УНЕСКО му даде уште една шанса на охридскиот регион: Пет години за исполнување на препораките - Канал 5

Македонија

УНЕСКО му даде уште една шанса на охридскиот регион: Пет години за исполнување на препораките

Македонија и Албанија заеднички ќе работат на спроведување на Стратегискиот план за рехабилитација за да ги исполнат превземените обврски кои ќе го зачуваат статусот на Охрид како светско природно и културно наследство .

УНЕСКО му даде уште една шанса на охридскиот регион: Пет години за исполнување на препораките

Македонија и Албанија заеднички ќе работат на спроведување на Стратегискиот план за рехабилитација за да ги исполнат превземените обврски кои ќе го зачуваат статусот на Охрид како светско природно и културно наследство – вели министерот за надворешни работи Тимчо Муцунски. Ова следи откако Комитетот за светско наследство на УНЕСКО одлучи да не го впише Охридскиот регион на Листата на светско наследство во опасност и да им даде на властите рок до први февруари 2031та година да ги спроведат дадените препораките за заштита.

-Ние како Влада ќе работиме, затоа јас ги споменав сите институции кои што беа вклучени и локалната самоуправа која што беше вклучена, ќе работиме ангажирано на сите забелешки кои што постојат, но ќе напоменам – статусот на Унеско треба да оди во еден паралелизам со развојот – туристичкиот, економскиот и социјалниот на целиот тој регион. Не треба затоа што има статус Унеско да уназадува целиот тој регион и за тоа има кредибилно разбирање и во Париз и помеѓу земјите членки на Комитетот,- вели министерот за надворешни работи Тимчо Муцунски.

Охридскиот градоначалник – Кирил Пецаков, посочува дека овој петгодишен период остава повеќе простор за адресирање на забелешките на УНЕСКО и најави уривање на дивоградби.

-Имаме пет години пред нас, посебно за она што претставува документација, односно закони, правилници, прогласување на национални паркови, споменици на природата, тоа е нешто на кое треба да поработиме, иако е во тек. Ќе остане она што е Менаџмент план за управување со Охридското крајбрежје и тоа е еден документ кој што е многу значаен. // Оние (дивоградби) кои што ќе бидат нотирани како сериозен проблем, односно нешто за кое што треба да постапиме, тука сме во корелација со државата и ќе има одредени поместувања по однос на тоа,- – Кирил Пецаков.

Охридскиот регион го чека Реактивна мониторинг мисија во 2029та која тековно ќе утврди што е превземено во тој мегупериод, пред се во делот на урбаниот развој, инфраструктурните проекти, како и еутрофикација на езерото.

Иако од 2019та година досега три пати овој регион беше на чекор да стане светско наследство во опасност, според извештајот на Комитетот, Македонија превзела конкретни чекори за подобрување на системот за управување со Охридскиот регион како и подобрување на законската регулатива за контролирано просторно и урбанистичко планирање со фокус на Старото градско јадро и крајбрежната зона.

YouTube video

Тагови: охрид УНЕСКО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ал Пачино повторно со поранешната партнерка 54 години помлада од него- Еве што ги спои повторно

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Ал Пачино повторно со поранешната партнерка 54 години помлада од него- Еве што ги спои повторно

Поранешните партнери се појавија заедно во Лос Анџелес, а фотографијата и описот што ги објави Нур ја открија причината за нивното повторно обединување.

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Легендарниот 86-годишен актер и 32-годишната продуцентка присуствуваа на отворањето на Музејот на наративна уметност „Лукас“, а Нур сподели нивна заедничка фотографија на Инстаграм.

Покрај фотографијата, таа остави краток, но впечатлив опис: – Мајката и таткото на Роман – напиша таа, додавајќи емотикон со црвено срце.

Со ова таа покажа дека, без оглед на природата на нивната моментална врска, ги поврзува нивниот тригодишен син Роман, кој се роди во 2023 година.

За таа пригода, и двајцата избраа црни комбинации, а нивната блискост повторно поттикна прашања за тоа каква е нивната врска денес.

Нејзината сестра, Софија Алфалах, во коментарите напиша „Вечерно излегување за родителите“, со што дополнително ја истакна нивната заедничка улога како родители.

Пачино и Нур претходно беа во романтична врска, но кога во интервју за списанието „Пипл“ (People) во 2024 година беше прашан дали е во врска, славниот актер одговори: „Не. Имам пријателски однос.“

Неговиот претставник тогаш исто така изјави дека Пачино и Алфалах останале добри пријатели и заеднички се грижат за својот син, Роман.

Тагови: Ал Пачино

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Дефанзивецот на англискиот премиерлигаш од Енфилд Роуд, Енди Робертсон јавно зборуваше за смртта на својот соиграч и пријател Диого Жота и за тоа колку тешко му било на целиот тим на Ливерпул.

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Диого Жота за жал почина минатата година на само 28-годишна возраст, во тешка сообраќајна несреќа заедно со својот брат Андре Силва.

Тоа беше тежок удар за неговите најблиски, но и за сите во Ливерпул. Енди Робертсон беше еден од неговите најблиски пријатели во клубот и нему сè уште му е тешко да зборува за тоа.

„Тешко е да се опише и да се зборува за она низ што сите поминавме. Беше ужасно. Ако зборуваме за новите засилувања... Новите играчи дојдоа во клуб чие срце беше скршено. Многу ми беше жал за нив. Дојдоа за големи пари – зборувам за фудбалот. Им требаа неколку месеци за да се прилагодат. Искрено, не ни беше грижа за фудбалот. Тоа беше вистината. Изгубивме еден од нашите најдобри пријатели од соблекувалната“, рече Робертсон, кој донекаде застана во одбрана на Флоријан Вирц, Александар Исак и скапите засилувања што пристигнаа во тоа време.

Тој призна дека најтешко му паднало тоа што претходно бил на свадбата на Жота – сите биле среќни и весели. А потоа... „Сите фудбалери го имаат тоа нешто, таа предност. А кога ќе го изгубите тоа, не можете да играте на највисоко ниво. Кога се навраќам на минатата сезона, гледам дека ја изгубивме решителноста. Се прашувавме: 'Која е поентата на сè? Погледнете го семејството и децата на Жота'. Бевме во жалост; тој за нас не беше само играч – беше навистина тешко. Само една недела претходно бев на неговата свадба – една од најтешките ситуации во мојот живот – а веќе следната недела го гледав неговото семејство скршено од болка.“

Тагови: Ливерпул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

О.Аеродром: „Гола месечина“ повторно носи култура и забава во Аеродром

Општина Аеродром и годинава ја поддржува културната манифестација „Гола месечина“, која од 25 до 27 септември ќе се одржи во паркот „Авионче“.

О.Аеродром: „Гола месечина“ повторно носи култура и забава во Аеродром

Во рамките на тридневната фестивалска програма, посетителите ќе имаат можност да уживаат во разновидни културни и забавни содржини, меѓу кои музички настапи, стендап-комедија, кабаре, детска програма и други содржини наменети за сите генерации.

Со поддршката на фестивалот „Гола месечина“, Општина Аеродром продолжува да придонесува кон збогатување на културниот живот во општината и создавање можности за граѓаните да уживаат во квалитетни културни содржини.

Фестивалот „Гола месечина“ ќе се одржи на 25, 26 и 27 септември во паркот „Авионче“, а влезот за сите посетители е бесплатен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер