Турција најавува построги правила за рекламирање на социјалните мрежи - Канал 5

Живот

Турција најавува построги правила за рекламирање на социјалните мрежи

Според Министерството, новата регулатива е создадена како одговор на растот на комерцијална содржина на социјалните мрежи и зголемениот број поплаки поврзани со присуството на лажни реклами.

Турција најавува построги правила за рекламирање на социјалните мрежи

Турското Министерство за трговија подготвува нова регулатива со која ќе се заостри надзорот врз рекламите што креаторите на содржина ги објавуваат на социјалните мрежи, со воведување построги правила за транспарентност, нови ограничувања поврзани со вештачката интелигенција и повеќе забрани, објави весникот „Туркије“.

Според Министерството, новата регулатива е создадена како одговор на растот на комерцијална содржина на социјалните мрежи и зголемениот број поплаки поврзани со присуството на лажни реклами.

Предлогот предвидува сите реклами во профилите на креаторите на содржина јасно да бидат означени како комерцијална содржина. За таа цел, тие ќе мора да користат барем една од следниве ознаки:

#Reklam (Реклама), #Sponsor (Спонзорство), #İşbirliği (Соработка), #Ortaklık (Партнерство), #Hediye (Подарок) или #Davet (Препорака).

Креаторите ќе бидат обврзани секогаш да го наведуваат и името на производителот чии производи ги рекламираат. Кај видео содржините, тоа ќе мора да биде напишано или јасно изговорено.

Новата регулатива предвидува и задолжително означување кога е користена вештачка интелигенција за измена или подобрување на изгледот на производите во рекламите. Реклами што би сугерирале дека лик генериран со вештачка интелигенција користел или препорачал одреден производ ќе бидат целосно забранети.

Целосни забрани за рекламирање ќе важат и за гатачи, медиуми, астролози, како и за секој вид игри на среќа и коцка. Забранета ќе биде и содржина што тврди дека одредени додатоци можат да ја заменат редовната храна или дека некој производ лекува болести.

Според податоците на турското Министерство за транспорт и инфраструктура, до мај 2025 година речиси 60 од 86 милиони жители на Турција користат социјални мрежи. Според статистички процени, расходите за рекламирање на социјалните мрежи во земјата може да ја надминат вредноста од 80 милиони долари до крајот на 2025 година, а до 2030 година се очекува тие да растат по просечна годишна стапка од 15,25 проценти и да достигнат околу 165 милиони долари.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Кочани, лишени од слобода две лица

На 27.08.2026 полициски службеници од ОВР Кочани ги лишија од слобода Д.С.(42) и В.З.(26) двајцата од Кочани, по претходни оперативни сознанија дека се сторители на повеќе тешки кражби на подрачјето на ОВР Кочани.

Претрес во Кочани, лишени од слобода две лица

Извршен е претрес во нивните домови, со претходно издадена судска наредба, при што биле пронајдени и одземени предмети кои потекнуваат од кривично дело по член 236 од Кривичниот законик на РМ.

По целосно документирање на случајот, ќе следуваат соодветни пријави.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач од Шведска, на автопатот А- 1 возел со двојно поголема брзина од дозволената

На 27.08.2026 околу 16:00 часот на Граничен премин Табановце, на излез од државата, полициски службеници извршиле проверка на патничко возило „фолксваген“ со српски национални ознаки, управувано од М.С.(39) од Шведска. 

Лишен од слобода возач од Шведска, на автопатот А- 1 возел со двојно поголема брзина од дозволената

При извршена проверка преку системот „Безбеден град“ било констатирано дека М.С. бил евидентиран како сторител на кривично дело по член 297-а од Кривичниот законик – „безобѕирно управување со моторно возило“, односно на автопатот А-1, во близина на Демир Капија, управувал со возилото со брзина од 175 километри на час на место каде максималната дозволена брзина е 80 километри на час. М.С. е лишен од слобода и ќе биде поднесена соодветна кривична пријава.

Тагови: поголема брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши: Нека празничниот ден биде исполнет со мир, спокој и семејна топлина

Претседателот на собранието Африм Гаши упати честитка по повод празникот Успение на Пресвета Богородица.

Гаши: Нека празничниот ден биде исполнет со мир, спокој и семејна топлина

По повод големиот христијански празник Успение на Пресвета Богородица, упатувам искрени честитки до сите православни верници и до сите граѓани кои го одбележуваат овој значаен празник.

Нека празничниот ден биде исполнет со мир, спокој и семејна топлина и нека нè потсети на вредностите што нè обединуваат како општество.

Во духот на соживотот и почитувањето на различностите, да продолжиме заеднички да градиме општество во кое секој граѓанин ќе се чувствува почитуван и еднаков.

На сите кои го празнуваат, им посакувам добро здравје, благосостојба и пријатни празнични мигови со своите најблиски.

Со почит,

Африм Гаши

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер