Туристичките работници најавуваат нови протести и блокада на патиштата

Итна помош од државата, бараат туристичките работници. Во спротивно се закануваат со нови протести и блокада на патиштата. 

Вработените во еден од најпогодените сектори од коронакризата бараат најдоцна до 15 август да се пронајде решение за проблемите со кои се соочуваат. Бараат да се зголеми капацитетот на патници во автобусите, кој сега изнесува педесет проценти, но и да продолжи мерката за субвенционирање на платите во овој сектор, а тука покрај превозниците, спаѓаат и туристичките агенции и водичите.

-Прво одлуката беше дека од месец за месец ќе се поднесува за плата, за жал, јули месец помина, а нашиот промет во јули месец, на сите туристички агенции, превозници е незначителен, немавме доволно средства да ги пуштиме платите на вработените, а во овој момент немавни можност да поднесуваме за плата да ни се одобри за месец јули, изјави Ана Марија Алексова – туристички работник.

Алексова вели дека им била ветувана помош по завршувањето на изборите, но, посочуваат дека сега чекаат да се формира Влада. Вели препораките од здравствените власти до граѓаните да не се патува надвор од државата дополнително ја отежнала нивната работа.

-Имаме единствено аранжмани во Турција, Албанија и чартери за Египет. Ние се трудиме барем тоа да го продадеме, сите агенции заеднички во државава и да обезбедиме некако некои средства и сега ти ја слушаш таа препорака, која ги одвраќа дури најхрабрите кои што сакаат да патуваат. Извинете, седете не треба да се патува, не ви препорачуваме. Тоа е најголемиот револт што се појави кај нас, вели Ана Марија Алексова – туристички работник.

Работниците од туризмот веќе имаа мирен протест на 29 минатиот месец, во Скопје. Тогаш побараа помош, предупредувајќи дека ако државата не реагира веднаш секторот ќе се соочи со колапс. Таквата ситуација ќе доведе 5000 семејства да немаат приходи, а исто толку лица ќе бидат додадени на списокот во Агенцијата за вработување.

Словачка планира ново масовно тестирање

Словачка планира да спроведе втор масовен тест и да ги изолира позитивните во борбата против загрижувачкиот пораст на инфекцијата со коронавирус, рече министерот за здравство Марек Крајчи.

Владата е загрижена бидејќи бројот на новозаболени и на хоспитализирани расте од крајот на минатата година.

Според универзитетската болница „Џонс Хопкинс“Словачка има 222.752 заразени и 3.417 починати од ковид-19.

Вчера во болниците во Словачка имало 3.055 пациенти со ковид-19, што е забавено откако владата воведе делумно затворање, според Ројтерс.

„Сакаме да ги тестираме луѓето, да ги изолираме оние кои го шират вирусот, нивните контакти и со тоа да ја намалиме инфекцијата за 50 проценти“, изјави Крајчи.

Доколку тестот биде успешен, Словачка може да олесни некои епидемиолошки мерки на почетокот на февруари, рече Крајчи.

Системот за предупредување covid-19 во Словачка има шест нивоа обележани во боја и сега е во сила црната боја, што укажува на највисоко ниво на предупредување.

Словачка тестира 3,6 од вкупно 5,5 милиони Словаци во првиот круг на масовно тестирање на 31 октомври и 1 ноември, а вториот круг, закажан за почетокот на декември, беше одложен поради отпор и логистички тешкотии.

Учеството во масовното тестирање беше доброволно, но секој што не можел да даде негативен резултат од тестот, не смеел две недели да оди на работа.

Од корона почина легендарниот танчер на аргентинско танго

Легендарниот танчер на аргентинско танго, Хуан Карлос Копес починал вчера на 89-годишна возраст од компликации поврзани со ковид-19, објави неговото семејство.

„Сè се случи многу брзо, татко ми почина ... Тој ќе блеска засекогаш меѓу ѕвездите и засекогаш ќе остане запаметен во историјата на тангото“, објави неговата ќерка Јохана Копес на Фејсбук.

Хуан Карлос Копес, роден на 31 мај 1931 година во Буенос Аирес, се прослави со промовирање на аргентинското танго, страствен национален танц што го донесе на најголемите светски сцени.

Негова партнерка за танцување долго време беше легендарната Марија Нивес, со која беше во брак од 1964 до 1973 година и танцувале како двојка до 1997 година.

Неговата ќерка Јохана тргнала по стапките на нејзиниот татко и беше негов партнер за танцување скоро 20 години.

Кариерата ја завршил во 2015 година.

Насилни антивладини протести во повеќе градови во Тунис

Насилни протести, предизвикани од тешката економска состојба, избувнаа вчера вечер во најмалку шест туниски градови, вклучително и главниот град на Тунис и крајбрежниот град Сус, објави Ројтерс, повикувајќи се на изјави на сведоци.

Протестите се одржуваат кога Тунис ја одбележува десетгодишнината од револуцијата што го симна починатиот претседател Зин Ел Абидин Бен Али.

Сведоците во Сус велат дека безбедносните сили фрлиле солзавец за да ги растераат стотиците лути демонстранти кои блокирале патишта и палеле гуми.

Безбедносни извори велат дека демонстранти во Сус упаднале во продавници. Судири се случиле и во градот Кала Кебира во близина на Сус.

Една деценија по револуцијата против невработеноста, сиромаштијата, корупцијата и неправдата, Тунис тргна кон демократија, но економската состојба се влошила и земјата сега се најде на раб на банкрот. Премиерот Хикем Меџиџи ја смени владата, со нови министри во министерствата за внатрешни работи, правда и енергетика.

притисни ентер