Турист се затрул со пилешко во луксузен хотел на Канарските острови- почнало со дијареа, а завршил трагично - Канал 5

Турист се затрул со пилешко во луксузен хотел на Канарските острови- почнало со дијареа, а завршил трагично

Хотелот со четири ѕвездички „Оксидентал Џандија Плаја“ во Фуертевентура, еден од Канарските Острови, се огласи откако британски турист почина од труење со храна, наводно откако јадел „недоволно зготвено“ пилешко во хотелот.

Турист се затрул со пилешко во луксузен хотел на Канарските острови- почнало со дијареа, а завршил трагично

Хотелот, управуван од хотелската група „Барсело“, издаде соопштение во кое се вели дека има „строги протоколи за хигиена и безбедност на храната“ и дека е целосно во согласност со сите законски прописи. Реагираше откако истрагата во Велика Британија откри дека Лесли Грин, 70-годишен пензиониран доставувач од Болтон во Голем Манчестер, починал откако се заразил со салмонела додека бил на одмор во хотелот.

Крунскиот суд во Рочдејл слушна дека Грин јадел недоволно зготвено пилешко за време на престојот во октомври 2024 година. Неколку дена по оброкот, туристот развил симптоми како што се дијареја и неговата состојба брзо се влошила. На крајот починал од последиците од труењето со храна.

И покрај наодите од истрагата и извештајот од обдукцијата, хотелската група „Барсело“ тврди дека немало присуство на салмонела во хотелот во последните 12 месеци. Тие се повикуваат на извештаи од независна компанија која редовно спроведува надворешни контроли и ревизии за безбедноста на храната, пишува Metro.

Официјалното соопштение гласи:

„Групацијата на хотели „Барсело“ длабоко жали за смртта на гостин во нашиот хотел во Фуертевентура во ноември 2024 година. Во име на целата компанија, изразуваме најдлабоко сочувство до семејството и најблиските на починатиот и ја повторуваме нашата цврста посветеност на безбедноста и благосостојбата на нашите гости“.

„Компанијата има строги протоколи за хигиена на храната кои вклучуваат ригорозни внатрешни контроли и периодични надворешни ревизии спроведени од реномирана независна компанија за безбедност на храната. Овие ревизии потврдуваат дека во хотелот не е откриена салмонела во последната година и ја одразуваат нашата континуирана посветеност на здравјето и безбедноста на нашите гости“.

Двојката Грин патувала преку британската туристичка агенција Jet24, која исто така дала кратка изјава. Компанијата изјавила дека би било „несоодветно да се коментира за случајот поради тековните судски постапки“, но додала дека изразува сочувство до семејството Грин.

„Отидовме на одмор, а Лесли не се врати“

По сослушувањето, сопругата на Лесли, Џули Грин, 60-годишна пензионирана медицинска сестра, рече:

„Сè уште не можам да разберам дека отидовме на одмор, а Лесли не се врати... Тој беше мојот најдобар пријател и животот никогаш нема да биде ист без него.“

Правните постапки против одговорните страни се во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вознемирувачко видео: Познат инфлуенсер од Мексико убиен за време на пренос во живо

Снимал со пријателите, а потоа следи БРУТАЛЕН напад!

Вознемирувачко видео: Познат инфлуенсер од Мексико убиен за време на пренос во живо

Мексиканскиот инфлуенсер Цезар Гастелум беше застрелан и убиен за време на пренос во живо на социјалните мрежи.

Гастелум во вторникот вечерта снимал видео со двајца пријатели пред ресторан за брза храна во населбата „Трес Риос“ во градот Кулиакан, во северно Мексико, кога му пришле двајца мажи на мотор. Едниот од нив неочекувано во еден миг вади пиштол и пука од непосредна близина во инфлуенсерот и го убива.

Гастелум имал повеќе од половина милион следбеници на „Тик-ток“, каде што главно објавувал хумористични видеа. Ова не е првпат инфлуенсер од социјалните мрежи да биде убиен во Мексико.

Минатата година, 23-годишната Валерија Маркесубиен се наоѓала во козметички салон додека емитувала содржина во живо на „Тик-ток“.

Досега никој не е уапсен, а двајцата напаѓачи на мотор побегнале од местото на настанот. Засега не е познато дали Гастелум претходно добивал закани. На својот профил на Инстаграм, тој често објавуваше фотографии од патувања и ноќни излегувања, како и слики на кои позира пред луксузни автомобили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: Новите законски решенија и инвестициите во обновливи извори ја градат енергетската независност на Македонија

Политиките што ги спроведува ВМРО-ДПМНЕ носат видливи резултати и во енергетиката. 

ВМРО-ДПМНЕ: Новите законски решенија и инвестициите во обновливи извори ја градат енергетската независност на Македонија

За само две години поставени се цврсти темели за енергетска независност, зелена транзиција и модерен енергетски систем кој ќе обезбеди сигурност, нови инвестиции и одржлив развој.

По години на застој, денес Македонија има нов Закон за енергетика, усогласен со европските директиви, како и Интегриран национален план за енергија и клима, со кој за првпат се поставува јасен правец за декарбонизација, развој на обновливите извори на енергија и исполнување на европските стандарди.

Довербата во овие политики ја потврдува и големиот интерес на инвеститорите. Над 800 инвестициски иницијативи за нови проекти во обновливите извори на енергија се доказ дека Македонија станува сигурна и атрактивна дестинација за домашни и странски инвестиции. Тоа значи повеќе домашно производство на електрична енергија и поголема енергетска независност.

Во исто време, Владата реализира капитални проекти кои го модернизираат енергетскиот сектор. Државниот батериски систем за складирање енергија, дигитализацијата на постапките за изградба на ветерни електрани, финансиската поддршка за производителите на обновлива енергија и новите законски решенија создаваат современ и конкурентен енергетски пазар.

Посебно внимание се посветува и на енергетската ефикасност. Со реконструкција на јавните објекти, формирање Фонд за енергетска ефикасност, обезбедување нови финансиски средства од меѓународните партнери и воведување обврска за поставување соларни панели на јавните објекти, се создаваат услови за помала потрошувачка на енергија, пониски трошоци и почиста животна средина.

Финансиската поддршка што Македонија ја добива од Европската комисија, Европската банка за обнова и развој, Светската банка и другите меѓународни партнери е дополнителна потврда дека реформите што ги спроведува Владата се препознаени како кредибилни и усогласени со европските политики.

ВМРО-ДПМНЕ ќе продолжи со истото темпо на работа, затоа што силната енергетика е предуслов за силна економија, нови инвестиции, повисок животен стандард и посигурна иднина за сите граѓани. Резултатите се видливи, а со реформите што се реализираат денес се поставуваат темелите на енергетски независна, економски посилна и европски ориентирана Македонија.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Инфантино го прекина молкот: Нема да толерираме напади, имаме поддршка!

Претседателот на ФИФА, Џани Инфантино, преку својот профил на Инстаграм и преку официјално соопштение ја информираше јавноста за деталите од вонредниот состанок што го свика во Мароко со највисокото раководство на ФИФА. 

Инфантино го прекина молкот: Нема да толерираме напади, имаме поддршка!

Имено, Инфантино тврди дека добил поддршка од челниците на ФИФА во својство на претседател и дека се преземени чекори за зајакнување на довербата во системот на управување и раководење со организацијата. Инфантино упати и предупредување – иако не именуваше никого конкретно – нагласувајќи дека ФИФА нема да толерира напади врз својот интегритет и дека ќе ги преземе сите мерки за заштита на својот углед.

– Денес, присутните членови на Управниот одбор на ФИФА ги презедоа неопходните чекори за зајакнување на довербата во системот на управување и раководење со ФИФА, како и за да се осигури дека ФИФА, нејзината мисија и одговорноста кон светскиот фудбал ќе продолжат целосно да се остваруваат, давајќи ми поддршка мене како претседател на ФИФА, но и на администрацијата предводена од генералниот секретар на ФИФА, Матијас Графстром.

- Цврсто веруваме дека заклучоците од денешниот состанок дополнително ќе го зајакнат управувањето со ФИФА, ќе помогнат да се врати довербата во организацијата и ќе ни овозможат обединето и транспарентно да се подготвиме за големите настани и предизвици што претстојат, додека ја продолжуваме нашата мисија за развој на фудбалот низ целиот свет.

- Исто така, се согласивме дека ФИФА нема да толерира никакви напади врз својот интегритет и ќе ги преземе сите неопходни мерки за заштита на својата репутација.

- Во исто време, ФИФА тесно ќе соработува со сите релевантни чинители за да разгледа како може дополнително да го поддржи развојот на фудбалот преку програмата „FIFA Forward“, за доброто на сите 211 членки на ФИФА, конфедерации и регионални фудбалски асоцијации – изјави Џани Инфантино.

Инаку, Џани Инфантино се најде на удар на критики од голем број конфедерации – УЕФА, АФЦ, КОНКАКАФ, како и од многу национални асоцијации, кој му ја ускратија довербата.

Инфантино почна да ја губи поддршката по преседанот кога ФИФА, за време на Светското првенство, го „избриша“ црвениот картон на Фоларин Балогун за осминафиналето, по барањето на Доналд Трамп.

Потоа, тој дојде до идеја да ги продаде правата за Светското првенство на приватен инвеститор, со што ја загуби поддршката од многу конфедерации, како и од бројни национални сојузи.

Во последните недели, УЕФА е еден од главните критичари на Инфантино, а претседателот Александар Чеферин дури и не се појави на финалето на Светското првенство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер