УНИЦЕФ: Речиси осум милиони деца во светот се неисхранети, секое петто дете умира од глад - Канал 5

Свет

УНИЦЕФ: Речиси осум милиони деца во светот се неисхранети, секое петто дете умира од глад

Според УНИЦЕФ, милиони деца ширум светот страдаат од тешка, опасна по живот неисхранетост.

УНИЦЕФ: Речиси осум милиони деца во светот се неисхранети, секое петто дете умира од глад

Канцеларијата на УНИЦЕФ за Хрватска почна хуманитарна кампања за помош на гладните деца во Судан, Јемен и Газа, предупредувајќи дека бројот на деца изложени на глад, сиромаштија и насилство непрекинато се зголемува и, според проценките, рекорден број деца ќе имаат потреба од хуманитарна помош во 2026 година.

Според УНИЦЕФ, милиони деца ширум светот страдаат од тешка, опасна по живот неисхранетост, која се проценува дека предизвикува една од пет смртни случаи кај деца под петгодишна возраст, што ја прави една од најголемите закани за опстанокот на децата.

Долготрајните вооружени конфликти и екстремните временски услови дополнително го комплицираат пристапот до храна и основни услуги, и покрај напорите на семејствата да го заштитат здравјето на своите деца, предупредува УНИЦЕФ.

Особено тешка ситуација е забележана во Судан, каде што, како што наведуваат, продолжува заборавената криза со милиони раселени деца и нивните семејства, во Јемен, каде што милиони деца и жени со години се соочуваат со хроничен недостиг на храна, и во Газа, каде што гладот ​​беше официјално потврден за прв пат во август 2025 година.

Во тие кризни подрачја, речиси осум милиони деца се соочуваат со катастрофални нивоа на неисхранетост, додека во Газа, поради уништената инфраструктура и ограничениот пристап до хуманитарна помош, се регистрирани и смртни случаи предизвикани од глад, истакнува УНИЦЕФ. Тие наведуваат дека нивните тимови на терен секојдневно се сведоци на зголемените потреби за здравствена заштита, вода за пиење и терапевтска храна и се стремат да ги задоволат сите овие потреби, но ситуацијата брзо се влошува и бара поголема помош од кога било досега.

Затоа, тие ги повикаа граѓаните повторно да се обединат во солидарност со цел заеднички да ја обезбедат многу потребната терапевтска храна. УНИЦЕФ забележува дека во светот обезбедува 80 проценти специјално развиена терапевтска храна за спасување животи на децата, терапија што за само неколку дена може да значи разлика меѓу живот и смрт.

Неисхранетоста, предупредува УНИЦЕФ, сериозно го загрозува опстанокот, растот и развојот на децата и е предизвикана не само од недостиг на храна, туку и од несоодветна исхрана, болести, ограничен пристап до вода за пиење и недостиг на здравствени услуги.

Тагови: УНИЦЕФ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер