Туризмот се стабилизира по кризата, но вниманието кај патниците останува - Канал 5

Живот

Туризмот се стабилизира по кризата, но вниманието кај патниците останува

По периодот на неизвесност предизвикан од случувањата на Блискиот Исток, туристичкиот сектор постепено се стабилизира.

Туризмот се стабилизира по кризата, но вниманието кај патниците останува

Од кумановските туристички агенции велат дека дел од летовите и аранжманите кои беа откажани во изминатиот период повторно се реализираат, а новите резервации се во тек. Од туристичките агенции информираат дека во моментов нема ограничувања за патување и дека најголемиот дел од програмите се одвиваат според планираното. Сепак, како што посочуваат, последиците од кризата сè уште се чувствуваат, особено кај патниците кои остануваат внимателни при изборот на дестинација. Откажувањата на летови, пред сè од страна на авиокомпаниите, предизвикаа финансиски последици, но во најголем дел од случаите патниците добиле поврат на средствата.

-Штетите секако дека се големи таму каде што имало откажувања на летови од страна на авиокомпаниите. Во тие случаи постои рефундација на средства. Кај аранжманите каде што немало официјална забрана за летање и летовите се реализирале непречено, состојбата е нормализирана и функционирањето е вообичаено- изјави Наташа Трајковски, туристички работник.

И покрај претходните откажувања, интересот за летните аранжмани останува стабилен. Најбарани и понатаму се традиционалните дестинации како Грција, како и чартер-програмите за Турција, Египет и Тунис. Од туристичките агенции велат дека не се забележуваат значителни откажувања во последниот период, а граѓаните активно резервираат патувања за претстојната сезона.

Од Националната асоцијација на туристички организации посочуваат дека состојбата континуирано се следи во координација со надлежните институции и ресорното Министерство, со цел навремено информирање и заштита на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Почина принцезата Астрид од Норвешка

Норвешката принцеза Астрид, постарата сестра на покојниот крал Харалд V, почина на 94-годишна возраст, соопшти кралската палата.

Почина принцезата Астрид од Норвешка

Нејзиниот брат Харалд почина минатиот месец на 89-годишна возраст, по повеќе од 35 години на тронот. Принцезата Астрид го имаше своето последно јавно појавување на неговиот погреб во среда.

Почина норвешката принцеза, сестра на кралот кој почина минатиот месец

„Принцезата Астрид го претставуваше кралското семејство на топол и совесен начин во текот на целиот нејзин долг живот“, изјави кралот Хакон VIII во соопштението.

Норвешка во среда одржа едноминутно молчење на погребот на Харалд V, современа личност која ги поврзуваше луѓето среде низа скандали што го означија крајот на неговото владеење. Значајни меѓу нив беа врските на неговата снаа Мете-Марит со покојниот сексуален престапник Џефри Епштајн и пресудата за силување на нејзиниот син Мариус Борг Хоиби.

Харалд се качи на престолот во 1991 година и беше најдолго владејачкиот монарх во Европа до неговата смрт. Тој секогаш одбиваше да абдицира и покрај бројните здравствени проблеми и беше исклучително популарен меѓу своите сограѓани.

Извор: Индекс.хр

Тагови: Норвешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Времен режим на сообраќај на ГП „Делчево“

Од 10.09.2026 година, поради започнати градежни активности на патната инфраструктура во рамки на целосната реконструкција на Граничниот премин „Делчево“, воведен е времен режим на сообраќај.

Времен режим на сообраќај на ГП „Делчево“

За времетраење на градежните работи, сообраќајот за моторни возила на влез и излез од државата ќе се одвива по една сообраќајна лента во секој правец, поради што капацитетот за проток на возила на граничниот премин е намален и можни се подолги задржувања.

Апелираме до граѓаните, доколку се во можност, да ги користат соседните гранични премини, со цел да се избегнат подолги чекања и да се овозможи непречено одвивање на сообраќајот.

Ги замолуваме сите учесници во сообраќајот за трпение, внимателно возење и почитување на поставената сообраќајна сигнализација и насоките на надлежните служби.

Тагови: ГП „Делчево“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување возило“

Девет возеле без возачка дозвола и еден за време на активна забрана.

Лишени од слобода 10 возачи за „безобѕирно управување возило“

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување возило“ по член 297-а од Кривичниот законик.

Од нив, девет управувале возило без положен возачки испит и тоа: Б.Б.(26), А.Д.Ј.К.(19), Х.И.(20) и Б.Д.(21) од Скопје, Х.С.(49) и Ј.А.(49) од Тетово, У.М.(35) од Виница, И.Т.(48) од Кочани и Д.А.(29) од Македонска Каменица. Од слобода е лишен и С.М.(47) од Кочани затоа што возел за време на активна забрана. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер