Убиецот со насмевка негира дека е виновен за убиство на милионерот, пред судот го чекале фанови - Канал 5

Свет

Убиецот со насмевка негира дека е виновен за убиство на милионерот, пред судот го чекале фанови

Американецот Луиџи Манџоне се изјасни за невин денес пред судот во Њујорк по обвиненијата дека го следел и го убил извршниот директор на „Јунајтед Хелтеркеар“, Брајан Томпсон, кон крајот на минатата година.

Убиецот со насмевка негира дека е виновен за убиство на милионерот, пред судот го чекале фанови

Манџоне (26) влегол во судницата кратко пред 13 часот по локално време, а додека разговараше со своите адвокати, се насмевна и прелистуваше низ документите на масата, објавува „Гардијан“.

Доколку биде осуден, Манџоне може да се соочи со смртна казна, а денес неговите поддржувачи се појавија пред судницата, повикувајќи на укинување на смртната казна.

Меѓу нив беше и информаторката Челси Менинг, која помина седум години во затвор откако откри чувствителни воени и дипломатски информации на Викиликс.

Претходно денес, Канцеларијата на американскиот обвинител објави дека ќе бара смртна казна за Манџоне, што претходно го објави федералната обвинителка Пам Бонди.

Адвокатите на Манџоне рекоа дека објавата на Бонди од 1 април го прекршила владиниот протокол за донесување одлуки поврзани со изрекувањето на смртната казна.

Манџоне беше обвинет во американскиот федерален суд за убиство, следење и носење огнено оружје.

Тој е осомничен за убиството на милионерот Томпсон на Менхетен на 4 декември, а против него се води посебен судски процес на ниво на државата Њујорк.

Американските федерални обвинители започнаа истрага против Манџоне кон крајот на минатата година.

Федералното обвинение за убиство со огнено оружје носи максимална казна - смрт, доколку биде осуден.

Сепак, државните обвиненија не вклучуваат смртна казна.

Обвинителите тврдат дека Манџоне го нападнал Томпсон на 4 декември пред хотелот Хилтон на Менхетен, додека Томпсон се упатувал кон конференција на инвеститори за осигурителната компанија што ја раководел.

По петдневна потрага, убиецот Манџоне бил пронајден во Пенсилванија, каде што бил уапсен и моментално се наоѓа во затвор во Бруклин.

Истражителите рекоа дека тој имал ранец во кој пронашле пиштол што одговарал на описот на оружјето употребено во убиството, како и тетратка со белешки во кои се критикува осигурителната индустрија.

Тагови: милионерот убиецот

Свет

Руте: Ако Путин повторно нападне одговорот ќе биде разорен

Генералниот секретар на НАТО, Марк Руте денеска изјави дека Русија произведува четирипати повеќе муниција од земјите-членки на НАТО.

Руте: Ако Путин повторно нападне одговорот ќе биде разорен

- Отворените извори укажуваат дека во наредните години Русите може да се обидат да направат нешто глупаво. Мора да се погрижиме доколку (рускиот претседател Владимир) Путин нападне сега или во блиска иднина, одговорот да биде разорен, истакна Руте одговарајќи на прашање за распоредувањето на руски воени сили на финската граница.

Руте наведе дека по завршувањето на војната во Украина важно е Путин повторно да не направи слично.

- Подобрувањето на нашите одбранбени способности е нашата главна мисија. Сојузниците мора да ги зголемат трошоците за одбрана, ова е клучна задача пред Самитот на Алијансата во Хаг следниот месец, посочи Руте. /МИА

Тагови: Владимир Путин Марк Руте НАТО

Македонија

Тошковски: Реновирани спортските капацитети на полициското одморалиште во Пониква

Работиме на целосно унапредување на сите полициски капацитети, вели Тошковски.

Тошковски: Реновирани спортските капацитети на полициското одморалиште во Пониква

Министерот за внатрешни работи Панче Тошковски заедно со министерот за спорт Борко Ристовски, денеска во одморалиштето на МВР во Пониква ги пуштија во употреба реновираните спортски капацитети наменети за вежбовни активности на полициските службеници.

„Со министерството за спорт неодамна потпишавме Меморандум за соработка со кој ќе ги надградиме, реновираме и унапредиме поголемиот дел од спортските капацитети на министерството за внатрешни работи. Вложувањето во капацитетите на кои се обучуваат полициските службеници е влог во стабилноста и безбедноста на државата.

Во рок од месец дена беше поставена основа за фудбалско игралиште и фитнес зона со монтирање на сите реквизити. Игралиштата за фудбал, кошарка и одбојка се опремија со полипропиленски подови, обележени и со нови реквизити. Истите добија и трибини од по 2 реда за следење на натпреварите. Покажуваме дека преку добро планирање и соработка помеѓу институциите, јасна визија и одлучност, може да се изградат услови кои ги задоволуваат современите полициски потреби.“, истакна министерот Тошковски.

Во меѓувреме преку оваа соработка на двете министерства се работи на реновирање на спортските капацитети на Центарот за обука на МВР во Идризово каде се создаваат и унапредуваат сите полициски човечки капацитети.

Свет

Корнелиус: Мерц е многу загрижен за хуманитарната ситуација во Газа

Германскиот канцелар Фридрих Мерц е мнопгу загрижен за хуманитарната ситуација во Газа и е во близок контакт со другите европски земји за ова прашање, изјави денеска портпаролот на германската Влада, Стефан Корнелиус, цитиран од британските медиуми.

Корнелиус: Мерц е многу загрижен за хуманитарната ситуација во Газа

-За германската Влада отсекогаш било многу важно да ги држи отворени своите канали за комуникација со израелската Влада, рече Корнелиус на прес-конференцијата.

Покрај тоа, Германија денеска го бранеше зачувувањето на договорот за соработка меѓу ЕУ и Израел, еден ден откако Унијата нареди негово преиспитување со цел да изврши притисок врз Израел, објавија француските медиуми.

Без да ги потврди медиумските извештаи дека Берлин не се согласува со ваквата ревизија, портпаролот на Министерството за надворешни работи, Кристијан Вагнер, изјави дека „Договорот за асоцијација меѓу ЕУ и Израел е важна платформа што треба да ја користиме за да разговараме за важни прашања за ситуацијата во Газа“.

Тагови: мерцедес Појасот Газа Корнелиус
притисни ентер