Украина се утврдува на руска територија - Канал 5

Украина се утврдува на руска територија

Ден откако Русија призна дека украински трупи се навлезени 30 километри на нејзина територија, Москва испразни речиси цела област.

Украина се утврдува на руска територија

11 илјади цивили се евакуирани денеска од рускиот регион Краснаја Јаруга, во Белгород како одговор на украинската погранична офанзива, која се смета за најсериозен напад на странска армија врз Русија од Втората Светска војна.

-Примив шест смс пораки за ракетна опасност. Страшно е хеликоптери постојано да ве надлетуваат. Ќе заминам додека се уште е возможно да се замине. , изјави жителка на областа Белгород.

-Имавме алармантно утро. Имавме непријателска активност на границата на Краснојарушкиот регион. Сигурен сум дека нашите војници ќе направат се за да се справат со заканата што се појави. За да ги заштитиме здравјето и животот на нашето население, почнавме да ги премесетуваме луѓето од областа Краснаја Јаруга на побезбедни места. , Вјечеслав Гладков, гувернер на областа Белгород.

Украина тврди дека повеќе илјади нејзини војници се дел од нанадејниот упад пред шест дена во пограничната област Курск, која се граничи со Белгород. Нема детали за жртви или за заземени руски територии додека Киев најавува дека целта е да се дестабилизира Русија и да се потиснат руските сили со брзи напади.

-Украина докажува дека навистина може да ја врати правдата и да го обезбеди потребниот притисок врз агресорот. , изјави Володимир Зеленски, претседател на Украина.

Воените експерти не можат да ги предвидат ефектите од украинскиот поход на руска територија, во услови кога Киев мака мачи да ги задржи своите области на своја територија.

-Украинците губат територија - не драматично, туку бавно - и имаше чувство дека Украинците не можат да победат, така што тие ја започнаа оваа офанзива за да се обидат да им дадат на Русите простор за загриженост. , изјави Мајкл Кларк, безбедносен аналитичар од Лондон.

Москва и Киев и денеска се обвинуваат кој е одговорен за вчерашниот пожарот во нуклеарната електрана Запорожје, која е под контрола на Русија. Надлежните соопштија дека нема знаци на зголемена радијација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Доли Партон постхумно доби три номинации за Греми наградите

Американската кантри пејачка Доли Партон доби три постхумни номинации за наградата Греми, речиси три месеци по нејзината смрт на 80-годишна возраст, објави Американската академија за музичка уметност и наука.

Доли Партон постхумно доби три номинации за Греми наградите

Партон беше номинирана двапати во категоријата за најдобар кантри дуо или групна изведба, за нејзината соработка со бендот Зак Браун на песната „Butterfly“, како и за песната „Light of a Clear Blue Morning“, која ја изведува со Лејни Вилсон, Мајли Сајрус, Квин Латифа и Роб Мекентајр, објавува Entertainment Weekly.

Таа доби трета номинација во категоријата за најдобра аудио публикација, нарација и раскажување приказни, за нејзината автобиографска книга „Star of the Show: My Life on Stage“ од 2025 година.

Актерот Тим ​​Кари беше исто така постхумно номиниран во истата категорија за неговите мемоари „Vagabond“.

Партон и Кари починаа на 25 август, на 80-годишна возраст.

Доли Партон освои десет Греми награди во текот на својата кариера, како и награда за животно дело во 2011 година.

Меѓу нејзините најпознати наградувани песни се „9 to 5“ и „Jolene“, кои ги изведе со групата Pentatonix во 2017 година.

Нејзината номинација за заедничка песна со нејзината кума Мајли Сајрус е особено значајна, со оглед на нивната блиска врска.

Сајрус во октомври, за време на настапот на Холивуд Боул, изјави дека тие двајца имаат „вечна врска“ и дека ништо не може да ги раздели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кристијан Корабоски доби 30 дена притвор за нападот врз Сара во Охрид

30 дневен притвор доби Кристијан Корабоски, обвинет за нападот врз 26-годишната Сара во Охрид.

Кристијан Корабоски доби 30 дена притвор за нападот врз Сара во Охрид

Од обвинителството информираат дека барањето за притвор следувало по проширувањето на обвинението од едно на три кривични дела.

Обвинението опфаќа телесна повреда, противправно лишување од слобода и загрозување на сигурноста.одлуката е донесена врз основа на дополнителни докази собрани во истрагата. Обвинителството оценило дека постои опасност обвинетиот да го повтори насилството.нападот се случил на 15 ноември, околу два часот по полноќ. Според МВР, расправијата започнала во домот, а продолжила во автомобилот, каде жената била физички нападната.таа изгубила свест и била пренесена во болницата во охрид, а потоа во „Свети Еразмо“. Корабоски бил лишен од слобода во 5 и 05 часот. Претходно му биле определени мерки на претпазливост, меѓу кои забрана за приближување до оштетената. Адвокатот владимир туфегџиќ вели дека самиот факт што доаѓа до драстична промена на мерката остава сомнеж. Вели дека малите локални средини создаваат големна локална моќ, затоа според него републичкото јавно ообвинителство треба да го преиспита случајот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пилот на српската војска загина во пад на воен авион кај Стара Пазова (ВИДЕО)

Министерството за одбрана објави дека авион МиГ-29 на српската армија, дел од 204-та воздухопловна бригада, се урна утрово околу 8:45 часот во близина на Стара Пазова, при што загина пилотот, мајор Горан Булајиќ.

Пилот на српската војска загина во пад на воен авион кај Стара Пазова (ВИДЕО)

Според соопштението на Министерството, воената полиција веднаш пристигнала на местото на несреќата, а за трагичниот настан бил известен и надлежниот обвинител.

За да се утврдат сите факти, формирани се две комисии - комисијата за истражување на вонредниот настан, чија задача е да ги утврди околностите на несреќата и евентуалната одговорност на воената организација, како и експертската комисија на воздухопловните сили, која ќе ги испита техничките причини за авионската несреќа.

Пилотот кој загина, мајор Горан Булајиќ, е роден на 25 март 1973 година во Белград и бил во професионална служба во српската армија од 1996 година. Зад себе оставил две деца.

По повод оваа трагедија, министерот за одбрана Братислав Гашиќ и заменик-началникот на Генералштабот на српските вооружени сили и командант на воздухопловните сили и силите за противвоздушна одбрана, генерал-потполковник Тиосав Јанковиќ, испратија телеграми со сочувство до семејството на загинатиот пилот. Генерал-потполковник Јанковиќ по несреќата отиде на местото на настанот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер