

Најновите ирански напади се првите вакви напади по неколку месеци, по прекинот на огнот меѓу САД и Иран и потпишувањето на рамковен договор за завршување на војната кон средината на јуни.

Само неколку дена претходно, Иран погоди два брода од Обединетите Арапски Емирати во Ормутскиот теснец.

И покрај повеќекратните изјави на сведоци и снимки што се појавија на социјалните медиуми, властите во Дубаи изјавија дека извештаите за експлозии над градот се неточни.

Тагови: Дубаи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е кој ќе настапи на затворањето на Мундијалот (ВИДЕО)

Post Malone ќе биде главен изведувач на церемонијата на затворање на Светското првенство во фудбал во 2026 година, кое ќе се одржи на стадионот во Њујорк, Њу Џерси, на 19 јули.

Познато е кој ќе настапи на затворањето на Мундијалот (ВИДЕО)

Тој ќе настапи 90 минути пред почетокот на финалниот натпревар, а неговиот музички стил кој ги спојува различните жанрови се смета за соодветен за глобалната прослава на различните култури.

„Во време кога спортот, културата и глобалното внимание се спојуваат, Post Malone ќе изведе настап дизајниран да го прослави патувањето на турнирот и да ја разгори атмосферата пред очите на светот да се свртат кон финалистите“, изјави претседателот на ФИФА, Џани Инфантино.

Ѕвезден состав за церемонијата на затворање

Malone се приклучува на долгиот список на уметници и познати личности кои ќе учествуваат на церемонијата на затворање, меѓу кои се Том Круз, Џенифер Хадсон, Лаура Паузини, Никол Шерцингер, IShowSpeed ​​​​и Роби Вилијамс. Но, свеченостите не завршуваат тука. Како што претходно беше најавено, Џастин Бибер ќе го предводи спектаклот на полувремето од финалето заедно со Мадона, Шакира и BTS, што дополнително ќе го зајакне веќе импресивниот список на изведувачи.

„Светското првенство го обединува светот како ништо друго. Благодарен сум што сум дел од ова шоу на полувремето, а уште повеќе сум благодарен знаејќи дека веќе помага во проширувањето на пристапот до образование за децата ширум светот“, претходно рече Бибер за својот претстоен настап.

Музички спектакли за време на првенството

Шакира и Бурна Бој го отворија Мундијалот во Мексико Сити со изведба на „Даи Даи“. Артис Фјучр, Тајла и Кејти Пери настапија на церемонијата на отворањето на американското првенство на стадионот СоФи во Лос Анџелес, додека на канадската церемонија на отворањето настапија Мајкл Бубле, Алесија Кара и Елијана.

Неодамна, Ели Гулдинг настапи и во четвртфиналето со песната „Лајтс“, во натпреварот во кој нејзината родна Англија ја победи Норвешка.

Тагови: Мундијалот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер