Тврдел дека е јасновидец: Измамил 1,3 милиони луѓе и заработил 175 милиони долари-оди во затвор

Канадски измамник е осуден на десет години затвор затоа што собрал 175 милиони долари од повеќе од 1,3 милиони Американци на кои им тврдел дека е јасновидец.

57-годишниот Патрис Ранер собрал многу пари во текот на 20 години ветувајќи им богатство и среќа на своите клиенти, доколку му испратат пари по пошта.

Поротата го прогласи Ранер за виновен по повеќе точки од обвинението.

„Екстравагантниот начин на живот на Патрис Ранер, на сметка на постарите и ранливите Американци, дојде до својот крај“, изјави инспекторот Крис Нилсен.

Казната од десет години затвор ја нарече соодветна, пишува Би-Би-Си.

Според пресудата, Ранер управувал со измамата, насочувајќи ги соработниците кои ги воделе секојдневните операции. Шемата функционирала така што милиони луѓе добивале писма од Ранер и неговите соработници. Целта била да се убедат жртвите дека писмата ги испратиле „познатите јасновидци“ Марија Дувал и Патрик Герин.

Ранер на суд тврдеше дека не го прекршил законот.

На примателите, главно постари и ранливи Американци, им бил ветен просперитетен живот. Тој побарал од нив да испратат пари во замена за „астрално-видивитска прогноза“. Ако жртвата направела една исплата, би била бомбардирана со дополнителни барања и писма, објаснуваат обвинителите.

Секоја недела испраќале илјадници исти писма.

Американското Министерство за правда соопшти дека Ранер користел бројни компании, регистрирани во Канада и Хонг Конг за да ја скрие својата вмешаност. Тој долго време живеел во различни земји во странство, вклучувајќи ги Франција, Костарика, Шпанија и Холандија.

Ранер негирал дека го прекршил законот, велејќи во интервју за Walrus Magazine минатата година дека „можеби не е морално, но тоа не значи дека е измама“. Во интервјуто кое го дал од притворскиот центар во Њујорк, Ранер се пофалил со своите вештини за пишување.

Таравари: Ако граѓаните треба да гласаат по втор пат за неполна година, останувам градоначалник

Доколку треба да се оди на предвремени избори за градоначалник нема да ја прифатам министерската функција и не би било праведно кон граѓаните повторно да одат на избори.

Доколку треба да се оди на предвремени избори за градоначалник нема да ја прифатам министерската функција и не би било праведно кон граѓаните повторно да одат на избори, изјави гостиварскиот градоначалник Арбен Таравари на прашањето што го спречува да влезе во идниот владин кабинет.

- Дилемата е дали вреди да се оди за една година двапати на избори? 35.000 луѓе во Гостивар да излезат да гласаат во ноември оваа година и во октомври следната година, мислам дека е нечесно. Така што, ако остане актуелниот Закон за локална самоуправа, јас ќе останам тука. Единствената причина што ме колеба е таа дека не би сакал граѓаните да ги малтретираме за неполна година двапати да излезат да гласаат, изјави Таравари по средбата со австрискиот амбасадор Мартин Памер.

Таравари појасни дека сè уште нема донесено дефинитивна одлука и дека тоа би го кажал во понеделник.

Доколку стане министер, напомена дека би требало да го замени еден од советниците во општината, но смета дека претседавачот на Советот, Ваљбон Лимани е добро решение за да продолжи.

Без струја утре делови од Ѓорче Петров, Карпош, Кисела Вода, Чаир

Поради планирани прекини во електродистрибутивната мрежа, утре без електрична енергија ќе останат делови од скопските општини Ѓорче Петров, Карпош, Кисела Вода, Чаир, информираат попладнево од Регионалниот центар за управување со кризи - Скопје.

Во периодот од 11 до 13 часот, струја ќе немаат корисниците од булеварот „Партизански одреди“ број 93 влез 4 во општина Карпош.

Дел од улицата „Дарвинска“ во населбата Драчево, општина Кисела Вода, ќе нема струја од девет до 14 часот.

Во општина Чаир, струја ќе немаат од 8.30 до 13 часот - улицата „Славеј Планина“, дел од „Прохор Пчински“ кон џамијата, дел од „Пластичарска“, објектите околу „Мармарис“, „Топанска“ и објектите околу Теќето.

Од девет до 15 часот - дел од корисниците на улицата „103“, од кружен тек Волково кон црквата во општина Ѓорче Петров.

Татко скокнал во езеро за да го спаси синот, двајцата се удавиле- трагедија во САД

Татко и неговиот син тинејџер се удавиле во езеро во Вирџинија откако таткото се обидел да го спаси, соопштија властите, пренесе радиото Стилвотер.

Инцидентот се случил околу 13:10 часот во саботата кога властите од Канцеларијата на шерифот на округот Луис одговориле на повик за давење на дете во областа на патот Карс Бриџ во езерото Ана, Вирџинија - околу 100 километри северозападно од Ричмонд..

„Додека беа на пат, полицајците беа известени дека таткото на детето се обидел да го пронајде/спаси својот син“, соопшти полицијата.

„Сведоците пријавиле дека го виделе таткото како се мачи непосредно пред да го загубат од вид. Неколку луѓе влегле во водата за да се обидат да ги најдат, но безуспешно“.

Маринците на канцеларијата на шерифот на округот Луис, пожарникарската волонтерска служба за минерали, волонтерското спасување на езерото Ана, Одделот за ресурси за диви животни и тимот за нуркање на округот Споцилванија и ЕМС помогнале во пронаоѓањето и извлекувањето на телата на 42-годишниот татко и неговиот 14-годишен син, на кои на местото на настанот им била констатирана смрт.

Двете жртви потоа се пренесени на обдукција.

Властите сè уште не ги идентификувале жртвите, но потврдиле дека тие не се од областа и дека нивните имиња нема да бидат објавени додека не се известат најблиските.

притисни ентер