Европа

Туск: ЕУ ќе пропадне ако не се вооружи и не остане обединета

„Конечно мора да веруваме во нашата сила, да продолжиме да се вооружуваме и да бидеме обединети како никогаш досега. Еден за сите, сите за еден. Инаку, не успеавме“, рече Туск на мрежата „X“.

Полскиот премиер Доналд Туск денеска изјави дека никој нема да ја сфати Европската Унија сериозно, ниту непријателите ниту сојузниците, ако не се вооружи, не верува во сопствената сила и не остане обединета во согласност со слоганот „сите за еден, еден за сите“.

„Конечно мора да веруваме во нашата сила, да продолжиме да се вооружуваме и да бидеме обединети како никогаш досега. Еден за сите, сите за еден. Инаку, не успеавме“, рече Туск на мрежата „X“.

Оваа порака од полскиот премиер доаѓа по интервенцијата на САД во Венецуела, по што, во текот на викендот, американскиот претседател Доналд Трамп се закани дека уште неколку земји би можеле да бидат цел на напад и повтори дека на Американците итно им е потребен Гренланд, што директно влијае на интересите на една од членките на ЕУ - Данска.

Полскиот министер за надворешни работи Радослав Сикорски синоќа во интервју за англискиот канал на полскиот јавен телевизиски сервис ТВП Ворлд предупреди дека иако не верува дека САД целосно ќе се повлечат од Европа, тој сојуз ќе биде различен од порано.

„Доколку САД се вклучат во војна во Азија, што не можеме да го исклучиме, можеби нема да можат да ни помогнат. Затоа до крајот на деценијата мора да имаме на располагање такви вооружени сили што Путин нема да се осмели да ги тестира“, рече полскиот министер за надворешни работи.

Сикорски рече дека кога станува збор за Полска, постојат индикации дека САД ќе инвестираат стотици милиони долари во бази во Полска.

„Тие имаат многу поволен договор. Плаќаме 15.000 долари годишно за секој американски војник кај нас. Поевтино е за САД да ги чуваат и обучуваат своите војници тука“, рече Сикорски.

Полскиот министер за надворешни работи го изрази својот страв дека руско-украинската војна ќе се претвори во замрзнат конфликт и дека предавањето на Донбас на Русија би било награда за агресорот и само рецепт за следната војна.

„Со оглед на напредокот на руската армија на фронтот, на Путин ќе му бидат потребни децении за да ја освои Украина. Но, тоа е проблемот со диктаторите, бидејќи кога сте на власт 20 години, никој нема да ви каже како стојат работите навистина“, рече Сикорски.

Според полскиот министер за надворешни работи, праведно решение за конфликтот во Украина може да дојде само кога руските елити ќе сфатат дека инвазијата била грешка.

„На крајот од војната, Украина мора да може да се интегрира во ЕУ, но и да ги брани своите граници. Во спротивно, постои рецепт за следната војна. Праведно решение ќе има само кога руските елити ќе признаат дека првичната инвазија била грешка и дека обновата на руската империја е невозможна“, рече Сикорски, гостин во ТВП Ворлд.

Тагови: Доналд Туск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Том Круз официјално го промени своето презиме

Сури Круз (20), ќерката на познатиот американски актер Том Круз и актерката Кејти Холмс, официјално го променила своето презиме во Ноел – средното име на нејзината мајка.

Ова го покажуваат јавните евиденции на регистрирани гласачи во Пенсилванија, каде што Сури моментално студира на Универзитетот „Карнеги Мелон“, пренесува „Пејџ сикс“ (Page Six).

Таа се регистрирала во округот Алегени како Сури Ноел; медиумот напоменува дека, според законот, жителите мора да ги користат своите законски имиња при регистрацијата за гласање. Исто така, се наведува дека Сури – која наскоро ќе настапи во претстава по дело на Шекспир на универзитетот – не поднела барање за промена на името во округот Алегени. Ова сугерира дека таа можеби тоа го сторила во Њујорк, каде што живеела со мајка си пред да започне со студиите.

Сури нема контакт со својот татко уште од разводот на нејзините родители во 2012 година; информациите за промената на нејзиното презиме првпат се појавија во 2024 година, за време на нејзиното матурирање, кога таа не го користела неговото презиме. Том Круз и Кејти Холмс се разведоа во 2012 година, по што Сури се пресели во Њујорк со својата мајка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Хрватската мисица на изборот во Виетнам ќе носи спектакуларен фустан инспириран од Плитвице и Крка

Мисицата, Ема Хелена Вичар, на 8 август заминува за Виетнам за да ја претставува Хрватска на 73-тиот избор за „Мис на светот“ (Miss World), еден од најпрестижните светски избори за убавина.

Натпреварот се одржува од 9 август до 5 септември и ќе собере околу 130 натпреварувачки од целиот свет. Покрај самиот избор за убавина, во последните децении „Мис на светот“ се фокусира на хуманитарна работа, образование и општествена одговорност преку слоганот „Убавина со цел“ (Beauty With a Purpose).

Токму во оваа категорија, убавата Ема ќе го претстави својот проект „Сина планета: Цел за живот“ (Blue Planet: A Purpose for Life), кој е посветен на заштитата на Јадранското Море и отстранувањето на отфрлените рибарски мрежи – сериозна закана за морските екосистеми.

Ема ќе се натпреварува во седум категории.

Како студентка на постдипломски студии по менаџмент на луксузни брендови во Монако и сопственичка на бренд за одржлива мода, Ема ќе се натпреварува во седум официјални категории, меѓу кои се талент, топ-модел, спорт и интервју. За категоријата „Топ-модел“, таа ќе носи спектакуларна креација на хрватската дизајнерка Марина Матиќ (LARIE), инспирирана од Плитвичките Езера и Националниот парк „Крка“.

Фустанот е украсен со повеќе од 500.000 кристали „Сваровски“, монистра и камења.

Тагови: Мис Универзум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ПСЖ преговара за трансфер на Феран Торес

Европскиот и француски фудбалски шампион ПСЖ продолжува со директни разговори со претставниците на фудбалерот на Барселона, Феран Торес во врска со можен трансфер ова лето.

Барселона не сака да го продаде шпанскиот напаѓач, а до договор би можело да дојде само доколку самиот Торес побара да го напушти клубот.

ПСЖ размислува да ги ангажира и Торес и младиот белгиски крилен напаѓач Мика Годс.

Парижаните бараат засилувања во нападот по заминувањата на Ли Канг-ин, Гонсало Рамос и Ибрахим Мбаје.

Во исто време, Ливерпул силно инсистира на ангажман на Бредли Баркола од ПСЖ – потег што би можел да ги принуди француските шампиони да направат дополнителни промени во својата напаѓачка линија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.