Забава

Турците незадоволни од нивната Мис: Не е доволно убава (ФОТО)

Секоја жена е убава на свој начин и секоја земја е горда на понежниот пол.

Кога ќе дојде време за изборот, секогаш се расправа дали некоја девојка заслужила да победи или не и дали е навистина најубава од сите други кандидатки.

Вкусовите се различни и не треба за нив да се дискутира. Но, тоа штотуку се случува во Турција, каде победничката на тамошниот избор предизвика голема бура од коментари.

Станува збор за Идил Билген, која има 24 години и моментално е пред голем предизвик и во кариерата и воопшто во животот. На социјалните мрежи се водеше полемика дека „не е доволно убава“ за да ја освои титулата за најубава, пишува „Блик“.

Оваа млада девојка сега се соочува со остри критики со кои е полн интернетот, ја исмеваат и навредуваат. Дури и некои лекари кои се занимаваат со естетика изјавија дека таа „не е доволно убава“.

Младата Идил реши да се појави пред јавноста во ток-шоу за да им објасни на гледачите дека самата конкуренција „се однесува на други работи освен убавината, како што е интелигенцијата“.

Својот говор го заврши со зборовите дека „таа е докторка, но и Турчинка и сака да биде гласот на жените на изборот за Мис на светот“. Сепак, многумина ја критикуваат и обвинуваат дека ја добила титулата поради нејзиното семејно потекло - нејзиниот татко е амбасадор на Турција во Киев, Украина. И покрај сѐ, Идил останува сигурна во себе и се надева дека на претстојното натпреварување ќе успее да ги одбрани жените во Турција и да освои голем број бодови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ужас во Струга: Мајка си ги оставила двете деца да спијат во автомобилот, додека била на работа

ОВР Струга поднесе кривична пријава против Н.С.(42) од струшко село, поради постоење основи на сомнение за сторено кривично дело „запуштање и малтретирање дете“ по чл.201, став 1 од Кривичниот законик.

Пријавената, во вечерните часови на 08/09.06.2026 година, ги оставала своите две малолетни деца да спијат во нејзиното возило додека била на работа.

Во координација со јавен обвинител, полициски службеници презеле мерки и во паркираното возило на земјен паркинг на улицата „Владо Малески“ во Струга ги затекнале децата како спијат, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возеле камиони во спротивна насока на патот Гостивар- Тетово, двајцата се уапсени

Лишени од слобода двајца возачи затоа што возеле во спротивен правец на патот Гостивар-Тетово, следуваат кривични пријави.

На 27.06.2026 во 11:30 часот на патот Гостивар- Тетово, полициски службеници од Полициската станица за безбедност на патниот сообраќај Тетово го лишија од слобода В.М. (30) од с. Боговиње, затоа што со товарно моторно возило „мерцедес“ со тетовски регистарски ознаки, се движел во спротивен правец од дозволениот правец на движење.

Исто така, на 27.06.2026 во 12:30 часот, на патот Гостивар– Тетово, кај наплатната рампа Тетово, полициски службеници го лишија од слобода и М.Д. (55) од с. Фалише, затоа што со товарно возило „фолксваген“ со тетовски регистарски ознаки, се движел во спротивен правец од дозволениот правец за движење.

Двајцата се приведени во полициска станица и по документирање на случаите, против нив ќе бидат поднесени соодветни пријави, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагедија во Франција: Авион што превезувал падобранци се урна во предградие на Нанси– се стравува дека има десетина загинати

Авион се урна денеска во предградието на францускиот град Нанси, а се стравува дека има многу жртви, јавуваат локалните медиуми.

Авионот паднал на тревна површина покрај улица, во близина на куќи, а бројни противпожарни екипи биле испратени на местото на настанот.

Според некои извештаи, се стравува дека може да има десетина жртви.

Авионот, како што се вели, превезувал група падобранци кои планирале да изведат скокови на еден настан.

Полициските службеници го затвориле тој дел од градот, а префектот на регионот Мерт-ет-Мозел е на местото на настанот, кој подоцна ќе одржи прес-конференција.

- Несреќата се случила околу 11 часот наутро. Минував со мојот автомобил додека одев на шопинг, кога го видов авионот како се спушта и паѓа на земја - изјавил очевидец, пренесе РТЛ.

Тагови: авион падобранци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.