Турска компанија од автоиндустријата ќе отвори фабрика во Тетово вредна 20 милиони евра - Канал 5

Економија

Турска компанија од автоиндустријата ќе отвори фабрика во Тетово вредна 20 милиони евра

Околу 500 нови работни места се очекува да бидат отворени со новата странска инвестиција од турската компанија Џаво Аутомотив во ТИРЗ Тетово, вредна околу 21 милион евра.

Турска компанија од автоиндустријата ќе отвори фабрика во Тетово вредна 20 милиони евра

Премиерот Христијан Мицкоски информираше дека официјалниот договор за државна поддршка веќе е потпишан и дека фабриката треба да започне со работа до крајот на септември. Уверува дека нема да повтори случајот со најавената инвестиција од претходната влада, за произвеодтсво на мали електрични автомобили што не се реализираше.

-Гарантирам дека нема.. Договорот за помош од страна на Владата е поминат на седница, така што апсолутно да нема никој дилема. Разликата меѓу марихуана владата, односно владата на СДСМ и ДУИ е голема и тоа го покажуваат делата..Во периодот кој што следи очекувам неколку десетици такви потенцијални инвестиции кои ќе се оперионализицираат. Претседателот Ердоган лично ми кажа дека ќе се заложи за што поголем број турски инвеститори да дојдат кај нас овде во Македонија, а нашата задача е сето тоа да го препознаеме и да отвориме нови работни места. -Христијан Мицкоски – претседател на Влада.

Инаку, новата инвестиција во ТИРЗ Тетово доаѓа од турска компанија која работи во автомобилската индустрија и се занимава со производство на безбедносни системи, контролни кабли и електрични инсталации за водечки светски производители на автомобили. Нивни претставници беа присутни на прес-конференцијата, но немаа свое обраќање.

Директорот на ТИРЗ Тетово Гоце Димовски нагласи дека интересот за инвестирање во зоната во Тетово расте и дека компаниите кои веќе работат таму продолжуваат да ги прошируваат своите капацитети.

-Наш приоритет е да обезбедиме услови за одржлив економски раст, преку подршка на инвестиции кои создаваат додадена вредност, генерираат извоз и отвораат добро платени работни места,- Бесар Дурмиши – министер за економија и труд.

-Продолжуваме со активниот пристап кон привлекување нови инвестиции, но и кон подршка на сите компании кои веќе инвестираат и создаваат нова вредност во македонската економија,- Гоце Димовски – директор на ТИРЗ Тетово .

Министерот за економија и труд Бесар Дурмиши оцени дека новата инвестиција е резултат на напорите за привлекување странски капитал и создавање поволна бизнис-клима во Македонија.

Тој посочи дека компанијата планира годишен извоз од околу 45 милиони евра, што ќе придонесе за подобрување на извозните перформанси на државата и дополнителен раст на индустриското производство.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пронашле змија меѓу лебот во супермаркет, експертите со предупредување: Луѓето не се свесни...

Бројот на напуштени влекачи и други егзотични домашни миленици во Велика Британија е во пораст, според организацијата за спасување животни „Pet Encounter“.

Пронашле змија меѓу лебот во супермаркет, експертите со предупредување: Луѓето не се свесни...

Експертите открија дека змија била пронајдена на полица за леб во супермаркет, а потоа била пренесена во ветеринарна клиника на преглед.

Сопствениците во финансиска криза

Не е познато дали змијата, со прекар „Трошка“, била напуштена или избегала, но „Pet Encounter“ вели дека кризата со трошоците за живот придонела за зголемување на бројот на сопственици кои предаваат змии за кои повеќе не можат да се грижат.

Организацијата спасила 21 змија од почетокот на годината, а 14 биле спасени во целата 2025 година.

Бен Николсон од организацијата истакнува дека грижата за змиите вклучува трошоци за опрема, грејни влошки и светилки, што е дополнителен финансиски товар во време на криза со трошоците за живот.

Недостаток на свест

„Бевме создадени за едукација, но сега размислуваме за промена на нашиот бизнис модел и за да станеме добротворна организација за да можеме да добиеме финансиска поддршка“, рече Николсон.

Тој рече дека недостатокот на свест за егзотичните животни и актуелните трендови, исто така, придонеле за зголемувањето на напуштањето на домашните миленици.

