Токму така, Chevrolet објави дека 2024 година е последната моделска година на Camaro. Заклучокот на шестата генерација ќе биде означен со специјална серија Collector's Edition со уникатна Panther црна боја. Станува збор за мат црна боја која за прв пат се нуди на моделот.
Последната серија ќе се нуди во САД на повеќето верзии на мотори, а колекторското издание ZL1 е ограничено на само 350 единици. Од посебните детали, автомобилот добива надолжни ленти во сјајна црна боја, задни и предни спојлери и соодветни ознаки. Другите опции (LT/RS, LT1 и SS) ќе вклучуваат тркала од 20 инчи. Сите клиенти добиваат подарок часовник Shinola Canfield Sport. Почетната цена е 39.440 УСД.
Кога станува збор за последната моделска година, Chevrolet откри дека верзијата со 2.0 мотор се укинува, оставајќи ги како опции 3.6 V6, 6.2 V8 и 6.2 V8 LT4. Преведено, тоа значи дека Camaro ќе биде поскап, па верзијата со V6 мотор и над 335 КС ќе стартува од 32.495 долари.
Производството на Камаро ќе биде прекинато во јануари 2024 година. Не се знае многу за можниот наследник, освен она што го изјави Скот Бел, потпретседател на Шевролет: „Иако денес не објавуваме непосреден наследник, бидете сигурни дека ова не е крајот на приказната за Камаро“.