Уништен е првиот моќен Ферари со 12 цилиндри (ФОТО) - Канал 5

Автомобилизам

Уништен е првиот моќен Ферари со 12 цилиндри (ФОТО)

Ferrari е повторно во центарот на вниманието со новиот модел 12Cilindri, автомобил кој предизвикува исто толку ентузијазам и контроверзии како и сите кои доаѓаат од легендарната италијанска работилница.

Уништен е првиот моќен Ферари со 12 цилиндри (ФОТО)

Овој моќен патен автомобил, опремен со мотор со 12 цилиндри и моќност од 830 КС, привлекува внимание не само со својот ретро дизајн, туку и со цената, која надминува половина милион евра. Поради ограниченото производство и големата побарувачка, клиентите ќе мора да чекаат со години за нивниот примерок, дури и ако веќе го нарачале.

Додека првите прес-возења штотуку почнуваат да се одржуваат, од Луксембург пристигнуваат вести за инцидент кој завршил неславно. Имено, еден од моделите 12 Cilindri од промотивниот возен парк на производителот завршил уништен. Автомобилот опремен со погон на задните тркала се нашол на влажен и лизгав коловоз, што се покажало како фатална комбинација. Иако се уште не се знае дали зад воланот бил новинарот или некој друг, очигледно имало преценување на можностите на возилото или на возачот.

Единствената достапна фотографија од местото на настанот го покажува оштетеното Ферари на влажен пат, додека регистрацијата открива дека автомобилот припаѓал на мала флота во сопственост на самото Ферари. Според достапните информации, се чини дека во несреќата нема потешко повредени, иако на местото на настанот била повикана брза помош.

Ваквите несреќи нѐ потсетуваат на деликатната рамнотежа помеѓу моќта и управувањето во супер спортски модели, особено во помалку идеални услови. Засега останува непознато кој го управувал возилото, но извесно е дека овој инцидент ќе предизвика уште поголемо медиумско внимание на и онака контроверзниот и атрактивен модел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер