Туристи на коњи уживаат во македонските убавини - Канал 5

Живот

Туристи на коњи уживаат во македонските убавини

Туристи од Португалија, Швајцарија, Франција и Велика Британија преку шестдневен туристички пакет, којшто вклучува јавање со коњи и посета на села и винарии во Тиквешкиот регион, се запознаат со природните убавини на земјава на еден поинаков начин.

Туристи на коњи уживаат во македонските убавини

Каролина Мерлу од Португалија, која има 27 години и која на македонско тло го прослави роденденот, ја сретнавме во Винскиот музеј во Кавадарци, каде беше дојдена со група странски туристи кои беа дел од неколкудневна туристичка тура. Ова и е втора посета на земјава, откако претходно била дел од слична туристичка тура во Галичник.

- Доаѓам на вакви тури бидејќи ги сакам животните, дел сум од ветеринарната професија. Ги сакам природата, животните, патувањата, љубовта, добрата музика и доброто вино, вели Мерлу.

Истите овие работи ја исполнуваат и Јелизавета Виничкаја од Украина, која исто така претходно била на слична туристичка тура со коњи во Галичник. По професија е финансиски консултант и живее во Франција, а слободното време го користи за прошетки во природа.

За разлика од Мерлу и Виничкаја, Хелен Пико од Велика Британија за прв пат беше на едно вакво туристичко доживување, иако имала големо искуство со вакви туристички дестинации и одмори.

За првпат во посета на земјава беше и Карин Макшо од Швајцарија која дошла по предлог на нејзината пријателка по потекло од Украина.

Ваквите тури ги организира Шерпа Хорс рајдинг. Нивниот претставник Васко Величковски во изјава за МИА посочува дека целта на ваквите посети е да се доживеат богатствата на земјата на еден поинаков начин, вклучувајќи го и винскиот туризам што е се поактуелен во светот.

Многумина од туристите што вообичаено доаѓаат на ваквите несекојдневни туристички тури, како што посочува Величковски, обично не се познаваат претходно, но тука стекнуваат нови пријателства.

- Тие значи најчесто доаѓаат сами. Но, од моја страна им е целата организација на тоа што ќе се посети и каде ќе се спие и слично. Се случува две туристки да спијат во иста соба а да не се познаваат. Склучуваат ново пријателство, вели Величковски.

Најчесто групите туристи се по околу десетина луѓе. Имало и случаи кога никој со никого да не се познава, пред да бидат дел од една ваква приказна на македонска територија. Македонските убавини биле сведок на многу нови познанства и многу нови пријателства, доживувања и спомени.

Винскиот музеј Кавадарци е на мапата за туристи со коњи низ Тиквешко. Странските туристи ја посетуваат оваа културна установа, откако претходно поминуваат неколку километри на коњи во прекрасната еко и етно околина на тиквешкиот крај. Во Винскиот музеј тие се запознаваат со богатата историја, култура и традиција на лозаровинарството во Тиквешкиот регион.

- Благодарение на претходно остварената соработка, веќе втора година, Винскиот музеј за регионот Тиквеш е на агендата на ваквите посети на туристите, кои тука можат да дегустираат од богатата палета на тиквешки и македонски вина и ракии со извонреден квалитет. Во нашите две винотеки „Градска" и ,,Центар", може и да си купат од производите од грозје од ова поднебје, кои кај нив оставаат извонреден впечаток, вели директорката Елизабета Ристова во изјава за МИА.

Тагови: коњи Македонија туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвав напад во Пакистан- најмалку 16 загинати во експлозија во џамија (ВИДЕО)

Најмалку 16 лица, вклучувајќи пет полицајци, беа убиени во напад врз џамија во северозападен Пакистан откако возило натоварено со експлозив се удри во неа. 

Крвав напад во Пакистан- најмалку 16 загинати во експлозија во џамија (ВИДЕО)

Висок полициски службеник во Пешавар ја потврди веста, според Би-Би-Си.

Борби на местото на настанот

Нападот се случил во округот Кохат, во покраината Хајбер Пахтунхва, каде што сè уште се водат престрелки меѓу напаѓачите и безбедносните сили. Еден официјален претставник изјави дека еден напаѓач е убиен и дека се во тек спасувачки операции.

Пакистанскиот претседател Асиф Али Зардари испрати „најдобри желби за брзо закрепнување на повредените во експлозијата“ во официјално соопштение.

Никој сè уште не ја презеде одговорноста за нападот. Премиерот Шехбаз Шариф, исто така, ја осуди експлозијата.

Активноста на милитантите во граничните области на Пакистан нагло се зголеми во последните месеци, а цел беа армијата и полицијата.

Исламабад тврди дека милитантите користат безбедни засолништа во Авганистан за обука и планирање напади во Пакистан. Талибанската влада во Авганистан ги негира обвинувањата и вели дека милитантното насилство е внатрешен проблем на Пакистан.

Тагови: Пакистан џамија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Том Круз открива за што разговарал со Тејлор Свифт: „Таа е брилијантна“

Том Круз откри за што разговарал со Тејлор Свифт откако заедно го гледаа натпреварот со кој тимот „Канзас Сити Чифс“ ја започна сезоната, претходно оваа недела.

Том Круз открива за што разговарал со Тејлор Свифт: „Таа е брилијантна“

Актерот гостуваше во емисијата на Џими Фалон во четвртокот и раскажа како музичката ѕвезда го учела на правилата на американскиот фудбал додека навивале за Тревис Келси од трибините.

Лекција по американски фудбал

Водителот Џими Фалон го праша 64-годишниот актер за што разговараат најголемата филмска ѕвезда и најголемата музичка ѕвезда во светот кога ќе се најдат еден до друг. Круз, кој го промовира својот нов филм „Digger“, одговори: „Таа ме учеше за американскиот фудбал“.

На изненадување на Фалон, актерот потврди дека зборува сериозно. „Таа навистина го познава спортот. Како прво, таа е генијалец. Ја следам уште од времето кога беше дете. Сите што беа таму, сите нивни пријатели... тие се прекрасен пар и магични се сами по себе. Целата екипа во таа ложа“, рече Круз.

Тој додаде дека дружењето на стадионот „Ароухед“ било посебно искуство за него. „Не бев бил на натпревар уште од пред пандемијата бидејќи постојано работев. Беше навистина забавно да се дружиме таму и да го доживеам тој момент. Таа навистина се разбира во тоа“, изјави тој.

„Брилијантен текстописец и музичар“

Круз и Фалон исто така спомнаа како 36-годишната Свифт претходно признала дека не знаела ништо за американскиот фудбал кога првпат го запознала Келси. „Таа рече: 'Знаеш, тој е толку трпелив'“, раскажа Круз. „Јас одговорив: 'Верувам дека е така'. Мислам дека секој би бил многу трпелив со неа“.

Актерот истакна дека пејачката сега целосно ја разбира играта и дека разговарале и за музика и за филмови. „Таа е духовита. Има одлична смисла за хумор. Плус, таа е брилијантен текстописец. Брилијантен музичар и режисер. Таа е многу талентирана“, заклучи Круз говорејќи за пејачката која стои зад албумот „Opalite“.

Извор: Индекс.хр

Тагови: Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Жерновски пак го вози автомобилот на “братучедот”, а богами и непрописно паркира

Андреј “НАТО” Жерновски во стилот на Артан “Лотарија” Груби, го вози автомобилот на “братучедот”.

Манасиевски: Жерновски пак го вози автомобилот на “братучедот”, а богами и непрописно паркира

Откако јасно кажа пред некој месец на гостување на поткаст (ВИДЕО), дека нема во своја сопственост автомобил марка “Мерцедес” со регистарски таблички од иста бројка, ниту пак дека некогаш во животот возел “Мерцедес”, во сопственост на негов братучед, повторно со свои очи го видов неуспешниот амбасадор Жерновски како го управува “Мерцедесот”.

Дополнително, непрописно се паркирал додека фрлаше ѓубре во контејнер. Но, на Жерновски не му е грижа, затоа што и да го казнат за непрописно застанување, автомобилот не е негов, братучед му ќе му ја плати казната, објави на ФБ Валентин Манасиевски од ВМРО-ДПМНЕ..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер