Од СВР Скопје информираат дека инцидентот се случил вчера доцна попладнето, прво, пред угостителски објект каде што дошло до физичка пресметка, а потоа и пред локална продавница.

Постариот малолетник го нападнал со остар предмет 14-годишникот, нанесувајќи му тешка телесна повреда на момчето, кое возвратило со тврд предмет и му нанел повреда на напаѓачот. По целосно документирање на случајот, против повозрасниот малолетник ќе биде поднесена соодветна кривична пријава, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Две години подоцна, резултатот е сосема спротивен: Македонија е целосно запрена на европскиот пат, а процесот е доведен до целосна блокада и изолација.

Наместо подобри услови, Мицкоски ја доведе земјата во ситуација во која нема никакво поместување.

Уставните измени кои се клучни за продолжување на преговорите се блокирани.

Реформската агенда која самиот ја ветуваше до 1 јуни повеќе не се споменува.

Наместо да преговара и да бара решение, тој се крие зад празна реторика дека „не отстапува ни милиметар“ и дека „чекa покана од Европа“.

Во реалноста, Мицкоски води двојна политика. Пред западните партнери се претставува како конструктивен, а пред домашната јавност гради националистички наратив за „капитулација“ и „предавници“.

Кога нема резултати, се враќа на старата популистичка реторика за да го прикрие фактот дека свесно го одржува статус квото и ја блокира европската интеграција.

Наместо да преземе одговорност и да ги праша граѓаните директно (преку референдум), тој постојано се повикува на „волјата на народот на следните избори“.

Ова е јасен знак дека се плаши од директна одговорност и од конкретни одлуки.

Две и пол години откако ветуваше подобри позиции, Македонија е подлабоко изолирана од кога било.

Преговорите се замрзнати, реформите се запрени, а граѓаните ја плаќаат цената за политиката на чекање и блеф.

Мицкоски не донесе подобри позиции. Донесе блокада и изолација.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Караванот на Движење ЗНАМ - за Наша Македонија под мотото „Европска ЗНАМ, Европска иднина, Европска Македонија“ продолжи во Битола, градот на конзулите, културата и традицијата, град кој со своето историско наследство, образовен развој и современ потенцијал претставува еден од најзначајните центри на Пелагонискиот регион и важен двигател на развојот на државата.

Во рамки на панел-дискусијата, претседателот на Движењето ЗНАМ, Максим Димитриевски, истакна дека главната обврска на секоја одговорна политика е да создава држава во која граѓаните имаат сигурност, еднакви можности и доверба во институциите.

„Европска Македонија не е само политичка цел, туку начин на кој треба да ја организираме државата. Тоа значи институции што функционираат, правда што важи за сите и економија која создава можности за развој. Македонија треба да биде успешна и самоуверена држава која ги штити своите национални интереси и достоинствено чекори кон Европа“ порача Димитриевски.

Тој нагласи дека Движењето ЗНАМ е политички субјект кој произлезе од граѓаните и дека токму непосредната врска со луѓето е она што го прави различен на политичката сцена.

„ЗНАМ е создадено од граѓаните и е тука за граѓаните. Нашата сила не е само во политичките функции и институционалната одговорност, туку пред се во довербата што ја добиваме од луѓето. Токму затоа остануваме меѓу граѓаните, да ги слушаме нивните проблеми, да разговараме за нивните потреби и да работиме на решенија што ќе донесат подобар живот. Довербата не се добива со зборови, туку се заслужува со работа, одговорност и резултати што граѓаните можат да ги почувствуваат“ истакна претседателот на Движењето ЗНАМ.

На панел-дискусијата се обратија и претседавачот со Централниот одбор на Движењето ЗНАМ, Игор Филков, како и потпретседателот на Движењето ЗНАМ, државен секретар и кандидат за министер во Министерството за земјоделство, шумарство и водостопанство, Борче Серафимовски. Филков се осврна на реформските процеси во областа на правосудството, владеењето на правото и зајакнувањето на институционалната одговорност, посочувајќи дека силните институции и еднаквата примена на законите се основа за стабилна и европска држава.

Во контекст на политиките кои треба да создадат стабилна и развојна држава, Серафимовски говореше за состојбите и предизвиците во земјоделството, поддршката за земјоделските производители, подобрувањето на условите за работа и создавањето сигурност за луѓето кои се темел на домашното производство и развојот на руралните средини.

Движењето ЗНАМ се залага за остварување на своите цели и посветено работи на остварување на истите - Македонија како модерна европска држава со силни институции, стабилен правен поредок, развиена економија, конкурентно земјоделство и еднакви можности за секој граѓанин, држава која својата иднина ја гради со работа, знаење и одговорност.

Центар за комуникации и аналитика

ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.