УКИМ им додели награди на најдобрите дипломирани и „26 Јули“ од Фондацијата „Франк Манинг“ - Канал 5

Македонија

УКИМ им додели награди на најдобрите дипломирани и „26 Јули“ од Фондацијата „Франк Манинг“

Универзитетот „Св. Кирил и Методиј“-Скопје денеска им додели награди на најдобро дипломираните студенти во 2016/2017 година на секој од 23-те факултети кои се во негов состав.

УКИМ им додели награди на најдобрите дипломирани и „26 Јули“ од Фондацијата „Франк Манинг“

Врачена беше и наградата „26 Јули“ на осум најдобри студенти во учебната 2017/2018 година од областа на архитектурата, општествените науки и уметностите.

Ректорот на УКИМ Никола Јанкуловски истакна дека со доделувањето на наградите им се укажува висока почит и чест на студентите кои, рече, се нашата најголема гордост.

- Почитувајќи ја речиси седумдецениската традиција, со овој свечен чин им се оддава должно признание на најдобро дипломираните студенти на нашиот универзитет, на студентите кои со својата одличност за нијанси се издвоија од нивните колеги и станаа први меѓу еднаквите по квалитет во својата генерација, рече Јанкуловски.

Наградата „26 Јули“, која е во износ од 8.000 денари, ја добија осумина студенти: Ивана Хаџиевска и Емилија Пешевска од Филозофскиот факултет; Сашо Пшенко од Филолошкиот, Илчо Гавриловски од Економскиот, Лида Алиу од Факултетот за музичка уметност; Ирена Тачовска и Лејла Тутиќ од Правниот факултет и Христина Мијалчева од Архитектонскиот факултет на Скопскиот универзитет.

Во име на наградените се обрати студентот Сашо Пшенко кој студиите ги завршил со просечна оценка 10. Исткана дека е огромна чест да се биде нејзин добитник.

- Работливоста, меѓусебната соработка и евалуирањето на сознанијата стекнати од професорите, менторите и колегите, и хемијата што се појавува меѓу студентот и самиот материјал, секогаш вродуваат со плод. Секако, не ќе бевме овде ако не постоеше нашата истрајност, посветеност и дарежливоста на фондацијата „Франк Манинг“, рече Пшенко.

Наградата „26 Јули“ се доделува од 1980 година и е иницирана од Франк Манинг, донатор кој придонел за обнова на разурнатото Скопје по земјотресот во 1963 година. Во 1977 тој престојувал во Скопје и изразил желба за основање фонд од кој секоја година ќе им се доделува награда на најдобрите студенти во завршна година на студии од областа на архитектурата и општествените науки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Заборавете ги џиновските екрани и вештачката интелигенција – возачите го сакаат ова

Што најмногу сакаат купувачите кај нов автомобил? Греењето на седиштата е на прво место.

Заборавете ги џиновските екрани и вештачката интелигенција – возачите го сакаат ова

Производителите на автомобили сè повеќе инвестираат во напредни технологии и дигитални системи, но истражувањето на „AutoPacific“ покажува дека купувачите сè уште најмногу ги ценат практичните карактеристики што ги користат секој ден.

Во анкета спроведена меѓу повеќе од 19.000 возачи кои планираат да купат автомобил во следните три години, дури 47 проценти од испитаниците рекле дека греењето на седиштата е нивната најпосакувана опрема во ново возило, пишува „Motor1“.

Веднаш зад него се предните и задните сензори за паркирање (45%) и автоматското сопирање при возење наназад (44%).

Исто така, голем интерес постои за електрично прилагодливи предни седишта, помош при промена на лента, адаптивен темпомат со одржување на лента, предупредување за возила што се приближуваат од страна при излегување од паркинг место, безжично полнење на телефон и вградена камера.

На листата на најбарани опции се наоѓа и погон на сите тркала, што е важно за 39 проценти од испитаниците.

Анкетата, исто така, покажа дека возачите сè повеќе им веруваат на напредните системи за помош. Дури 62 проценти од испитаниците изјавиле дека немаат проблем да го остават својот автомобил да извршува одредени задачи, како што се задржување на возилото во лента или автоматско паркирање. Ова е повеќе отколку во претходните години, што покажува дека довербата во современите безбедносни технологии продолжува да расте.

Извор: Б92

Фото: ВИ

Тагови: греење на седишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија воведува ограничувања: Стотици населби под највисоко ниво на предупредување

Екстремната топлина и ниското ниво на водата на Дунав предизвикаа проблеми со водоснабдувањето во Унгарија. Ограничувања на водата се воведени во повеќе од 600 населби.

Унгарија воведува ограничувања: Стотици населби под највисоко ниво на предупредување

Екстремна суша и долготраен топлотен бран сè повеќе ја погодуваат Унгарија, каде што ограничувања на водата за пиење се воведени во стотици населби. Властите предупредуваат дека последиците од високите температури не влијаат само на водоснабдувањето, туку и на енергетската инфраструктура.

Според унгарската влада, мерки од прво ниво се воведени во 465 населби, мерки од второ ниво на 151 место, додека најстрогите ограничувања се на сила во 13 населби.

Ниското ниво на водата на Дунав е особено загрижувачко. Нивото на реката во Пакш се спушти на само 135 сантиметри, поради што властите преземаат дополнителни мерки за да обезбедат стабилно работење на нуклеарната централа Пакш.

Дополнителни лебдечки пумпи се инсталирани на пумпните станици, додека резервни единици се распоредени во пристаништето и на копно за да се обезбеди непречено ладење на објектите.

Работната група за одбрана ја разгледува состојбата со снабдувањето со енергија и последиците од недостигот на вода, додека метеоролозите предвидуваат дека екстремните температури ќе продолжат.

Највисокото предупредување за топлотен бран, ниво три, би можело да остане на сила, а нов бран на екстремна топлина се очекува од 6 до 11 август.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасна несреќа во Германија: Се судрија два трамваи, десетици повредени

Повеќе од 25 лица се повредени денес во судир меѓу два трамваи во западниот германски град Гелзенкирхен, при што три лица се во критична состојба, соопштија локалните власти.

Ужасна несреќа во Германија: Се судрија два трамваи, десетици повредени

Според првичните информации, трамваите се движеле еден по друг во близина на стадионот на Шалке кога првиот трамвај одеднаш закочил, објави Билд.

Полицијата соопшти дека трамвајот, кој се користел за обука, нагло застанал, а потоа трамвајот со патници се удрил во него.

„Околу 25 лица се повредени, од кои седум потешко. Тројца од седумте се во сериозна состојба“, изјави портпаролката на полицијата за Билд.

На повредените им е укажана прва помош на местото на настанот, а оние со потешки повреди се однесени во болници.

Областа околу Курт-Шумахер-Штрасе, главната сообраќајница во градот, беше затворена во двата правци по несреќата.

Една лента беше повторно отворена за сообраќај во шпицот доцна попладне.

Причината зошто тренинг трамвајот одеднаш закочил сè уште не е утврдена, а специјално обучен тим е на лице место за да ја испита несреќата.

Тагови: Германија трамвај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер