Македонија

Укинувањето на техничката влада влезе во Собрание – ќе важи уште на следните избори

Техничка влада уште на следниот изборен циклус, а потоа заминува во историјата..

И покрај противењето на опозициската СДСМ, Владата сепак предлага техничката влада да важи само уште на следните избори, а потоа да се укине..

Нацрт законот е доставен до Собранието пред 5 дена , а со предложените законски измени во членот 14 се предвидува наместо до влегувањето на земјата во ЕУ, техничката влада да важи уште на првите по ред парламентарни избори.

Во образложението, Владатa оценува дека таканаречената Пржинска влада со текот на времето се покажала како нефункционална и финаниски неоправдана.

„ Со предложеното законско решение се воспоставува стабилна и предвидлива правна рамка со која се уредува примената на моделот на преодна, односно техничка влада до денот на објавувањето на конечните резултати и распределбата на мандатите по изборни единици од Државната изборна комисија за првите по ред избори за пратеници во Собранието, спроведени по денот на влегувањето во сила на овој закон, по што се создаваат услови за негово укинување, се наведува во обраложението на прдложените законски измени.“

Согласност за укинување на Техничката влада начелно беше постигната помеѓу учесниците на последната лидерска средба, но на неа не просуствуваше лидерот на СДСМ Венко Филипче. По противењето од на страна на социјалдемократите, премиерот Мицкоски тогаш предложи предодната влада да биде укината не од следните, туку од понаредните парламентарни избори.

Опозициската СДСМ обвинува дека Владата сака да го протне законот на шверцерски начин и во тоа препознаваат подготовка за предверемени паралментарни избори.

„ Ваквите закони во времето на СДСМ се носеа со консензус, а не шверцерски како што тоа се обидува да го направи владата на ВМРО. Зошто сега го турка без согласност на СДСМ? Предупредуваме дека секој обид за укинување на техничката влада во вакви услови е директен напад врз демократијата и слободните избори и ние ќе се спротивставиме. Техничката влада мора да остане затоа што е последна институционална линија на одбрана од злоупотреба на изборниот процес и единствен обид за фер и демократски избори.“, наведуваат од СДСМ.

Техничката влада, во која министри за внатрешни и за социјала, како и дополнителни заменици јавна админстрација, финансии и земјоделие 100 пред изборите предлага опозицијата, беше предвидена со Пржинскиот Договор за изборите во 2016 година, но потоа во пресрет на изборите во 2020, по барање на ВМРО-ДПМНЕ како тогашна опозиција, нејзната важност беше продолжена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Газа загина камерман на Ал Џезира- неодамна беше убиен и неговиот брат, новинар

Снимателот на Ал Џезира, Ахмед Вишах, беше убиен во израелски воздушен напад врз куќа во бегалскиот камп Буреиџ во централна Газа.

Најмалку десет лица беа убиени во денешните израелски напади низ Појасот Газа.

Неговата медиумска компанија Ал Џезира во соопштение изјави дека остро го осудува убиството на својот дописник кој работеше за каналот Ал Џезира Мубашер. „Ова претставува ново и флагрантно кршење на сите меѓународни закони и норми и одразува континуирана систематска политика на таргетирање на новинарите и замолчување на гласот на вистината“, се додава во соопштението.

Брат му беше убиен пред два месеци

Смртта на Ахмед се случи само два месеци откако неговиот брат Мохамед Вишах беше убиен во израелски напад врз истиот бегалски камп. Според Палестинската цивилна заштита, Мохамед беше убиен на 8 април во својот автомобил додека се враќал дома.

Израелската војска еден ден подоцна, без да даде никакви докази, соопшти дека убила „клучен терорист во одделот за производство на ракети и оружје на Хамас“.

Ахмед Вишах, роден во 1986 година во истиот бегалски камп, се приклучи на мрежата Мубашер на Ал Џезира на арапски јазик во 2018 година. По смртта на Мохамед, колегите на камерманот Ахмед во Газа организираа бдение во негова чест.

Повеќе од 260 новинари се убиени од почетокот на војната

Според Комитетот за заштита на новинарите, повеќе од 260 палестински новинари се убиени од почетокот на војната во Газа во октомври 2023 година. Најмалку дванаесет од убиените работеле за мрежата Ал Џезира.

Тагови: Газа камерман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Холандскиот крал и кралица танцуваа во соблекувалната заедно со победниците (ВИДЕО)

Сцената на кралот и кралицата во соблекувалната по натпреварот од Светското првенство би била невообичаена под какви било околности, особено кога холандската репрезентација, за која тие навиваат, играше во град оддалечен 1.200 километри.

Да не беше за репрезентацијата на Курасао, малку е вообичаено на ова првенство. Малиот карипски аутсајдер победи нерешено против Еквадор (0:0) и со тоа го освои првиот историски бод на светските првенства.

Еквадор доминираше во текот на целиот натпревар и упати дури 27 удари кон голот, но топката не влезе во мрежата. Херојот на натпреварот, 37-годишниот голман Елој Рум, беше најзаслужен за тоа. Голманот, кој вообичаено брани за Мајами ФК во втората американска лига, направи 15 одбрани. Некои беа резултат на неговата извонредна вештина, а други беа потпомогнати од лошата концентрација на еквадорските напаѓачи. Погледнете го резимето на натпреварот ТУКА.

Курасао на крајот постигна историски резултат. Островот со само 160.000 жители, кој беше тешко поразен од Германија со 7:1 во првото коло, слави голем подвиг. Еквадор, од друга страна, е во тешка ситуација пред последното коло, во кое игра против Германија.

Кралското семејство во соблекувалната

По натпреварот, се случи сцена што го обиколи светот и збуни многу набљудувачи: холандското кралско семејство славеше во соблекувалната на Курасао. Објаснувањето лежи во уставното уредување на Кралството Холандија.

Кралот Вилем-Александар го гледаше натпреварот со кралицата Максима и неговата ќерка, принцезата Аријана. Како крал на Холандија, тој е официјален шеф на тој карипски остров. Иако Курасао има свој парламент и премиер, тој е составен дел од Кралството Холандија. Ова значи дека кралската двојка всушност има две национални селекции за поддршка на ова првенство.

Кралското семејство направи вистински навивачки маратон. Прво, во Хјустон, ја гледаа убедливата победа на Холандија против Шведска од 5:1. Веднаш по натпреварот, тие се качија на авион и прелетаа 1.200 километри до Канзас Сити за да пристигнат на историскиот состанок на репрезентацијата на Курасао.

Кога драмата против Еквадор заврши, кралот и кралицата не останаа во свечената ложа. Тие се упатија директно кон играчите и тренерскиот персонал и го прославија историскиот бод со нив и танцуваа.

La reina Máxima Zorreguieta y el rey Guillermo Alejandro de los #PaísesBajos celebraron en el camerino de #Curazao tras empate ante #Ecuador en el Mundial | #Curazao es un territorio autónomo que pertenece al Reino de los Países Bajos. Esto explica el ferviente apoyo de los… pic.twitter.com/wsXnL3p2GM
— Everardo Herrera (@alpiedeldeporte) June 21, 2026

Тагови: кралицата кралл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Жежок прв летен ден- температурите до 37 степени

Денес времето ќе биде сончево и топло со мала облачност.

Во попладневните часови во крајните северозападни делови ќе има услови за појава на слаб локален дожд, грмежи и ретка појава на град. Ќе дува слаб до умерен, а во западните делови повремено засилен северен ветер. Максималната температура ќе биде во интервал од 29 до 37 степени.

Во Скопје сончево и топло со мала до умерена облачност. Ќе дува слаб до умерен ветер од променлив правец. Максималната температура ќе биде до 36 степени, соопштуваат од УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.