Живот

Уловил риба, а во нејзиниот стомак пронашол нешто ужасно: Ова е раката на водениот дух (ФОТО)

Рибар направил морничаво откритие кога пронашол застрашувачка рака во стомакот на џиновски сом што го уловил.

Рибарот го споделил морничавото откритие на Фејсбук, каде што објавата станала вирална, а корисниците на социјалните мрежи коментирале и шпекулирале што точно бил предметот во стомакот на рибата, објавува Дејли Стар.

Објавата била напишана со наслов: „Одев на риболов и фатив голема риба, се вратив дома и ја исчистив, но бев шокиран кога го најдов ова во нејзиниот стомак. Дали е ова рака на животно?“

Некои корисници забележале парчиња крзно на раката, што сугерира дека рибата можеби ја проголтала раката на мал вид мајмун.

Оригиналната објава на социјалните мрежи е објавена од сметка во Малезија, но рибата наводно била фатена во Сунгаи Кубу, Индонезија.

Еден корисник додал: „Како скапана рака на мајмун“. Друг рекол: „Рака на мајмун - нејзиниот палец е различен од човечкиот“.

Некои мислеле дека раката е нешто многу позлокобно од онаа на мајмун. Еден суеверен корисник напиша: „Раката на водниот дух...“

Тагови: раката стомак

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.