Европа

Туск: Аферата „Епштајн“ може да биде „слатка стапица“ на КГБ за елитите на западниот свет

Обвинителството и полските служби веќе ги имаат првите полски траги во аферата за подведувањето девојки на забавите на Епштајн за елитата.

Полскиот премиер Доналд Туск соопшти денеска дека полската влада формира тим аналитичари што ќе се занимаваат со полските траги во педофилската афера „Епштајн “ во САД и предупреди дека сè повеќе експерти и коментатори во светот укажуваат дека постапките на осудениот сексуален престапник Џефри Епштајн биле „слатка стапица“ на КГБ за елитите на западниот свет и тоа ќе биде и предмет на полска анализа.

„Знаеме дека Епштајн ги чувал сите пораки, имејлови, документи, снимки и фотографии. Тој снимал влијателни западни лидери, претседатели, премиери, раководители на најголемите компании во светот. Сè повеќе коментатори и експерти веруваат дека е многу веројатно оти станува збор за операција подготвена од руското КГБ, таканаречена слатка стапица за елитите на западниот свет“, рече Туск денеска во Варшава пред владината седница.

Обвинителството и полските служби веќе ги имаат првите полски траги во аферата за подведувањето девојки на забавите на Епштајн за елитата, конретно дека од Краков го информираат Џефри Епштајн дека имаат подготвена група полски девојки и жени што може да му ги испорачаат.

„Како што знаете, тоа е афера без преседан. Првин потребно е да се разјаснат полските траги во сатанскиот круг на Епштајн. Ќе направиме сè за виновниците и можните жртви да видат дека полската држава работи, но и да ги обесштетиме жртвите доколку е потребно и ефикасно да ги казниме оние што ги извршиле овие кошмарни злосторства“, рече Туск.

Втората причина, според полскиот премиер, е тоа што аналитичкиот тим, во соработка со министерот за правда, генералниот обвинител и министерот за координатор на разузнавачките служби, по анализата ќе разгледа дали да поведе истрага за сомневањето дека зад аферата „Епштајн“ стојат руските разузнавачки служби.

Тагови: Доналд Туск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк, УС Опен во конкуренција на мешани двојки.

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.