Творецот на апликацијата Zoom се збогати преку ноќ, акциите сега вредат 35 милијарди долари

Што е заедничко со обраќањето на британскиот премиер Борис Џонсон, славењето  роденден и наставата на илјадници ученици ширум светот?

Сите тие ја користат апликацијата за видео Zoom додека физички се одделени среде смртоносната пандемија на коронавирус.

И покрај својата нова слава, компанијата со седиште во Силиконската долина во Калифорнија е под лупа за приватност и безбедноста на своите корисници. Поточно, „непоканети гости“ можат да влезат среде видео конференција.

Апликацијата е креирана од инженерот Ерик Јуан во 2011 година, а сега вреди околу 35 милијарди американски долари на берзата Насдак.

Страста на Јуан за комуникациска технологија датира од 1990-тите, кога како кинески студент се обиде да најде начин да ја види својата девојка без да патува кон неа со воз неколку часа.

Zoom е призната на пазарот како алатка за деловните луѓе и се натпреварува за корисници со другите компании, вклучително и Мајкрософт, Фејсбук и Гугл.

Луѓето ширум светот престојуваат дома поради ризикот од ширење на коронавирус, па Zoom стана услуга за далечинско образование, посетување часови, славење на родендени, играње покер, практично присуствува на црковни церемонии и погреби.

„Многу е лесен за употреба и бесплатен е, тоа е убаво“, вели американскиот учител Џастин Минкл, кој им предава на учениците што користат Zoom. Во март, 200 милиони луѓе го користеле Zoom споредено со само 10 милиони корисници на крајот на минатата година, вели Јуан.

Видео повиците се зголемија во другите платформи за пораки, WhatsApp, Messenger и Google Hangouts, но Zoom стана sвезда.

До 100 луѓе можат да присуствуваат на видео конференција. Првите 40 минути се бесплатни, а дополнителните минути и услуги можат да се користат за 15 долари месечно.

Но, Zoom сега го укина 40-минутното ограничување на бесплатни сметки за наставници во многу земји.

Како и да е, феноменот Zoom го покрена и прашањето за безбедноста на апликациите. Виртуелните напаѓачи прекинувале верски церемонии, часови и другите собири. Во некои случаи, биле вметнати и порнографски фотографии.

Американските медиуми објавија дека Зум споделува некои податоци со трети страни и се прашува колку се безбедни податоците од виртуелните средби. Обвинителите во неколку американски држави, вклучувајќи ги Конектикат, Њујорк и Флорида, ги испитуваат безбедносните практики на компанијата.

Јуан вети дека ќе ја засили заштитата на податоците и се извини.

- Знам дека не ги исполнивме очекувањата на нашите корисници за безбедност и заштита на податоците. За тоа, јас длабоко се извинувам “, рече тој.

Zoom е создаден првенствено за големи компании и има потреба од поддршка и заштита од нивните технолошки тимови, вели Јуан.

- Не дизајниравме производ со очекување дека за неколку недели, секој човек во светот ќе работи, учи и ќе се дружи одеднаш на платформата, - рече Јуан.

- Ова ни помогна да ги откриеме проблемите што не можевме да ги предвидиме.

притисни ентер