Култура

Уметници насликани на мурал во Кавадарци за 30 години независност на државата

Чемерски, Бадев и уште петмина други уметници се насликани на мурал во строгиот центар на Кавадарци.

Покрај ликовниот уметник Глигор Чемерски и доајенот на македонската народна песна, Никола Бадев, на муралот во центарот на градот се претставени и ликовните уметници Петар Мазев и Симон Шемов, музичките уметници Васил и Зафир Хаџиманов, како и публицистот Иван Мазов-Климе.

Автори на муралот се уметниците Никола Иваноски и Симона Манчева.

-Проектот е финансиран од Владата и е спроведен во соработка на Фрагмент Комуникации, Студио КР7 и КСП ПОДИУМ – ЈАДРО Кавадарци, рече Манчева, појаснувајќи за МИА дека Кавадарци е дел од поголемиот проект, во кој, со вакви мурали на кои се претставени истакнати културни дејци, се одбележува 30 години од независноста на државата.

Проектот е насловен „Градиме култура, сликаме култура – мурали за 30 години независност".

-Темата на муралот е, дејноста и делата на истакнати домашни дејци и автори во сферата на творештвото, културата, уметноста, литературата,музиката, образованието, спортот и други истакнати личности кои имаат директен придонес во развојот на државата, или придонеле во создавањето или во зачувувањето на културното наследство, додаде Манчева.

Муралот се уште е во изработка.

-Овој мурал зборува за значајноста на кавадаречките дејци на македонската и интернационалната културна сцена и за потребната соработка и комуникација меѓу уметниците, рече Манчева.

Тој веќе го краси ѕидот на зградата, во која, меѓу другото, се сместени Домот на културата „Иван Мазов-Климе" и библиотеката „Феткин".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: Савески да постапи по кривичните пријави од СДСМ - одговорност за труењето во Гостивар и тепањето млади

Поминаа повеќе од пет недели од здравствената катастрофа во Гостивар а досега нема никој одговорен од власта.

Цел град отруен од загадена вода, 5.000 граѓани завршија во болница, а одговорност сè уште нема.

Функционери и политичари држат здравица, пијат вода пред камери а цел месец граѓаните пиеја вода загадена со фекалии.

Срам и брука. А одговорност нула!

Доколку јавниот обвинител Ненад Савески се врати од екскурзија прашуваме дали постапи по кривичните пријави поднесени од СДСМ?

Дали утврди кој ќе одговара за здравствената катастрофа во Гостивар?

Ги повика ли на распит Клековски, Андоновска, Мицкоски, Тошковски?

Кој ќе одговара за изјавите дека водата е исправна да се користи како „техничка“ а потоа дека има многу различни бактерии?

Зошто досега ниту еднаш не беше објавен јавен документ за анализата на водата во Гостивар?

Повеќе од еден месец граѓаните слушаа различни и контрадикторни изјави од власта.

Мицкоски велеше дека водата е исправна за техничка употреба, Ангелов и Клековски потврдија дека има бактерии, а Тошковски правеше хиперхлорирање.

Официјален извештај и целосна анализа за водата пред јавноста немаше.

За катастрофата во Гостивар мора да има политичка и кривична одоговорност.

Исто и за нападот врз младите активисти во Ново Село.

Поминаа денови од нападот, а јавноста сè уште нема одговор кој ќе одговара. Поднесените кривични пријави на СДСМ се за сериозни кривични дела.

Не може Обвинителството да молчи.

5 тони дрога поминаа преку граница и за тоа никој не одговараше.

Филмски заплени на 100 тони марихуана, најави и јавни обинувања и на крај ништо.

Бараме итно Обвинителството да постапи по кривичните пријави кои ги поднесе СДСМ.

Итна постапка од обвинителот Савевски, доколку се вратил од екскурзијата, да утврди кој и врз основа на кои анализи денеска потпишал дека водата е безбедна.

СДСМ нема да дозволи овие случаи да бидат ставени во фиока.

За труењето во Гостивар мора да има одговорност.

За нападот врз младите мора да има одговорност.

За злоупотребата на полициски документи мора да има одговорност.

Граѓаните не бараат здравици бараат одговорност!

Прес-конференција на СДСМ, Кети Штерјова

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јаревски: Историски договори за повисоки плати во здравство, образование, администрација, безбедност

Владата на ВМРО-ДПМНЕ продолжува да го унапредува социјалниот дијалог и да создава услови за повисоки примања преку институционални решенија и колективно договарање.

За првпат се постигна договор со синдикатите УПОЗ и САДО за повисоки плати на административните службеници, а кон договорот се приклучија и други синдикални организации. Со тоа за првпат по долг период се обезбедува системско подобрување на статусот на вработените во администрацијата.

Од превземањето на обврската владата да ја предводи ВМРО-ДПМНЕ досега, за 20% се зголемени платите на просветните работници и на сите вработени во образованието.

Согласно колективниот договор, вработените во основното и средно образование ќе добијат од 46 до 60% повисоки плати во еден мандат, а за 14% се зголемија платите и на универзитетските професори.

Со потпишувањето на анексот на колективниот договор значително се зголемија и платите на сите вработени во македонското здравство. Согласно договорот платите на здравствените работници се зголемија за 4815 денари нето, додека зголемувањето за медицинските сестри изнесува дури ,200 денари и до крајот на мандатот покачувањето на платите треба да достигне дури 50%.

По долги години во соработка и дијалог со претставници на синдикалните организации, колективен договор добија и вработените во Министерството за земјоделие, шумарство и водостопанство, кој предвидува зголемување на надоместоците за вработените и подобрување на нивниот работен статус.

Исто така се зголемија и платите на вработените во безбедносните структури кои преку јасен план ќе продолжат и понатаму да се зголемуваат.

Со владата на ВМРО-ДПМНЕ никој не е заборавен. Сите работници го добиваат заслуженото внимание, грижа и паричен надоместок за својот труд.

Ќе продолжиме да работиме исклучиво во интерес на граѓаните преку дијалог, партнерство и политики што обезбедуваат раст на платите, сигурни работни места и стабилен економски развој.

Тони Јаревски, пратеник на ВМРО-ДПМНЕ

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Приведена охриѓанка ткако ја нападнала 72-годишната свекрва

Полицијата вчера привела 34 годишна жена откако ја нападнала свекрвата во семјниот дом.

- На 14.08.2026 година во 09:40 часот полициски службеници од СВР Охрид од слобода ја лишиле Т.Д.(34) од охридско село, постапувајќи по претходна пријава дека во семејниот дом физички ја нападнала нејзината 72 годишна свекрва, соопштија од полицијата во дневниот билтен.

По целосно документирање ќе биде поднесен соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.