Свет

Уште еден американски носач на авиони ќе пристигне во Средоземно Море

Уште еден американски носач на авиони „УСС Џералд Р. Форд“ следната недела треба да биде распореден во Европа, во близина на Блиски Исток, објавија американските медиуми повикувајќи се на неименуван извор.

Се претпоставува дека носачот на авиони „УСС Форд“ ќе биде прераспореден во источниот дел на Средоземно Море.

Пред два дена американскиот брод носач на авиони „УСС Нимиц“се упати кон Блиски Исток. Носачот на авиони „УСС Нимиц“ е на нуклеарен погон и е еден од најголемите воени бродови во светот.

Сè уште е непознато дали „УСС Нимиц“ ќе го замени или ќе му се придружи на носачот на авиони „УСС Карл Винсон“.

Додека американските носачи на авиони се упатуваат кон Блиски Исток, во изминатите три дена над делови од Европа и Медитеранот регистрирани се повеќе од 30 американски воени авиони, меѓу кои и 12 авиони ловци Ф-35. Американските авиони вчера одлетале кон Средоземно Море, а потоа се вратија во Велика Британија.

Прераспоредувањето на американските носачи на авиони и прелетите на воените авиони се повеќе ги подгреваат шпекулациите дека американскиот претседател Доналд Трамп ќе издаде наредба за напад врз иранските нуклеарни објекти. Тој денеска одби да одговори дали ќе издаде наредба за напад.

- Можеби ќе го направам тоа. Можеби нема да го направам тоа. Никој не знае што ќе правам, истакна Трамп.

Тој изрази жалење поради тоа што Иран не се согласил на договор пред истекот на рокот од 60 дена. Трамп тврди дека Иран сега е заинтересиран да преговара, но според него „сега е многу доцна за разговор“ и повтори оти Техеран треба „безусловно да се предаде“.

- Потоа ние ќе ги дигнеме во воздух сите нуклеарни објекти (во Иран), посочи Трамп.

Американскиот министер за одбрана Пит Хегсет изјави дека армијата на САД е „подготвена да ја изврши“ секоја одлука на Трамп за војна и мир.

Ако и кога ќе се донесат такви одлуки, Министерството (за одбрана) е подготвено да ги изврши, наведе Хегсет.

Тагови: носач на авиони Средоземно Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште трае борбата со огнената стихија во кавадаречко

Се уште трае борбата со огнената стихија во кавадаречко.

Пожарот е активен и гори ниско стеблеста шума , а голем дел е изгаснат ова утринава за Канал 5 го изјави директорот на Дирекцијата за заштита и спасување Стојанче Ангелов кој информираше дека активен пожар има и во Прилепско.

Се вложуваат максимални напори за локализирање и отсекување на огнената линија, со цел да се заштити секој објект и да се спречи понатамошно ширење на пожарот. Се интервенира во два правци кон селото Дреново кон Ќесендре и кон селото Раец.

Во Кавадарци на терен се ангажирани сирте ресурси од општината , а помага и дел од месното население.

Поставено е и амбулантно возило со доктор, стационирано во селото Дреново, како превентивна мерка за здравствена заштита на жителите, информира градоначалникот Митко Јанчев.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и многу топло

Времето денес ќе биде сончево и многу топло со мала локална облачност.

Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.

Во Скопје, сончево и многу топло со слаб променлив ветер. Минималната температура ќе се спушти до 17, а максималната ќе достигне до 38 степени.

Во наредните денови продолжува периодот на сончево и многу топло време со дневна температура која во некои места ќе надмине 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончевo УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.