Туск: Не доаѓа предвид ЕУ сега да попушти со санкциите за руската нафта и гас - Канал 5

Европа

Туск: Не доаѓа предвид ЕУ сега да попушти со санкциите за руската нафта и гас

Полска сигурно, но сметаме и цела Европа, повеќе никогаш нема да биде зависна од руската нафта и рускиот гас. Тоа за нас е прашање на вистински суверенитет. 

Туск: Не доаѓа предвид ЕУ сега да попушти со санкциите за руската нафта и гас

Полскиот премиер Доналд Туск денеска на меѓународната енергетска конференција во Гдањск порача дека не доаѓа предвид, поради војната на Блискиот Исток и заканувачката енергетска криза, Европската Унија да ги ублажи санкциите за руската нафта и гас, а никако да се врати на вообичаеното предвоено работење со Русија.

Тој рече и дека Полска со сигурност никогаш повеќе нема да стане зависна од руските енергенси.

- Полска сигурно, но сметаме и цела Европа, повеќе никогаш нема да биде зависна од руската нафта и рускиот гас. Тоа за нас е прашање на вистински суверенитет. Ќе соработуваме со нашите партнери и сојузници. Ја разбираме потребата од меѓународна соработка, без неа не можеме да ја изградиме нашата нуклеарна електрана. Сето тоа добро го знаеме, но ќе соработуваме со оние на кои можеме да се потпреме, а не со оние кои се закана за нас – изјави полскиот премиер.

Туск потсети дека како премиер на Полска уште во 2014 година, по анексијата на Крим, покренал иницијатива во ЕУ за енергетска унија и дека заедно со земјите од регионот и сега работи на тоа да се одржи тој курс и независноста од руските енергенси.

- Слушам некаде гласови по повод енергетската криза и војната на Блискиот Исток дека можеби би вредело да се олеснат санкциите, дека можеби би вредело да се вратиме на она секојдневно енергетско работење со Русија. Не доаѓа предвид, господа. Тоа е прашање на безбедност, прашање на опстанок на Западот, Европа, Полска и тука сметам не само на разбирањето на нашите партнери, туку и на соработката – рече Туск.

Полскиот премиер во обраќањето на енергетската конференција во Гдањск истакна дека сега, со војната во Украина и избувнувањето на конфликтот на Блискиот Исток, добро се гледа колку се испреплетени безбедноста на Европејците и достапноста и цените на енергенсите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците запреа танкер во Оманскиот залив по предупредување од Британците

Британската агенција за поморска трговија (UKMTO) издаде безбедносно предупредување по инцидентот што се случи вчера во Оманскиот Залив. 

Американците запреа танкер во Оманскиот залив по предупредување од Британците

Предупредувањето е издадено врз основа на дојава дека танкер и воени сили биле вклучени во инцидентот. Речиси истовремено, Асошиејтед Прес објави дека Американската централна команда (CENTCOM) го онеспособила моторниот танкер „Лавин“, кој наводно се обидел да ја пробие американската поморска блокада на Иран.

Засега нема официјална потврда

Досега не е официјално потврдено дали предупредувањето на британската агенција и американската воена операција се однесуваат на истиот настан. Американската централна команда сè уште не дала официјална изјава за целиот случај, а причините зошто не го сториле тоа се непознати.

Тагови: Оманскиот залив танкер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска ѕвезда е уапсена- возел пијан

Поранешниот квотербек во НФЛ, Тони Ромо, се најде во центарот на скандал откако беше уапсен во Милвоки под сомнение за возење под дејство на алкохол. 

Американска ѕвезда е уапсена- возел пијан

Според американските медиуми, поранешниот ас не го положил стандардниот полициски тест за трезвеност, поради што веднаш бил приведен.

Полицискиот тест вклучува проверка на движењата на очите, одење по права линија со вртење и одржување рамнотежа на една нога. Не беше објавено во кој дел од тестот Ромо не успеал, ниту дали бил подложен на алкотест или го одбил.

По апсењето, Ромо беше пуштен да се брани од слобода, но ќе мора да се појави на суд во септември. Во државата Висконсин, возењето под дејство на алкохол се казнува со парични казни, одземање на возачка дозвола, а во сериозни или повторени случаи, затворска казна.

Ромо ја помина целата своја НФЛ кариера во Далас Каубојс, каде што сè уште го држи рекордот на франшизата за бројот на фрлени додавања за тачдаун. Тој беше избран за Про Боул четири пати, а по завршувањето на неговата играчка кариера, изгради успешна кариера како телевизиски аналитичар на CBS.

Американската телевизиска мрежа Си-Би-Ес досега одби да коментира за инцидентот во кој е вклучен нивниот познат експерт-консултант.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Њујорк Тајмс: Тајните служби го предупредиле Трамп, среде патување го смени претседателскиот авион

На почетокот на јуни, поради иранската закана, американскиот претседател Доналд Трамп одеднаш го смени авионот што го користеше за да го напушти самитот на НАТО во Анкара.

Њујорк Тајмс: Тајните служби го предупредиле Трамп, среде патување го смени претседателскиот авион

На почетокот на јуни, поради иранската закана, американскиот претседател Доналд Трамп одеднаш го смени авионот што го користеше за да го напушти самитот на НАТО во Анкара, летајќи во постар „Ер Форс Уан“ наместо оној што му го даде Катар, пишува денеска „Њујорк тајмс“.

Американските медиуми, врз основа на тврдењата на анонимни извори, пишуваат дека заканата се појавила додека Трамп учествувал на состанок на НАТО. Тој претходно пристигнал во турската престолнина со нов „Боинг 747-8“, подарок од Катар, без напредните одбранбени капацитети на стариот „Ер Форс Уан“.

Замена на авионот и објаснување

По предупредување од тајните служби, Трамп го смени авионот, тврдејќи дека промената е направена за да им се даде можност на американските војници во Велика Британија да го видат новиот авион, пишува „Тајмс“. Трамп ја напушти Турција со стар авион, а потоа во Обединетото Кралство се качи на новиот претседателски авион, кој го користеше за да го продолжи летот до Вашингтон.

Истрага за протекување информации

„Њујорк тајмс“ претходно овој месец објави дека властите имаат сомнежи за безбедносните капацитети на авионот што му бил подарен на републиканецот од земја од Блискиот Исток. Властите одговорија на тие написи со истрага за протекувањето на информации, барајќи сведочење од неколку новинари пред порота, како и предавајќи список на повици до нив и нивните семејства.

Трамп минатиот викенд призна дека на новиот авион му недостасуваат некои карактеристики што ги имаат старите претседателски модели на Боинг, одговарајќи на новинар кој го забележа недостатокот на противракетна одбрана. Тој рече дека катарскиот авион наскоро ќе биде „целосно опремен“.

Тагови: Доналд Трамп претседателски авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер