УКИМ одбележува патронат и 77 години од основањето - Канал 5

Македонија

УКИМ одбележува патронат и 77 години од основањето

Јаневска посочи дека важноста на УКИМ постојано расте.

УКИМ одбележува патронат и 77 години од основањето

Со свечена академија и доделување награди на најдобрите дипломирани студенти во академската 2024-2025 година, Универзитетот „Св. Кирил и Методиј“ во Скопје денес ја одбележа 77-годишнината од основањето и својот патронен празник – 24 мај, Денот на светите браќа Кирил и Методиј. Покрај ректорката на универзитетот, проф. д-р Биљана Ангелова, поздравно обраќање имаше и министерката за образование и наука проф. д-р Весна Јаневска која нагласи дека УКИМ е еден од најголемите двигатели не само на македонското образование, туку и на државата во целина.

„Генерации и генерации студенти, калејќи се низ амфитеатрите и предавалните на факултетите, станувале врвни професионалци во различни области, станувале научници, инженери, професори, лекари, уметници и се интегрирале во општествените процеси, а некои од нив и ги предводеле. Всушност тоа е и најголемата вредност на универзитетот - кадрите кои со знаење, труд и посветеност придонесувале и придонесуваат за развојот на државата“, рече Јаневска, потенцирајќи дека е горда што и самата како човек и професионалец се изградила низ оваа установа, а потоа и дала придонес во исполнувањето на нејзината образовна и научна мисија.

Јаневска посочи дека важноста на УКИМ постојано расте, како што се зголемува и важноста на сите други универзитети, затоа што, како што рече - до ден денес непобивлива е вековната теза дека образованието, односно знаењето е најмоќната алатка за личен и општествен просперитет. Само со знаење се носат мудри и исправни одлуки, а се креираат и иновации кои го движат светот.

„Важно е образованието да се адаптира на глобалните трендови и стандарди за квалитет, а сигурна сум дека УКИМ е определен кон тоа и дека ќе ја добива како и досега потребната поддршка од државата. Барем од оваа Влада, која пак, е цврсто оди по патот на образованието и науката и за само две години обезбеди рекорден буџет за овие две области. А конкретно средствата кои овој универзитет ги добива, пораснаа од 3 милијарди денари во 2024 година, на речиси 5 милијарди денари оваа година“, информираше Јаневска.

Рече дека е задоволна што МОН и УКИМ изградија партнерски однос и одлично соработуваат. Упати благодарност за помошта при подготвувањето на новите решенија за унапредување на законската регулатива, за придонесот кон остварување на целите од Стратегијата за паметна специјализација и за заложбата за реализација на повеќе научно истражувачки проекти од интерес на државата и јавноста. Но, побара и дополнителен ангажман од високообразовната установа.

„Ова општество има предизвици кои не запираат и нема да поминат сами по себе. На пример врсничкото насилство во училиштата. Подигнување на свеста за заштита на животната средина и поголема почит кон општите добра. Различните поделби меѓу граѓаните, особено по етничка основа. Задржување на културниот и националниот идентитет во глобализиран свет. И така натаму. Токму во надминувањето на ваквите предизвици, гледам дека постои простор за поголема ваша вклученост. И ве замолувам да го прифатите повикот. Одговорноста е заедничка и подеднаква на сите кои имаме моќ да влијаеме и да ги менуваме работите на подобро“, рече Јаневска.

Министерство за образование и наука

Тагови: УКИМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер