Свет

Украина и Русија ја започнаа втората рунда преговори во Абу Даби

Украинските и руските преговарачи денеска во Абу Даби ја започнаа втората рунда разговори за завршување на војната со посредство на САД.

Дводневните трилатерални состаноци доаѓаат откако украинскиот претседател Володимир Зеленски изјави дека Русија го искористила минатонеделниот договор за „енергетски“ прекин на огнот, постигнат со помош на САД, за да складира муниција, напаѓајќи ја вчера Украина со рекорден број балистички ракети.

„Уште една рунда преговори започна во Абу Даби. Процесот на преговори започна во трилатерален формат на Украина, САД и Русија“, објави главниот украински преговарач Рустем Умеров на Телеграм.

Умеров рече дека тимовите ќе се состанат и во одделни групи за да разговараат за специфични теми, по што ќе следи заеднички состанок за усогласување на ставовите.

Во текот на изминатата година, администрацијата на американскиот претседател Доналд Трамп ги охрабри и Киев и Москва да најдат компромис за да го прекинат четиригодишниот конфликт, кој започна со руската инвазија на Украина во февруари 2022 година, но двете страни остануваат дистанцирани по клучните точки и покрај неколкуте рунди разговори со американски претставници.

Најчувствителните прашања се барањето на Москва раководството во Киев да се откаже од територијата што сè уште ја контролира и судбината на нуклеарната централа Запорожје, најголемата во Европа, која се наоѓа во област под руска окупација.

Како услов за каков било договор, Москва сака Киев да ги повлече своите трупи од целиот источен регион Доњецк, вклучувајќи го и појасот од силно утврдени градови што се сметаат за една од најсилните одбрани на Украина. Украина изјави дека конфликтот треба да биде замрзнат по сегашната линија на фронтот и отфрли какво било еднострано повлекување на своите сили.

Русија моментално контролира околу 20 проценти од територијата на Украина, вклучувајќи го Крим и делови од источниот регион Донбас заземени пред инвазијата во 2022 година. Воените аналитичари известуваат дека руските сили зазеле околу 1,5 проценти од украинската територија од почетокот на 2024 година.

Анкетите покажуваат дека повеќето Украинци се противат на договор со кој земјата би ѝ се предала на Москва. Жители на Киев денеска изразија скепса дека новата рунда разговори ќе донесе некаков значаен напредок.

„Секако, да се надеваме дека нешто ќе се промени. Но, не верувам дека нешто ќе се промени сега. Ние нема да попуштиме, а ниту тие“, изјави 38-годишниот таксист Серхиј за британските медиуми.

Првата рунда разговори се одржа во ОАЕ минатиот месец, што беа првите директни јавни преговори меѓу Москва и Киев.

Тагови: САД - Русија - Украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.