Живот

Убиствено селфи- жена паднала во 75 метри длабока бездна додека позирала за „син оган“

Туристка од Кина која сакала да се фотографира покрај активен вулкан во Индонезија починала откако на 20 април наводно ја згазнала облеката и паднала од карпа висока 75 метри.

Хуанг Лихонг (31) и нејзиниот сопруг Џанг Лонг (32) биле дел од групата што го посетила Ијен - вулкански туристички парк во провинцијата Источна Јава познат по феноменот „син оган“. Парот се искачил на работ на кратерот за да го гледаат изгрејсонцето, објавија медиумите.

Нивниот туристички водич рекол дека ги предупредил на опасноста да бидат во близина на кратерот.

Отпрвин, Хуанг одржувала безбедно растојание од два до три метри од работ на карпата додека позирал за фотографии, вели водичот.

Потоа почнала да се движи назад за да биде поблиску до дрвото со разголени гранки за да сними поубава позадина.

Меѓутоа, додека одела наназад, таа случајно го згазнала нејзиниот долг фустан и паднала од карпата. Медиумите немаат информации дали носела здолниште или фустан.

На фотографијата која кружи на социјалните мрежи може да се види фотографијата наводно направена пред трагедијата.

Локалната полиција на 21 април соопштила дека една Кинеска паднала од височчина од 75 метри до смрт. Нејзината смрт била класифицирана како несреќен случај.

Наводно, на спасувачите им требале повеќе од два часа за да го извлечат нејзиното тело.

Ијен е познат по својот „син оган“, кој всушност е сина светлина испуштена од согорувањето на сулфурните гасови.

Неговиот кратер, познат како Kavah Ijen, што значи осамен кратер, е популарно место за туристите и рударите, кои го откопуваат зацврстувачкиот жолт сулфур за да го продаваат за употреба во сè, од козметика до кибрити.

Вулканот редовно испушта мали количества штетни гасови, но локацијата останува отворена за јавноста.

Во текот на ноќта, вулканот Ијен се издвојува од околината со сината боја која сјае од неговата лава. Поради големото количество на сулфур и високата температура горат сулфурните гасови и синиот пламен.

Неговата лава е со иста боја како и другите вулкани. Единствената разлика е во тоа што оваа лава содржи големи количини на сулфурни гасови кои, изложени на кислород и загреани од лавата, почнуваат да горат создавајќи сини пламени.

Свет

Падна цената на златото, нафтата по долго време под 79 долари за барел

Европските и американските берзански индекси денеска се во пораст, цените на златото и пченицата паднаа, додека нафтата од типот „брент“ се продава за помалку од 84 долари за барел.

Индексот DAX на Франкфуртската берза денеска во 9:15 часот порасна на 17.955,35 поени, лондонски FTSE 100 на 8.193,91 поени, француски CAC 40 на 7.945,20 поени, а московски MOEX на 3.446,04 поени.

Вредноста на американскиот берзански индекс Dow Jones се искачи на 38.225,66 поени, S&P 500 на 5.064,20 поени, а вредноста на Nasdaq индексот на 15.840,96 поени.

Според податоците од берзата, цената на суровата нафта паднала на 79.198 долари, а на нафтата од типот брент на 83.903 долари.

Европските фјучерси на гас се продаваа на отворањето на берзата ТТФ по цена од 30.900 евра за мегават-час.

Цената на златото падна на 2298,79 долари за унца, а на пченицата на 5,9581 долари за бушел (бушел е еднаков на 27,216 кг).

Вредноста на еврото во однос на доларот изнесуваше 1,07296, што е приближно исто како вчера.

Македонија

Агелер: Медиумите имаат клучна улога, особено во изборниот процес

На Денот на слободата на медиумите, американската амбасадорка во земјава Анџела Агелер порачува дека медиумите имаат клучна улога, особено сега во изборниот процес.  

- Денес е Светски ден на слободата на медумите, а изборите ја истакнуваат клучната улога што медиумите треба и мора да ја играат во текот на процесот. Слободен и жив печат кој ги испитува фактите, соопштува идеи и предлози до јавноста и ги притиска официјалните лица да ја објаснат својата позиција за прашања кои се важни за животите на граѓаните и за одредување на текот на државата, потенцира амбасадорката Агелер во објава на платформата X.

Македонија е рангирана на 36-то место на Индексот за слобода на медиумите за 2024 година во извештајот на „Репортери без граници“, што е за две места скок во однос на 38-то место лани. Од земјите во регионот, Северна Македонија е најдобро оценета, по што следат Црна Гора (40), Словенија (42), Хрватска (48), Косово (75), БиХ (81), Србија (98) и Албанија (99).

- Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите, стои во оценката за земјава.

Македонија

Ковачевски: Македонија со раст на индексот на слобода на медиуми

Претседателот на СДСМ, Димитар Ковачевски денеска упати честитка до медиумите и медиумските работници по повод Светскиот ден на слободата на медиумите го поздрави растот кој го бележи земјата на согласно извештајот на „Репортери без граници” .

Претседателот на СДСМ, Димитар Ковачевски денеска упати честитка до медиумите и медиумските работници по повод Светскиот ден на слободата на медиумите го поздрави растот кој го бележи земјата на согласно извештајот на „Репортери без граници” и позиционирањето на Македонија на 36-то место заедно со останатите развиени европски демократии.

„Денешниот Светски ден на слободата на медиумите го одбележуваме како земја која повторно постигнува раст во медиумската слобода. Ние денес сме на 36-то место и сме најдобро позиционирани во регионот, а и пошироко, согласно извештајот на “Репортери без граници”. Ова е директна потврда дека со СДСМ, Македонија чекори по вистинскиот пат, дека ние сме земја во која се почитуваат демократските и европските вредности.” - посочи претседателот Ковачевски во својот пост на социјалните мрежи.

Ковачевски воедно се заблагодари до новинарите и медиумските работници, за нивната посветена работа посочувајќи дека стекнатиот статус беше партнерска и заедничка заложба на СДСМ, граѓаните и медиумите, како и медиумските организации.

„Пред само седум години бевме сведоци дека загорзената слобода на медиумите е вратата кон автократско владеење. Тоа време не смееме да дозволиме да се врати.” - истакна Ковачевски.

Ковачевски истакна дека СДСМ е, секогаш била, е и ќе биде страната на медиумите, на страната на демократијата и го насочи вниманието на важноста на продолжувањето на процесот на евроинтеграции со цел обезбедување подобар квалитет, професионалност и заштита за медиумите и новинарите.

„Единствено со продолжувањето по европскиот пат, ќе се продолжи и подобрувањето на квалитетот, заштитата и професионалноста на медиумите и ќе се продлабочи нашата заедничка борба против дезинформациите.” - порача Ковачевски по повод Светскиот ден на слободата на медиумите, се наведува во партиското соопштение.

притисни ентер