Кристофер Мојнихан (34) беше уапсен во Клинтон, Њујорк, и се изјасни за невин пред судот, пишува Би-Би-Си.

„Не можам да го оставам овој терорист да живее“

Според судските документи добиени од Си-Би-Ес њуз, Мојнихан наводно планирал да го нападне лидерот на малцинството во Сенатот, Хаким Џефрис, за време на неговиот говор во Економскиот клуб на Њујорк оваа недела. „Не можам да го оставам овој терорист да живее“, наводно напишал Мојнихан во текстуалните пораки.

Во пораките, според досиејата, тој исто така додал: „Дури и да ме мразат, Џефрис мора да биде елиминиран, ќе го убијам за во иднина“.

„Никогаш не требаше да биде помилуван“

По апсењето, се огласи самиот Џефрис, кој е можен кандидат за претседател на Претставничкиот дом ако демократите ја преземат контролата. Тој им се заблагодари на полицијата и федералните агенти за апсењето на „опасно лице кое упати веродостојна закана со смрт против мене со целосна намера да ја спроведе“.

„За жал, нашите храбри полицајци и федерални службеници се принудени да го поминат своето време чувајќи ги нашите заедници безбедни од овие насилни поединци кои никогаш не требаше да бидат помилувани“, рече тој.

Помилување по нападот врз Капитол

Во 2023 година, Мојнихан беше осуден на 21 месец затвор за упад во Капитол на 6 јануари 2021 година со толпа што се обиде да го спречи Конгресот да ја потврди изборната победа на Џо Бајден. Обвинителите потоа изјавија дека тој бил меѓу првите бунтовници што ги пробиле полициските барикади.

Откако влегол во Сенатската комора, тој прелистал тетратка на бирото на сенаторот и се снимил себеси на телефонот велејќи: „Мора да има нешто тука што можеме да го употребиме против овие кретени“.

Трамп го помилува, заедно со повеќе од 1.000 други обвинети за бунт, на неговиот прв ден повторно на функцијата, нарекувајќи ги „заложници“ чии животи биле „уништени“. Неколку други помилувани учесници во немирите исто така беа уапсени по разни обвиненија.

Политичкото насилство е во пораст

Политичкото насилство во САД ескалираше оваа година. Во јуни, еден маж ги нападна демократските пратеници во Минесота, убивајќи едно лице и нејзиниот сопруг, а повредувајќи уште едно. Во септември, еден маж од Јута го застрела и го уби конзервативниот активист Чарли Кирк.

Мојнихан моментално е во притвор, а неговото следно рочиште е закажано за четврток. Според локалниот обвинител, му биле прочитани обвиненијата за кои се изјаснил за невин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.