Туск: Орбан е решен да продолжи да ја блокира помошта за Украина - Канал 5

Европа

Туск: Орбан е решен да продолжи да ја блокира помошта за Украина

Полскиот премиер Доналд Туск пред заминувањето од Брисел за Варшава по завршувањето на самитот на ЕУ, изјави дека дека унгарскиот премиер Виктор Орбан е решен да продолжи да ја блокира помошта за Украина, објави полската национална телевизија.

Туск: Орбан е решен да продолжи да ја блокира помошта за Украина

„Европа има се поголем проблем со Орбан“, рече Туск.

На самитот на ЕУ во Брисел, 25 земји-членки, без Унгарија и Словачка, ги поддржаа заклучоците за прашањето за натамошна помош за Украина. Сепак, без едногласност, помошта на ЕУ за Киев во износ од 90 милијарди евра беше блокирана.

Пред да полета за Варшава, Туск нагласи дека не било можно да се убеди унгарскиот премиер да ја поддржи помошта за Украина. Туск истакна дека „од полска и европска гледна точка, помошта за Украина е, пред сè, шанса да се запре Русија и нејзината агресија во Украина“.

„Чиновниците во Брисел ќе бараат други начини, но тоа не е лесно. Токму ова е прашањето за кое е потребна едногласност за промена на финансиската рамка. И затоа Европа има сè поголем проблем со Орбан. Многу е важно во одбранбените приоритети на ЕУ директно да се спомене источниот дел или нашата граница, додаде полскиот премиер.

Тагови: Доналд Туск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер