Балкан

Турист со еден потег ги разгневи Грците: Ова ги премина сите граници!

„Непромислен“ потег на еден турист, како што многумина го опишуваат, предизвика бес низ цела Грција откако беше фотографиран како крева античко парче мермер на археолошкото наоѓалиште Портара.

На фотографијата, која брзо стана вирална, младиот човек гордо држи голем мермерен фрагмент над главата, за кој се верува дека е дел од наоѓалиште кое датира од 530 година п.н.е.

Локација без соодветна заштита

Портара е единствениот преостанат дел од никогаш незавршениот Храм на Аполон. Комплексот се наоѓа во светилиште посветено на Аполон од Делиум и е отворен за јавноста, без билети, контроли или обезбедување.

Иако оваа отвореност овозможува лесен пристап за посетителите, таа исто така го остава местото без соодветна заштита, што резултираше со бројни примери на непочитување на културното наследство, објавува Дејли Меил.

Покрај гореспоменатиот турист, социјалните мрежи се преплавени и со слики од семејство кое импровизира мини-бар со скара и освежителни пијалоци на истото место - директно на местото на античкото светилиште.

„Туризмот треба да се запре“

Грците реагираа на ова однесување со силна осуда. Коментарите на социјалните мрежи укажуваат на длабоко разочарување и загриженост.

„Оваа фотографија покажува тажна и опасна реалност, посетители кои се качуваат на антички урнатини, ги креваат и ги малтретираат заради фотографија“, напиша еден корисник.

Друг додаде: „Туризмот во Грција треба да се запре тука и сега. Ова ги премина сите граници.“

„Антиквитетите не се стока за широка потрошувачка. Тие бараат грижа, одржување и безбедност“, гласеше друг коментар.

Веднаш назначен чувар

Градоначалникот на Наксос, Димитрис Лианос, рече дека Министерството за култура веднаш било информирано за сè и дека на местото е назначен чувар, иако сè уште не е познато колку долго ќе трае мерката.

„Она што го бараат општината и островјаните, а што веќе му го предложивме на Министерството за култура, е целосна реставрација и систематско управување со местото, со билети и обезбедување, со цел да се обезбеди заштита и да се генерираат средства за културата.“

Тагови: туристи Грците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче дебело профитираа за време на кризите

Денес Владата на ВМРО ДПМНЕ е со конкретни мерки за горивата и заштита на стандардот на граѓаните.

Кога СДС нема што да понуди им останува само политичката критика но веќе им е познато на граѓаните дека на СДС се им смета па дури и конкретни мерки за заштита на стандардот како мерките кои ги превзема Владата на ВМРО ДПМНЕ за горивата.

СДС 7 години го крадеа народот, ја распродаваа и омаловажуваа државата и ги понижуваа граѓаните. СДС и Филипче во време на криза профитираа за денес да се луксузираат на јахтите со Заев по Егејот.

За разлика од СДС и ДУИ денес нема фудбалчиња по канцелаарии, нема банди по улиците, нема марихуана економија, нема распродавање на државните интереси.

Денес Владата се грижи за животниот стандард на граѓаните и превзема конкретни мерки. Во однос на горивата мерки веќе има, намелени акцизи, и ќе се донесат и нови мерки со што наместо зголемување ќе има намалување на цената на горивото.

Владата на ВМРО ДПМНЕ продолжува да го штити стандардот на граѓаните.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.