УНХЦР ќе го следи почитувањето на човековите права во камповите за мигранти во Албанија - Канал 5

Балкан

УНХЦР ќе го следи почитувањето на човековите права во камповите за мигранти во Албанија

Мисија на УНХЦР ќе го следи почитувањето на човековите права во камповите за мигранти во Албанија.

УНХЦР ќе го следи почитувањето на човековите права во камповите за мигранти во Албанија

На покана на италијанското министерство за внатрешни работи, Агенцијата за бегалци на Обединетите нации ќе има улога на „мониторинг и консултант“ во двата центри во Албанија за процедури за идентификација и репатријации во првично времетраење од три месеци, јави Топ чанел.

- Агенцијата на ОН за бегалци (УНХЦР) беше официјално поканета од италијанското Министерство за внатрешни работи да го следи спроведувањето на Протоколот и да ги гарантира „правата и достоинството на оние кои ќе бидат во кампот“. Присуството на персоналот на УНХЦР е консолидирана практика, во согласност со мандатот на агенцијата на ОН да го надгледува спроведувањето на Конвенцијата за бегалци од 1951 година и да обезбеди заштита на бегалците, додава телевизијата.

УНХЦР не учествуваше во преговорите меѓу Рим и Тирана за изготвувањето на Протоколот, туку по серија состаноци на кои италијанската влада „даде дополнителни информации“ за неговата имплементација и „ја потврди својата силна желба тој да биде во согласност со законот и меѓународни стандарди“.

Во текот на првиот, тримесечен, договорен период, УНХЦР „ќе се стреми да ја подобри заштитата на барателите на азил и бегалците преку идентификување и известување до релевантните органи за секоја неусогласеност со меѓународното право за човекови права и бегалци и стандардите за добра практика, и ќе работи на подобрување на заштитните гаранции“.

Планот предвидува мигрантите кои се обиделе да преминат со брод во Италија, а италијанските власти ги пресретнале во Медитеранот, да бидат однесени во центрите во Албанија.

Петгодишниот договор за прием на мигранти, со можност за обновување, италијанската премиерка Џорџа Мелони и нејзиниот албански колега Еди Рама, го потпишаа во Рим на почетокот на ноември минатата година. Предвидува сместување во Албанија на 3.000 мигранти месечно собрани од италијанската крајбрежна стража во меѓународните води. Бидејќи е потребно околу еден месец за обработка на секое барање, бројот испратен во Албанија може да достигне 36 илјади во една календарска година. Италија се согласи да ги прими оние на кои им е одобрен азил. Оние чии барања ќе бидат одбиени ќе се соочат со депортација директно од Албанија.

Двата центри во Албанија ќе ја чинат Италија 670 милиони евра во следните пет години.

Центрите најпрво беше најавено дека ќе профункционираат во мај, потоа во август , но " поради незавршени работи во кампот за сместување во поранешната албанска воена база Ѓадр" тие сеуште не се ставени во функција.

Прифатниот центар во познатиот пристанишниот град Шенѓин е подготвен за прифаќање на мигранти./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава против полициски службеник за фалсификување исправа

Одделот за внатрешна контрола против А.А. ќе поднесе предлог за поведување на постапка за утврдување на одговорност за кршење на работниот ред и дисциплина.

Кривична пријава против полициски службеник за фалсификување исправа

Одделот за внатрешна контрола, криминалистички истраги и професионални стандарди при МВР, до ОЈО ГОКК - Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против А.А. поради постоење основи на сомнение за сторено кривично дело „фалсификување исправа“ по член 378 од Кривичниот законик.

Пријавениот, вработен во Одделот за заштита на определени личности и објекти при МВР, и покрај тоа што на 03.03.2026 и 09.07.2026 не дарувал крв во ЈЗУ Институтот за трансфузиона медицина при комплекс клиники „Мајка Тереза“, изготвил и употребил две лажни потврди за дарување на крв за што изготвил две барања за користење платено отсуство од три работни денови за деновите 03.03.2026, 04.03.2026 и 05.03.2026, како и за 09.07.2026, 10.07.2026 и 13.07.2026, по што ги искористил.

Одделот за внатрешна контрола против А.А. ќе поднесе предлог за поведување на постапка за утврдување на одговорност за кршење на работниот ред и дисциплина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес го погоди Нов Зеланд

Епицентарот на земјотресот бил на Северниот Остров, на длабочина од 280 километри и на 95 километри од градот Хамилтон.

Силен земјотрес го погоди Нов Зеланд

Земјотрес со јачина од 5,1 степени според Рихтеровата скала денеска го погоди Нов Зеланд, соопшти Европско-медитеранскиот сеизмолошки центар (EMSC).

Епицентарот на земјотресот бил на Северниот остров, на длабочина од 280 километри и на 95 километри од градот Хамилтон.

Засега нема извештаи за повредени лица или за материјална штета.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Касано: Мурињо е надминат, Кристијано Роналдо е само половина „Феномен“!

Поранешниот италијански фудбалски репрезентативец Антонио Касано повторно крена бура со своите изјави, а овојпат мета на неговите критики беше Жозе Мурињо. 

Касано: Мурињо е надминат, Кристијано Роналдо е само половина „Феномен“!

Поранешниот напаѓач на Реал Мадрид и Рома остро зборуваше за португалскиот стручњак во интервју за шпанскиот весник „Ас“, доведувајќи ги во прашање неговите тренерски квалитети и начинот на кој ги води екипите.

„Мурињо повеќе не би требало да води екипи. Имаше многу среќа, бидејќи ниту еден од неговите тимови не играше атрактивен фудбал. Неговите идеи за играта беа актуелни пред една деценија. Во кариерата не остави никакво фудбалско наследство, туку само скандали со сите“, изјави Касано.

Италијанецот изрази изненаденост што Реал Мадрид своевремено го ангажираше португалскиот тренер и што претседателот Флорентино Перез му ја укажал својата доверба.

Касано го пофали тренерот на Рома, Џан Пјеро Гасперини, нагласувајќи дека го смета за многу подобар стручњак од Мурињо.

Според него, доколку двајцата си ги заменеле улогите, Реал под водство на Гасперини би можел да оствари убедлива победа, дури и со резултат 10:0. Поранешниот фудбалер исто така смета дека Реал треба да се угледа на Барселона и на тренерот Ханси Флик.

„Во Реал треба да учат од Барселона и Флик. Тој изгради импресивен тим со силен карактер, во кој сите фудбалери учествуваат во нападите. Во Мадрид, пак, го прават токму спротивното“, изјави Касано.

На удар се најде и Винисиус Жуниор. Италијанецот смета дека неговиот соиграч Родриго, кој моментално е повреден, е многу подобар фудбалер. Иако признава дека Бразилецот Винисиус е голгетер и поседува добри напаѓачки способности, Касано смета дека нему му недостасува класата на вистинска светска ѕвезда.

Особено интересна беше неговата споредба на двајца познати фудбалери со име Роналдо. Касано, без двоумење, му ја даде предноста на Бразилецот Роналдо Назарио, познат како „Феноменот“.

„Како централен напаѓач, немам видено подобар од Роналдо Назарио. Тој беше неверојатен феномен. Да не беа сериозните повреди, ќе достигнеше незамисливи височини. Тоа е вистинскиот Роналдо. Кристијано не може да се споредува со него и поседува само половина од класата на ’Феноменот‘“, истакна екс репрезенативецот на Италија и член на Реал, Антонио Касано.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер