„Ги споделуваат граѓаните со нас секојдневните проблеми, огромни, натрупани, без никаква грижа и помош од власта. Трошоците за горивото стигнаа и до 105 денари за литар. Никаква помош за ниту една критична категорија граѓани на кои им е навистина потребна“, истакна Филипче.

Тој посочи дека без соодветна поддршка остануваат пензионерите со најниски пензии, социјално загрозените, семејствата со многу деца и работниците со минимална плата. На средбите се разговараше и за предлог-законите на СДСМ во Собранието за зголемување на минималната плата на 600 евра и за финансиска поддршка на земјоделците во кризата.

Филипче ја повика власта да ги поддржи предложените решенија и барем еднаш да го слушне гласот на народот.

„Се надевам дека оваа ненародна, криминална, корумпирана и антимакедонска власт навистина ќе излезе во пресрет и ќе даде поддршка“, рече Филипче.

При посетата на земјоделците од Овчеполието, регион со долгогодишна земјоделска традиција, тие укажаа на недостигот од откуп на грозјето и пченицата, ниските откупни цени на млекото и огромните трошоци за ѓубрива и нафта.

Филипче предупреди дека ваквата состојба го доведува во прашање опстанокот на земјоделците и можноста да продолжат со производство следната година.

„На овие луѓе им е потребна сериозна помош, поради тоа што не само што не можат оваа земјоделска сезона да ја преживеат, туку се поставува најсериозното прашање: што ќе се случува догодина со овие огромни трошоци за ѓубрива, за нафта и со ниски откупни цени, но и без откуп на земјоделските производи“, нагласи Филипче.

Тој го пренесе и предупредувањето од земјоделците: ако власта продолжи да не се грижи за земјоделството, за две години во овој крај земјоделие нема да постои, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поставката претставува заеднички проект на Музејот на современа уметност во Белград и Националната галерија на Македонија од Скопје.

Поставката „Корпо реалност“ го прикажува творештвото на Башески преку дела со монументални димензии и прецизна хиперреалистична изведба. Авторот низ овие скулптури отвора директно истражување на човечкото тело, физичкото присуство и човековото искуство.

Изложбата ќе биде отворена за јавноста повеќе од еден месец, односно сè до 9 ноември 2026 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Над 80 проценти од новинарките се соочиле со онлајн вознемирување кое вклучувало навреди, говор на омраза, сексистички и шовинистички коментари, па се до закани по животот, а речиси половина од нападнатите воопшто не го пријавиле вознемирувањето, покажуваaт последните истражувања на Платформата за истражувачко новинарство и анализи. Од Самостојниот синдикат на новинари и медиумски работници велат дека со развојот на технологијата и се поголемото присуство на медиумските работници во дигиталниот простор, проблемот низ годините станува се поизразен.

Токму непријавувањето и нормализирањето на ваквите напади се меѓу причините поради кои Женската медиумска мрежа „Еднаква“ и ССНМ изработија нова дигитална алатка преку која новинарките и медиумските работнички ќе можат да пријават онлајн вознемирување.

„Сакам оттука да испратам порака: пријавувајте, еве сега имаме можност. Пријавувајте за да можеме да процесуираме, за да можеме борбата да ја префрлиме пред институциите и да имаме казнивост за овие престапници. Затоа што неказнивоста често провејува кога зборуваме за нашето право и правда, особено и за нашата професија. Долги години ни требаше казнивоста да ја преточиме во законска регулатива, нападите врз новинарите да се третираат како напад врз службено лице.“

„Мојот апел е без разлика за какво онлајн вознемирување станува, ги замолувам, нели, новинарките и медиумските работнички тоа да го пријавуваат, затоа што тоа е првиот чекор за да се бориме заеднички со овој проблем, бидејќи навистина може да влијае на работата, безбедноста и професионалниот интегритет на новинарките и на медиумските работнички.“

Алатката е достапна на веб-страницата на синдикатот, а пријавата може да се поднесе со име и презиме или анонимно, а како доказ може да се приложат линк до објава, порака или профил, како и скриншот од содржината., како што посочуваат од „Еднаква“, не е само да се евидентираат случаите, туку преку пријавите да се утврди реалниот обем на проблемот, но и да се бара институционална реакција, па така пријавите во зависност од видот и тежината ќе се проследуваат до надлежни институции за натамошно постапување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.