Давам предлог, нека се откажат од проектот за затворен базен и нека не остават мене, мојот тим и Советот на Општина Струмица да го завршиме овој важен проект за граѓаните и граѓанките на општина Струмица, порача градоначалникот на Струмица, Костадин Костадинов, од денешната прес конференција што ја одржа пред запуштениот објект на затворениот базен, кој почна да се гради опред скоро две години.

Додаде дека овој предлог го дава за да не излезе дека само ја критикуваат централната власта, но, сепак, очигледен е инаетот што власта го води кон Струмица.

-Очигледно душманскиот пристап со Струмица и струмичани расте и се интензивира веројатно од некаква нивна помисла дека на тој начин ќе можат да ќарат некакви политички поени, но реалноста е сосема друга. Денеска сме пред најавуваниот затворен школски базен којшто веќе требаше да биде изграден во Струмица, почнат од претходната Влада, но гледаме дека истиот е обраснат со трева и нема никакви активности. Инаетот оди до таму да власта од ВМРО ДПМНЕ дури нема чувство за грижа кон дечињата во Струмица коишто овде треба да имаат часови по пливање. Навистина жалам што локалните авторитети, пратеници од ВМРО ДПМНЕ, не преземаат ништо во однос на свесно закочените проекти во општина Струмица, потенцираше Костадинов.

Подвлече дека примерот со закочени објекти не е само со затворениот базен. Ист таков бил и примерот со регионалниот пат А4 Струмица – Дабиле каде, според струмичкиот градоначалник, дефинитивно станало јасно дека свесно се кочат експропријациите и затоа изведувачите не можат да си ја завршат работата за проекти за кои Општината сака да ги реализира.

Канцеларијата на јавниот обвинител на Париз денеска потврди за ДПА дека 70-годишниот поранешен политичар сè уште мора да се придржува до одредени услови според условите на неговата условна казна.

Саркози беше осуден на три години затвор за поткуп и нелегално влијание. Две од тие години беа условни, а тој требаше да отслужи една година дома со нараквица на глуждот. Електронскиот уред беше поставен на почетокот на февруари.

Со нараквицата на глуждот на Саркози му беше дозволено да го напушти домот само помеѓу 8 часот наутро и 20 часот навечер. Исклучоци беа направени кога мораше да се појави на суд за друго судење.

Дури и без нараквицата, на Саркози сè уште му е потребна дозвола од судија за патување во странство или за отсуствување повеќе од 15 дена.

Се надевам дека во периодот кој што следи заеднички ќе го одблокираме овој процес, достоинствено, бидејќи една од суштинските европски вредности е токму достоинството. Претседателот Кошта кажа дека патот до полноправно членство во рамките на ЕУ е фрустрирачки, тежок и предизвикувачки, но ние како народ можеме да кажеме дека години го одиме најтешкиот пат. Факт е дека тој пат го одеа и другите народи кои што сега се дел од европското семејство, но граѓаните на оваа, една од најмалку бројните земји во срцето на Балканот и во Европа, го одеа и го одат најтешкиот пат ако може да се каже дека го одат бидејќи се наоѓаме на истото место каде што бевме пред 20 години, изјави премиерот Христијан Мицкоски на заедничката прес-конференција со претседателот на Советот на ЕУ Антонио Кошта.

Мицкоски нагласи дека нашата посветеност во процесот на евроинтеграции ќе остане и ќе се засили во периодот кој што следи, затоа што, посочи, веруваме дека иднината на македонските граѓани е во рамките на европското семејство, нагласувајќи дека евроинтегративниот процес се темели на вредности, не на билатерални прашања.

-Во оваа нова етапа, кога граѓаните ја препуштија одговорноста на новата македонска влада, моја обврска како премиер е да зборувам отворено, искрено и достоинствено. Тоа го правам првенствено затоа што имам должноста кон народот, но и кон самата европска идеја што толку упорно настојуваме да ја реализираме. И достоинствени ќе бидеме дел од европското семејство. Јас сум убеден дека имаме вредности, имаме капацитет, имаме знаење и знаеме како да го изодиме тој пат на најбрз начин, а со помошта која што лично ја дава претседателот Кошта и поддршката и помошта која што ја имаме и од Европската комисија и од земјите членки, сигурен сум дека ќе направиме квалитетни реформи и реформи кои што ќе обезбедат европска иднина за нашата држава и за нашите граѓани, истакна Мицкоски.

Во одговор на новинарско прашање дали ќе се остварат разговори со бугарската страна, Мицкоски рече дека е подготвен во било кое време да разговара за решавање на проблемот.

-Што се однесува до разговори со нашиот источен сосед, ќе ве потсетам, веќе претседателката имаше на ниво на претседатели неколку состаноци со нејзиниот колега од Бугарија. Така што, не е само состанокот на министерско ниво, а јас сум подготвен во било кое време, и таа подготвеност му ја пренесов на претседателот Кошта да дојдам во Брисел, дали во негово присуство, во присуство на претседателката Фон дер Лајен, да седиме и разговараме било кога и било колку да треба за да дојдеме до заедничко решение како и двете страни да испорачаат, рече Мицкоски.

Премиерот потсети дека Кошта го пренел она што е став на ЕУ, додека Владата го пренела веќе познатиот став, односно не можеме да менуваме Устав, без да видиме јасна испорака од другата страна.

-Господинот Кошта го пренесе она што е став на ЕУ. Предлогот во 2022 година, потпишан и прифатен од претходната Влада на СДСМ и ДУИ, така што се суспендираше Парламентот затоа што за да се случи промена на Устав се потребни две третини. И знаете на каков начин се прифати тоа што се прифати.

Нашиот став е јасен и принципиелен. Ние тоа не можеме да го прифатиме без да видиме добра волја испорака од соседната страна. Не можеме ние да менуваме Устав по којзнае кој пат, а без да имаме јасна порака и јасна испорака од другата страна, а тоа е бугарската страна. Никој кај нас нема проблем како дел од преамбулата да ги вметне да речеме, Хрватите, Црногорците, Словенците и останатите, затоа што имаме принципиелен однос со тие држави. Дури ни Португалците, ни Шпанците, ни Французите, немаме таков проблем. Не сме ние таква Влада ниту такви граѓани, ниту таков народ. Но, да имаме проблем и затоа сакаме да разговараме за да го решиме тој проблем. И ова е двонасочна улица.

Сппоред премиерот, ако испорачува едната страна континуирано, а другата ништо, тогаш нема цел, но ако испорачаат и двете страни, а јасно е што треба да испорачаат втората страна, тогаш можеме да седнеме и да најдеме што би рекле заеедничка основа, односно да можеме да се договориме.

-Доста ние како држава направивме во името на тие европски интеграции во името на европската иднина. Ќе ве потсетам менувавме знамиња, менувавме име, менувавме Устав, како никој до сега. Затоа реков да, фрустрирачки е патот и тежок. Но за нас е исклучително фрустрирачки и тежок и се уште не почнал уште се наоѓаме онаму каде што бевме пред 20 години.

Во однос на тоа дали ќе продолжи да бара одложена примена на уставните измени или ќе се бара креативно толкување на Преговарачката рамка и што тоа би значело, Мицкоски посочи дека нашиот став останува јасен и непроменет.

-А пораката која што ја кажа претседателот Кошта е порака која ние ја слушаме долго време. И претпоставувам ќе ја слушаме, доколку немаме прогрес во процесот. Ќе повторам, и тогаш и денеска, јас сум на истиот став. Дека евроинтегративниот процес се темели на вредности, не на билатерални прашања. За жал, претходната Влада прифати такво билатерално прашање да биде дел од нашата европска иднина. Јас тоа неможам да го прифтам. И нема никогаш да го прифатам и ќе се борам колку можам и додека можам. Да најдеме начин да излеземе од овој процес во којшто сме сега. Јас не можам да излезам и немам совест да излезам пред македонските граѓани, и да им кажам дека ќе биде променет Уставот, а притоа да заборавам дека најмалку 14 пресуди од Стразбур има за Македонците од другата страна на границата кои што Бугарија игнорира да ги примени, истакна Мицкоски.

Не можам никогаш да се сложам на било што поврзано со промена на Уставот, продолжи премиерот, ако знам дека една земја-членка на ЕУ, се уште го доведува под прашање мојот мајчин македонски јазик и мојот македонски идентитет.

-Кога ќе имаме јасна позиција, и од страна на ЕУ, и од страна на сите земји членки околу многувековниот македонски идентитет, јазик, и околу вистинската желба да бидеме дел во европското семејство, но и почитување на европските институции како што е Европскиот суд за човекови права, тогаш јас сум тука подготвен да разговарам во секое време за се. Решавањето на проблемите е ако ги идентификуваме проблемите, а ако се држиме на формалности нема никогаш да ги решиме проблемите, истакна Мицкоски на заедничката прес-конференција со Кошта.