Лидерот на партијата „Франција непокорна“, Мануел Бомпард, која е дел од левичарската коалиција „Нов народен фронт“, денеска изјави дека се надева оти коалицијата ќе добие апсолутно мнозинство места во вториот круг, како и дека претседателот Емануел Макрон веќе не е во позиција да повикува на собирање околу себе.

Тој е еден од 32-та пратеници на „Новиот народен фронт“ кои беа реизбрани во првиот круг од вчерашните избори, пренесува „Фигаро“.

Бомпард потврди дека сака да добие апсолутно мнозинство заедно со силите на левицата за „веднаш да ги промени животите на луѓето“ и „да ја спречи партијата Национален собир да ја преземе власта“.

Тој посочи дека претседателот Емануел Макрон не е во позиција да повика на каков било собир, нагласувајќи дека шефот на државата претрпел пораз на овие избори.

„Постои хипотеза за која беше одлучено вчера, а тоа е дека Габриел Атал повеќе нема да биде премиер и дека претседателскиот табор не може да има апсолутно мнозинство. Затоа не мислам дека Макрон е во позиција да повика на собирање околу себе“, рече Бомпард.

Тој додаде дека доколку има апсолутно мнозинство од Новиот народен фронт, ќе биде неопходно да се одлучи за „премиерот кој најдобро може да ја спроведе нивната програма“.

Видео од чинот е објавено на социјалните мрежи од извесен Изет Шулку кој се претставува како албански државјанин.

„Кораб е на Албанија и таму нема место за македонското знаме“, напиша Шулку на својот фејсбук-профил и го објави видеото.

Настанот се случил пред два дена, а на видеото може да се забележи дека Шулку кој го отстранува македонското знаме, е придружуван од уште неколку други лица...

Во продолжение интегралниот текст од денешното обраќање на премиерот Мицкоски при посетата и поставувањето на камен темелник на нова детска градинка во скопската општина Бутел:

„Почитувани граѓани на Општината Бутел,

Почитуван градоначалник Дарко Костовски,

Почитуван министер за социјална политика, демографија и млади Фатмир Лимани,

Почитувана министерке за образование и наука преофесор Весна Јаневска,

Драги пријатели, браќа и сестри,

Навистина ми преставува особена чест што имам можност да го означам почетокот на градбата на новата градинка овде во Бутел 2, каде што пред изборите ветивме решавање на хаосот кој што постоеше со згрижување на дечињата во предшколската возраст.

По 60 години Бутел 2 добива нова градинка, а стариот и дотраен објект ќе биде срушен. Над 200 дечиња ќе добијат пристојни услови да го поминуваат своето детство.

1800 метри квадратни ќе бидат доволни да ги задоволат барањата на оваа населба, а инвестицијата е над 100 милиони денари. Има и одредена симболика за овој објект.

Тука е мешана етничка средина, има дечиња и од македонска и од албанска национална припадност. Инвестициите во ваквата инфраструктура мора да бидат подеднакви затоа што подеднакво треба да се грижиме за решенија на проблемите кои ги засегаат сите граѓани.

Ова е време кога државата треба да прави за народот, затоа што долго време народот правеше за државата.

Македонија треба да припадне во рацете на граѓаните.

Оваа градинка ви ја ветив пред изборите и еве ме на 8миот ден од новата Влада редиме камен темелник на оваа градинка. Дарко, министерот, министрите и јас остваруваме уште едно ветување. На овој начин создаваме и си стоиме на зборот.

Образот нема цена. Исполнуваме за тебе, за сите граѓани. Нека е честито и да се сведочиме на уште многу убави работи.“, истакна премиерот Мицкоски при поставувањето камен темелник на нова детска градинка во општината Бутел.