Николсон предупредува дека луѓето често купуваат змии без да бидат свесни за количината на грижа и внимание што му е потребна на таквото животно.

Тагови: змија леб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тунижанец во авион сексуално нападнал онесвестена девојка, која седела до него

Маж е обвинет за сексуален напад откако 22-годишна жена изјави дека маж што седел до неа ја допирал додека била во несвест на лет на „Рајанер“.

Тунижанец во авион сексуално нападнал онесвестена девојка, која седела до него

Девојката летала од Малта до Нант на 19 јули кога изјавила дека 39-годишен Тунижанец што седел до неа наводно сексуално ја нападнал откако се онесвестила, објави Дејли Меил.

Мажот бил уапсен на аеродромот Нант на 31 август откако слегол од лет од Тунис и бил обвинет пред судија во средата. Девојката, која имала главоболка, се онесвестила кратко по полетувањето и паднала напред на масата, а потоа на рамото на сопатникот.

Кога се освестила, таа тврдела дека патникот што седел до неа ја бакнувал по вратот. Тој наводно продолжил да ја напаѓа со тоа што ја превртел на седиштето до прозорецот и ја притиснал со грбот кон себе, додека ги допирал нејзините гради под кошулата.

Жената тврдела дека конечно успеала да се оддалечи кога тој ги ставил рацете под нејзините шорцеви и ја допрел по долната облека. По слетувањето, таа му кажала на своето семејство за наводниот напад, а потоа ја известила граничната полиција, според францускиот весник „Пари мач“.

„Ранлива жена се смета за плен, дури и во авион“, наводно изјавила адвокатката на наводната жртва, Ан Бујон.

Полицајците ја испитуваат облеката на 22-годишната девојка, а таа е подложена на преглед во одделот за судска медицина на Универзитетската болница во Нант.

Според извештаите, „Рајанер“ е контактиран за детали за осомничениот, а „Дејли меил“ ја контактирал авиокомпанијата за коментар.

Осомничениот, за кој се вели дека е бездомник, потоа бил додаден на листата на барани лица, што довело до негово апсење кога повторно влегол во Франција преку Нант по летот од Тунис.

39-годишниот маж се појавил пред судија во средата и бил обвинет за сексуален напад врз ранливо лице. Според јавниот обвинител на Нант, тој „потврдил дека бил патник што седел до жртвата“, според јавниот обвинител на Нант, Антоан Лерој, но ги негирал обвиненијата. Тој ќе биде подложен на психијатриска проценка, а судењето ќе продолжи на 28 октомври.

Тагови: авион девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија со осуда на ВИ снимката на израелски министер: Ова е ужасно и недозволиво (ВИДЕО)

Германија остро ги осуди генерираните видеа од израелскиот министер за национална безбедност Итамар Бен-Гвир, на кои се прикажани палестински затвореници на транспортна лента. 

Германија со осуда на ВИ снимката на израелски министер: Ова е ужасно и недозволиво (ВИДЕО)

Критичарите ги споредија сцените со сцени од концентрациони логори, пренесува Анадолија.

Портпаролот на германското Министерство за надворешни работи, Мартин Гизе, им изјави на новинарите во Берлин дека го видел контроверзното видео. „Колку што знам, во меѓувреме е избришано, но тоа не го прави помалку ужасно. Секако, ова е целосно неприфатливо. Ужасно е“, рече Гизе. Тој нагласи дека Германија „јасно ги отфрла“ политиките и начинот на изразување на Итамар Бен-Гвир. „Нашиот став за ова е целосно јасен“, додаде тој.

Отстранети видеа

Бен-Гвир отстрани две видеа од своите профили на социјалните мрежи кои предизвикаа силни реакции поради начинот на кој го прикажуваат третманот на палестинските затвореници. Едно од видеата, објавено минатата недела, предизвика критики дека сцените потсетуваат на концентрациони логори.

Видеото прикажува заканувачки палестински затвореници во судница, со графички меурчиња за говор што сугерираат дека размислуваат за образование, храна или наргиле. Потоа, анимираниот лик на Бен-Гвир ги пробива тие меурчиња и притиска црвено копче, кое активира транспортерска лента што ги води затворениците низ вратата. Зад вратата, истите затвореници се прикажани како гладуваат, плачат и со наведнати глави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер