УЕФА се приклучи на проектот „Создаваме животни шампиони“

Фондацијата за деца на Европската фудбалска федерација (УЕФА) годинава како донатор се приклучи на проектот „Создаваме животни шампиони”.

Овој проект кој ќе се имплементира во период од две години е поддржан од страна на Ерасмус + програмата на Европската Унија.

- Повеќе од 1000 деца, 500 тренери и 200 родители, ќе поминат низ процесот на воспитување преку спортот, затоа што тие се алката која ни недостасува. Со овие активности, сме убедени дека сме подготвени да создадеме нови генерации на млади луѓе, со оглед што сите активности кои се планирани во период од две години се бесплатни за сите деца. Преку овие активности, сакаме да испратиме пораки за обединување и да се испрати вистинската порака на најмалите. Пораката од овој проект е дека преку игра и спорт, да ги подготвиме децата на тоа што ги чека во нивниот натамошен живот, кажа Бојан Трипуноски од Синдикалниот центар за едукација и обуки.

Проектот обединува партнери од спортскиот, младинскиот, образовниот и истражувачкиот сектор и тоа од Македонија, Србија, Босна и Херцеговина, Хрватска, Грција, Бугарија, Португалија и Турција, додаде Трипуноски.

Моделот на работа на проектот “Создаваме животни шампиони” ќе биде применет и на кампот ДЕКИ 5 на фудбалерот Дејан Станковиќ и Академијата Пандев на македонската легенда Горан Пандев, а исто така од оваа година, се приклучија и фудбалските клубови Анаталија Спорт од Турција и Лудогорец од Бугарија. /МИА

Гвардиола со пофални зборови за играч на Реал: Ѕвезда од 200 милиони, прави се добро

Фудбалерите на Реал Мадрид и Манчестер Сити приредија вистински спектакл за фудбалските фанови на првиот натпревар (3:3) во четвртфиналето од Лигата на шампионите, па сега сите со нетрпение го чекаат реваншот.

По враќањето во Англија, Пеп Гвардиола, тренерот на „граѓаните“, во разговор за медиумите го издвои фудбалерот на противникот Реал, Родриго, кој беше стрелец на еден од головите.

-За мене тој е најдобар, тој е ѕвезда од 200 милиони, прави се добро..., изјави Гвардиола.

Покрај Родриго, шпанскиот тренер пофали уште еден играч на Реал – Тони Крос.

-О, тој Тони Крос. Ја носи играта на Реал на начин на кој само тој може. Одигра фантастичен натпревар, изјави Гвардиола, а потоа продолжи: „Веќе по една минута натпреварот изгледаше како цела вечност. Беше тешко. Добро се справивме што двапати водевме и не победивме. Имам премногу добро мислење за Реал за да мислам дека ќе дојдеме и ќе одиграме лесен натпревар. Ќе се обидеме се да решиме дома“. /МИА

Видео: Хезболах истрела десетици ракети врз северен Израел

Либански Хезболах објави дека го погодил северниот дел на Израел со десетици ракети Катјуша, гаѓајќи артилериски позиции.

Во соопштението, либанската група рече дека истрелала десетици ракети Катјуша врз артилериските позиции на Израелските одбранбени сили во северен Израел.

На северот на земјата се огласија неколку сирени за предупредување за ракети. На социјалните мрежи се појави видео на кое се гледа како неколку пресретнувачи на ракети „Железна купола“ погодуваат очигледен ракетен бараж.

– Во знак на поддршка на палестинскиот народ и отпорот во Газа и во светло на израелската агресија врз различни села во јужен Либан, Исламскиот отпор продолжи со нападите врз ционистичките окупациски локации во близина на границата со Либан – соопшти претходно Хезболах. /МИА

Покетино: Многу е тешко кога немате борбен состав

Менаџерот на Челси, Маурисио Покетино пред натпреварот на „сините“ во Лондон против Евертон во понеделник, зборуваше за големиот број повредени во составот, а неодамна во „амбулантата“ влегоа и Енцо Фернандез и Аксел Дисаси.

-Овие двајца не тренираат, не знаеме дали ќе можат да играат. Праведно е да се има борбено подготвен состав. Не можеме да докажеме дека сме добар тим и дека можеме да се бориме за големи работи. Многу е тешко кога немате борбено подготвен состав. Сакаме да ја зголемиме конкуренцијата меѓу играчите, но тоа не е оправдување, изјави денеска менаџерот на Челси.

Тој, исто така, се наврати на ремито 2-2 со Шефилд Јунајтед минатиот викенд.

-Кога се соочуваме со тимови како (Манчестер) Сити, Манчестер Јунајтед, Тотенхем или Ливерпул, тимот покажува добар квалитет. Проблемот е што не сме постојани. Кога анализираме, недостигот на зрелост навистина се покажува, но само со текот на времето можеме да го постигнеме вистинскиот баланс, истакна тренерот.

Покетино особено ја пофали академијата на Челси.

-Ги каниме младите играчи секоја недела да тренираат со нас, тоа е одлична можност за нив. Челси има една од најдобрите академии во Англија, ако не и во светот. Наша одговорност е да се грижиме за овие момчиња и да им обрнеме внимание. Еден ден ќе имаат можност да играат во тимот, само треба да продолжат да тренираат, да бидат доследни. Можеме да го видиме нивниот развој од натпреварувањето со постарите играчи, додаде Покетино. /МИА

притисни ентер