Европа

Уапсен хакер кој резервирал престој во луксузни хотели за еден цент

„Шпанската полиција уапси 20-годишен хакер кој со помош на софистицирана кибер технологија резервирал престој во луксузни хотели за само еден цент за ноќ.

„Шпанската полиција уапси 20-годишен хакер кој со помош на софистицирана кибер технологија резервирал престој во луксузни хотели за само еден цент за ноќ. Ова е првиот познат случај од ваков вид, кој вклучува манипулација со системот за плаќање при онлајн резервации на хотели, иако не се исклучува можноста дека веќе имало вакви случаи и претходно, но не биле откриени, пишува шпанскиот онлајн портал Јуроуикли Њуз (EuroWeekly News).

Осомничениот, шпански државјанин, наводно измамил најмалку еден луксузен хотел во Мадрид за повеќе од 20.000 евра преку повеќекратни престои. Тој вчера беше уапсен додека престојувал во луксузниот хотел, каде вредноста на сместувањето се проценува на околу 1.000 евра од ноќ. Дваесетгодишникот наводно хакирал веб-страница за резервации на хотели, таргетирајќи го нејзиниот систем за валидација на плаќањата. Со кибер напад, ја изменил платформата за електронско плаќање така што трансакциите на рецепцијата изгледале комплетно овластени и завршени, иако всушност бил наплатен само минималниот износ од еден цент. Соби кои обично чинеле до 1.000 евра по ноќевање биле резервирани на овој начин. Резервациите на почетокот изгледале легални за хотелот и платформата за резервации, а измамата станала очигледна дури неколку дена подоцна, кога процесорот за плаќање ја префрлил вистинската сума на хотелската компанија.

Шпанската полиција го опиша нападот како „вешто“ осмислен за да го измени системот за валидација на плаќања, истакнувајќи дека ова е првпат властите да се соочат со ваква техника. Истрагата брзо започнала откако веб-страницата за онлајн резервации појавила сомнителна активност. Полицијата го следела осомничениот користејќи го неговиот вистински идентитет од резервациите и го уапсила во рок од четири дена.

За време на престојот, мажот консумирал и производи од минибарот и оставал други сметки неплатени, што дополнително ги зголемило загубите на хотелот. Извештаите укажуваат дека можеби оштетил повеќе хотели, иако нема конкретни докази за тоа. Дваесетгодишникот претходно бил уапсен и на Канарските Острови во врска со слично кривично дело. Тој најверојатно ќе биде обвинет за хакирање, измама и потенцијално други кривични дела поврзани со неплатени услуги.

Тагови: хакери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.