Туристи тајно влегле во „најопасниот град на светот“- сега ќе добијат огромни казни (ВИДЕО)

Група туристи се нашле во центарот на медиумското внимание откако тајно влегле во „најопасниот напуштен град на светот“, кој во меѓувреме е избришан од мапите.

Станува збор за руралната заедница Витенум во Западна Австралија, која пред нешто повеќе од една година била напуштена од последниот жител, 80-годишната Лорејн Томас.

Витенум некогаш имал повеќе од 800 души, а е опкружен со 50.000 хектари загадена земја, што било причина за неговиот пад.

По заминувањето, властите ги блокирале сите приоди кон заедницата, а се заканиле дека ќе ги казнат оние кои нелегално влегуваат во спорната област.

За да разбереме зошто Витенум е „најопасниот напуштен град во светот“, треба да се вратиме во минатото, поточно во 1930-тите, кога група Австралијци откриле дека областа е богата со син азбест.

Набрзо започнале масовните ископувања на овој материјал, кој се користел за изолација на машините, како состојка во производите од пластика и цемент.

Во текот на следните три децении, илјадници работници биле донесени во Витенум и неговата околина. Меѓутоа, рудникот бил затворен во 1966 година, бидејќи не бил доволно профитабилен.

Дури подоцна било откриено дека синиот азбест е исклучително опасен.

Според проценките на властите, повеќе од 2.000 работници, жители и членови на нивните семејства починале од болести поврзани со азбестот, како што е ракот на белите дробови, пренесува LadBible.

Покрај оваа историја, и очигледниот ризик, многу туристи не можат да одолеат да го посетат „градот на духови“ во Западна Австралија, пишува Дејли Стар.

Секретарот Џон Кери претходно објави дека државата го затворила градот за да ги спречи луѓето привлечени од необичната глетка и морничавата тишина во некогашниот раздвижен град.

Додека властите се обидуваат да го урнат Витенум, потенцијално смртоносната јаловина од азбест е расфрлана низ целата област.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Николоски: Распределни 47 социјални станови во Дебар

Распределни 47 социјални станови во Дебар, грижата за ранливите категории семејства е приоритет на Владата, објави на својот профил на Фејсбук, вицепремиерот Александар Николовски.

Со овие проекти решаваме животни прашања на голем број семејства низ цела Македонија

Навистина е убав момент кога гледаме 47 среќни семејства кои од денеска добиваат свој дом и можност за посигурна иднина.

Станува збор за квалитетно изграден објект наменет за најранливите категории граѓани – деца без родители, корисници на гарантирана минимална помош, лица погодени од елементарни непогоди, лица со попреченост и нивните семејства, како и самохрани родители со малолетни деца.

Драго ми е што оваа политика продолжува и што денеска во Дебар можеме да видиме семејства кои ќе започнат ново животно поглавје во сопствен дом

Во Општина Дебар се реализираат 22 инфраструктурни проекти, кои значително ќе придонесат за подобар квалитет на живот и локален развој. Еден од нив е и булеварот кој ќе ја поврзе оваа станбена зграда. Ќе продолжиме да ја поддржуваме општината и да инвестираме во проекти што носат подобри услови за живот за сите граѓани, стои во објавата на Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден танкер во Ормускиот теснец

Агенцијата за поморски трговски операции на Велика Британија соопшти дека во Ормускиот теснец, во близина на брегот на Оман е погоден танкер од „непознат проектил“.

Моторот на бродот е оштетен, но нема повредени луѓе и причинета еколошка штета.

Инцидентот се случи околу 20 километри североисточно од оманскиот град Лима.

Иран бара бродовите да ја користат рутата низ ормуска теснина долж неговиот брег, повторувајќи дека само рутата одредена од Техеран е безбедна за пловидба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евроњуз: ЕК ја изгуби институционалната меморија и капацитет од последниот бран на проширување

Проширувањето на ЕУ се забрзува, но во надлежниот оддел на комисијата снемува капацитет за управување со преговорите со неколку земји-кандидатки одеднаш – тврди бриселскиот медиум Евроњуз повикувајќи се на свои извори.

Притисокот врз Европскиот генерален директорат за проширување и источно соседство се должи на забрзаното затворање на преговарачките поглавја од страна на четири земји кандидатки, што изискува значително прераспределување на ресурсите а според Евроњуз, проблеми со внатрешниот капацитет има и Советот на ЕУ.

„Генералниот директорат, како и многу други оддели на комисијата, во голема мера се потпира на привремени договори и малку постојани службеници. Ова значи дека има висока стапка на флуктуација на кадри и малку искуство во затворањето на преговорите, со оглед на тоа дека последната примена земја во блокот беше хрватска во 2013 година.„ – пишува Евроњуз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.