Уапсен е поранешниот премиер на Непал, поради крваво задушување на протестите - Канал 5

Свет

Уапсен е поранешниот премиер на Непал, поради крваво задушување на протестите

Поранешниот непалски премиер К. П. Шарма Оли е уапсен во врска со смртоносните протести во септември, јавија денеска локалните медиуми, еден ден по формалното именување на новиот премиер Балендра Шах.

Уапсен е поранешниот премиер на Непал, поради крваво задушување на протестите

Според извештаите, повикувајќи се на министерот за внатрешни работи Судан Гурунг и полицијата, уапсен е и поранешниот министер за внатрешни работи Рамеш Лекхак.

Двајцата биле приведени рано утрината, наведуваат медиумите.

„ВЕТУВАЊЕТО Е ВЕТУВАЊЕ: Никој не е над законот“, напиша Гурунг на социјалните мрежи, пренесува „Хималајан тајмс“. Тој оцени дека ова е само почеток на правдата и изрази уверување дека земјата се движи во нов правец.

Во септември, хималајската држава беше потресена од сериозни немири откако забраната на социјалните мрежи изведе десетици илјади, главно млади демонстранти, на улиците. Тие протестираа против широко распространета корупција и непотизам. Во немирите загинаа повеќе од 70 лица.

Оли, кој тогаш беше премиер, подоцна поднесе оставка, по што парламентот беше распуштен.

На изборите на почетокот на март повторно се кандидираше од Комунистичката партија на Непал – Обединета марксистичко-ленинистичка, но убедлива победа оствари центристичката партија Растрија Сватантра (Национална независност), предводена од раперот и политичар Шах.

Тагови: Непал Премиер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер