Ушаков: Делови од американскиот план се прифатливи, европскиот план не ни одговара - Канал 5

Свет

Ушаков: Делови од американскиот план се прифатливи, европскиот план не ни одговара

 Многу одредби од американскиот план за Украина изгледаат прифатливи, додека европскиот план е неконструктивен, изјави денеска помошникот на рускиот претседател, Јуриј Ушаков.

Ушаков: Делови од американскиот план се прифатливи, европскиот план не ни одговара

„Постојат многу шпекулации за американскиот план за Украина, но руската страна верува во она што ѝ е пренесено преку соодветните канали. Многу одредби од американскиот план за Украина кои ги видовме, изгледаат прифатливи“, рече Ушаков, пренесен од руските медиуми.

Според него, Кремљ е свесен за постоењето на европскиот мировен план за Украина, но површен преглед на неговите одредби, како што наведе, открива дека тие не се конструктивни.

„Што се однесува до плановите што се шират, утрово дознавме за европскиот план, кој, на прв поглед, е целосно неконструктивен и не ни одговара“, рече Ушаков, пренесен од руските медиуми.

Точките од американскиот план за решението во Украина, смета тој, бараат детална дискусија со страните.

„Ни беше претставена една опција што е во согласност со договорите постигнати во Алјаска. Затоа, многу, би рекол не сите, но многу одредби од овој план ни изгледаат целосно прифатливи. Што се однесува до другите одредби, има многу од нив, 28 точки, овие одредби, се разбира, бараат најдетална дискусија и разгледување меѓу страните. Но, ова прашање сè уште не е дискутирано со нас“, рече Ушаков.

Помошникот на рускиот претседател, исто така, изјави дека Москва добила сигнали од Вашингтон за лична средба и за почеток на дискусијата за планот за Украина и додаде дека сè уште не се постигнати конкретни договори.

На крајот од минатата недела, американскиот претседател, Доналд Трамп, презентираше мировен план за Украина и Русија што содржи 28 точки, а, меѓу другото, предвидува Украина да се откаже од дополнителни територии на истокот, да ја ограничи армијата и формално да се откаже од членството во НАТО, објавија медиумите.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Мицкоски да не си игра со иднината на земјата бидејќи ќе му судат следните генерации

Утринава пратеникот и претседател на СДСМ од Собранието Венко Филипче предупреди дека ако скршнеме од патот кон европската унија ќе следи период на години на сиромаштија, распродадена земја за туѓи интереси , и иселување.

Филипче: Мицкоски да не си игра со иднината на земјата бидејќи ќе му судат следните генерации

Тој предупреди дека 4 земји меѓу кои Црна Гора и Албанија добија патокази и во план е да влезат во унијата до 2030 година.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Сега е официјално: Кристијано Роналдо објави дека ја напуштил репрезентацијата

Најплатениот светски фудбалер, 41 годишниот Кристијано Роналдо официјално го објави своето заминување од португалската фудбалска репрезентација, откако претходно го напушти тренинг-кампот на тимот. 

Сега е официјално: Кристијано Роналдо објави дека ја напуштил репрезентацијата

Роналдо ја соопшти одлуката на Инстаграм, наведувајќи дека таа уследила по прес-конференцијата на селекторот Жорже Жесус и разговорот со претседателот на Португалската фудбалска федерација.

„По прес-конференцијата на селекторот и разговорот со претседателот на Португалската фудбалска федерација, одлучив да го напуштам тренинг-кампот на репрезентацијата.

Во соодветно време, на португалскиот народ ќе му ја откријам вистината за причините за моето заминување од репрезентацијата, на која отсекогаш сум ѝ бил посветен. Сега е време да им посакам многу среќа на Португалија и на сите мои соиграчи“, напиша 41-годишниот Роналдо.

Според извештаите, Роналдо го напуштил кампот само неколку часа откако Жезус зборувал за играчите кои се загреваат, но не добиваат шанса за игра.

Во таа прилика, тренерот конкретно го спомнал капитенот на Португалија. „Кога играч се загрева 20 или 30 минути, а не влегува во игра, никој не е среќен. Особено Кристијано. Особено Пеле или Марадона“, рекол Жезус.

Роналдо го држи рекордот на сите времиња за Португалија со 234 настапи и 146 постигнати гола. Со националниот тим, тој го освоил Европското првенство во 2016 година, како и Лигата на нации во 2019 и 2025 година.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски во Брисел: Во фокус европската интеграција, планот за раст и инфраструктурните проекти

Заменик-претседателот на владата и министер за транспорт, Александар Николоски, е во дводневна работна посета на Bрисел, каде што учествува на официјални средби организирани од европската комисија.

Николоски во Брисел: Во фокус европската интеграција, планот за раст и инфраструктурните проекти

На средбите се разговара за актуелните економски и политички прашања, реализацијата на инфраструктурните проекти, планот за раст, како и за процесот на интеграција и проширување на Европската унија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер