Трудница отпушена од работа во приватен универзитет – утврдена директна интерсекциска дискриминација од страна на КСЗД - Канал 5

Македонија

Трудница отпушена од работа во приватен универзитет – утврдена директна интерсекциска дискриминација од страна на КСЗД

„Единствено се надевам дека со мојот случај ќе се докаже дека законите не се тоалет хартија, особено не за жените, особено не за мајките!“

Трудница отпушена од работа во приватен универзитет – утврдена директна интерсекциска дискриминација од страна на КСЗД

Ова е пораката на Лепосава Огњаноска Ставровска, доктор на правни науки од областа на правото на ЕУ која зборовите „законите во Македонија се како тоалет хартија“ често ги слушала во Меѓународниот балкански универзитет каде што работела со години, се додека работниот однос не и бил прекинат поради, како што вели бременоста. Комисијата за заштита од дискриминација веќе утврди дека ректорот извршил директна интерсекциска дискриминација врз основа на пол, род и мајчинство кога решил да не и даде нов договор откако стариот и истекол. Стресот, се рефликтирал врз состојбата на бебето.

-Има одредена здравствена состојба на бременоста, гинекологот ја препозна како „лажно раѓање“ поради која за прв пат од почетокот на мојата бременост бев упатена на боледување. До тој момент, јас уредно уредно си ги извршував работните обврски, и тоа ја докажа причинско последичната врска во мојот случај, секако резултираше со психолошка состојба на вознемиреност, растревоженост, страв за иднината, анкциозност. Но, најбитната битка јас веќе ја добив, бидејќи ќерка ми се роди жива и здрава, иако со помала родилна тежина,- - Лепосава Огњаноска Ставровска.

Сепак, правната и екзистенционалната битка допрва следуваат, вели Огњаноска Ставровска која инаку има докторирано на тема „Владеењето на правото како темелна вредност на ЕУ и процесот на европската интеграција“. Таа има намера правдата да ја бара и на суд и очекува да биде пример кој ќе го следат сите кои биле дискриминирани.

Канал 5 побара страв и од Универзитетот, но до почетокот на вестите не добивме одговори. Во образложенијата од Комисијата во која се содржат и нивните ставови стои дека причината за прекин на работниот однос е истек на договорот на определено време, и од таму ги отфрлаат наводите за дискриминација како неосновани.

Сепак, според Комисијата ова не е прв и изолиран случај бидејќи истиот универзитет претходно направил дискриминација кон шест вработени жени кои биле отпуштени без соодветни причини.

Во случајот со Лепосава Комисијата препорача Универзитетот да ѝ надомести материјална и нематеријална штета, како и да воспостави внатрешни политики за заштита од дискриминација на бремени работнички и мајки. Исто така, на ректорот му е препорачано да упати писмено извинување.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украински дронови погодија фабрики во руски градови, избувнаа пожари (ВИДЕО)

Според информациите од руските канали на Телеграм, украинските сили извршија напади преку ноќ врз индустриски објекти во градовите Тољати и Таганрог.

Украински дронови погодија фабрики во руски градови, избувнаа пожари (ВИДЕО)

Извештаите укажуваат на пожари во фабриките по нападите со дронови, пишува Киев Индепендент.

Напад врз фабрика во Тољати

Украински дронови со долг дострел наводно погодиле фабрика во Тољати, град во регионот Самара, кој се наоѓа на околу 900 километри од украинската граница. Нападот беше објавен од каналите на Телеграм „ExileNova+“ и „Supernova+“. Тољати е седиштето на АвтоВАЗ, најголемиот руски државен производител на автомобили.

Снимките објавени од локалните жители покажуваат дронови како летаат над градот, додека избувнува пожар и густ чад се издига од една од погодените згради. Други видеа покажуваат штета на станбена зграда, наводно предизвикана од соборениот дрон.

Ова не е прв напад врз фабриката. Украински дронови го погодија истиот објект на 12 јуни. Генералштабот на украинските вооружени сили го потврди нападот и штетата. Во него се вели дека производите на фабриката се користеле за „понатамошно производство на цврсто ракетно гориво за тактички и балистички ракети“.

Серија напади врз руската инфраструктура

Во Таганрог, град во Ростовскиот регион во југозападна Русија, наводно беспилотни летала погодиле фабрика за автомобили. Градот се наоѓа на брегот на Азовското Море, околу 40 километри од украинската граница.

Снимките од Таганрог покажуваат големи пожари, за кои се верува дека избувнале на аеродром во близина на градот, со облаци чад што се креваат во воздухот. Системот за следење на пожари „FIRMS“ на „НАСА“, исто така, регистрирал повеќе активни пожари во градското подрачје.

Во времето на објавување, „Kyiv Independent“ не можеше независно да ги потврди извештаите за нападите или да ја процени големината на штетата. Украинската војска сè уште официјално не ги коментирала настаните. Нападите се дел од поширока украинска кампања насочена кон руските фабрики со беспилотни летала со долг дострел. Целта е да се забави или запре индустриското производство што ја снабдува руската војска.

На 9 септември, украинските сили за специјални операции (SSO) го извршија најдлабокиот напад на руска територија од почетокот на војната. Потоа тие погодија фабрика за природен гас на 3.200 километри од украинската граница.

На 1 септември, претседателот Володимир Зеленски ги предупреди авиокомпаниите, осигурителите и странските влади дека рускиот воздушен простор ќе биде „де факто затворен“ поради нападите со украински беспилотни летала.

Извор: Индекс.хр

Тагови: пожари Украински дронови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Експлозија во уште едно бугарско складиште за оружје, пожар го осветли ноќното небо

Силна експлозија предизвика пожар во складиште за оружје во централна Бугарија во текот на ноќта, соопштија локалните медиуми и официјални лица.

Експлозија во уште едно бугарско складиште за оружје, пожар го осветли ноќното небо

Ова е втора експлозија во воен објект во последните недели.

Нема извештаи за повредени во пожарот во близина на селото Царева Ливада, а локалните видеа покажаа пламен како го осветлува ноќното небо.

„Во моментов, пожарот го зафати делот од складиштето на фабриката и се шири од складиште до складиште“, изјави за новинарите регионалната гувернерка на Габрово, Кристина Сидорова.

„EMCO“ беше цел на на напади од руски оперативци во минатото

Цитирајќи извор во „EMCO“, локалните медиуми објавија дека пожарот избувнал на локација што ја управува компанијата и дека истата компанија претрпе експлозија во друг објект минатиот месец. „EMCO“ не беше веднаш достапен за коментар.

„EMCO“ го води бугарскиот трговец со оружје Емилијан Гебрев, чии објекти беа цел на руски оперативци во минатото, според бугарските обвинители.

Во 2024 година, Бугарија издаде налози за апсење на шест руски државјани обвинети за вмешаност во уништувањето на складиштата за оружје на „EMCO“ во кои се чувала муниција наменета за извоз во Украина и Грузија помеѓу 2011 и 2020 година.

Обвинителите во тоа време изјавија дека постои основано сомнение дека експлозиите во Бугарија, обидот за труење на Гебрев во 2015 година и експлозиите во складиштата за муниција во Чешка во 2014 година се поврзани. Москва ги негираше обвинувањата.

Извор: Индекс.хр

Тагови: експлозија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска Давкова присуствуваше на приемот по повод Денот на Уставот и Денот на вооружените сили на Р. Словачка

Словачка е наш докажан пријател и најгласен поддржувач на македонскиот пат кон ЕУ.

Претседателката Сиљановска Давкова присуствуваше на приемот по повод Денот на Уставот и Денот на вооружените сили на Р. Словачка

„На покана на словачката амбасадорка Н.Е. г-а Ивета Хрицова и полковник Иван Улични, присуствував на приемот по повод Денот на Уставот и Денот на вооружените сили на Република Словачка.

Денот на Уставот е потсетник на правно-политичките темели на современата словачка држава, а Денот на вооружените сили симболизира модерна и храбра армија, подготвена да ја брани татковината.

Словачка е наш докажан пријател и најгласен поддржувач на македонскиот пат кон ЕУ.

Длабоко верувам во европската иднина на македонско-словачките односи.“- стои во објавата на претседателката Гордана Сиљановска Давкова

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер