Турист по потекло од БиХ загинал по пад од балкон во Аруба- во хотелската соба го нашле телото на сопругата - Канал 5

Свет

Турист по потекло од БиХ загинал по пад од балкон во Аруба- во хотелската соба го нашле телото на сопругата

Американски турист по потекло од БиХ во Аруба скокнал од балкон на луксузен хотел, а недолго потоа, полицијата го пронашла телото на неговата сопруга во неговата соба.

Турист по потекло од БиХ загинал по пад од балкон во Аруба- во хотелската соба го нашле телото на сопругата

Полицијата започнала истрага, а се сомнева на убиство и самоубиство, објавува People.

Полицијата на Аруба потврди дека на 4 јануари добила пријава за маж кој паднал од балконот на хотелот „Сент Реџис“ во Норд. По пристигнувањето на местото на настанот, било утврдено дека туристот не покажувал знаци на живот и бил прогласен за мртов. Истражителите заклучиле дека скокнал од горниот кат на хотелот, а за време на претресот на хотелската соба било откриено и тело на сопругата.

Истрага и идентитет на жртвите

Властите подоцна ги идентификувале починатите како Б. Јозиќ (45), по потекло од Босна, и К. Јозиќ (52), по потекло од Филипините. Двајцата биле американски државјани, но нивните целосни имиња не се објавени. Локалните медиуми, „Диарио“, објавија дека полицијата го третира случајот како убиство и самоубиство.

Сопственици на теретани во Илиноис

Имено, наводно станува збор за брачен пар сопственици на теретани од Илиноис, пишува People. Фејсбук профил под името „Борис Кристина Јозиќ“ содржи неколку фотографии објавени на 1 јануари, направени во Палм Бич, Аруба, во непосредна близина на хотелот каде што беа пронајдени телата.

Во меѓувреме, беше започната кампања GoFundMe за помош на семејството на Кристина Гатија, чија фотографија се совпаѓа со онаа на нејзиниот Фејсбук профил. Датумот на нејзината смрт е наведен како 4 јануари, истиот ден кога полицијата ги откри телата.

„Таа беше горда мајка на пет деца, грижлива баба, посветена ќерка, грижлива сестра, сакана тетка и драга пријателка на многумина“, напиша организаторот на кампањата. „Таа го посвети своето срце на своето семејство и беше длабоко страсна за здравјето и фитнесот, секогаш охрабрувајќи ги другите да станат најдобрата верзија од себе. Без разлика дали како мајка, ментор или пријателка, Кристина секогаш пристапуваше кон тоа со љубов, сила и сочувство.“

Досега, кампањата собра повеќе од 30.000 долари. Покрај тоа, се појави и GoFundMe за Борис Јозиќ, при што беа собрани 12.450 долари.

Тагови: сопруга туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер