Усеин Болт најбрз и на 200 метри - Канал 5

Други спортови

Усеин Болт најбрз и на 200 метри

По златниот медал на 100 метри на Светското првенство во Москва, Усеин Болт од Јамајка без проблеми победи и во трката на 200 метри, каде немаше речиси никаква конкуренција. Болт постигна време – 19.66 секунди што е најдобро време оваа сезона.

Усеин Болт најбрз и на 200 метри
Неговиот сонародник Ворен Веир стигна до среброто, а бронзата му припадна на Американецот Куртис Мичел и го спречи Никел Ашмаде, Јамајка да има тројца атлетичари на пиедесталот.

Олимпискиот шампион од Лондон, Стефан Кипротич од Уганда триумфираше и на Светското првенство. Тој должината од 42.195 километри ја истрча за 2:09.51 часа. На второто и на третото место се пласираа двајца атлетичари од Етиопија, Лелсиа Десиса со време 2:10.12 часа и Тадесе Тола, кој имаше време од 2:10.23 часа.

Во трката на 5.000 метри за жени најбрза беше Месерет Дефар од Етиопија со време – 14:50.19 минути, пред Мерси Чероно од Кенија – 14:51.22 и Аламаз Ајана од Етиопија – 14:51.33.

Женската руска штафета во трката 4 х 400 метри го освои златниот медал со најдобро време оваа година – 3:20.19 минути, пред Американките кои имаа заостанување од 22 стотинки, а бронзата им припадна на Британките. Со овој триумф Русија ја прекина доминацијата на Американките во оваа дисциплина, кои победија на последните три светски првенства и на последните две Олимписки игри. Русинките беа светски шампионки 2005 година.

Злато за Русија денеска освои со најдобриот скок во кариерата и Светлана Школина. Таа во скок во височина со прескокнати 203 сантиметри беше прва. „Сребрена“ е Американката Бригета Барет со прескокнати 200 сантиметри. Бронзата им припадна на две атлетичарки затоа што имаа иста серија, претходната светска шампионка Ана Чичерова од Русија и Шпанката Рут Беитиа и двете со прескокнати 197 сантиметри.

Американката Бриана Ролинс стана светска шампионка откако на 100 метри со пречки имаше најдобро време 12.44 секунди и ја победи досегашаната шампионка Сали Пирсон од Австралија, која мораше да се задоволи со среброто. Меѓутоа Пирсон пропушти поголем дел од сезоната поради повреда и второто место за неа е добар резултат со време 12.50 секунди. Бронзата и припадна на Тифани Портер од Велика Британија.

Во фрлање копје кај мажите златен медал за Витеслав Весели од Чешка, кој копјето го фрли со должина 87.17 метри, пред Теро Питкамаки од Финска – 87.07 метри и Дмитри Тарабин од Русија, кој имаше должина од 86.23 метри.

Утре на последниот ден од СП ќе се одржат шест финални дисциплини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер