Култура

Трпчески од Рим: Сесловенските просветители ширеле благородна мисија онака како што и музиката

-Многу ми е мило, ова ми е третпат како сум дел од оваа манифестација, веќе помина доста долго време од последниот пат, тоа беше со претседателот Борис Трајковски.

Пијанистот Симон Трпчески, кој синоќа одржа концерт во Хорти Салустијани во Рим, во рамки на манифестацијата „Македонија во чест на Свети Кирил“, изјави дека од исклучителна важност е што Македонија секоја година се труди да биде присутна, да ги чествува просветителите и да покаже огромна почит за една од базичните работи - описменувањето.

-Многу ми е мило, ова ми е третпат како сум дел од оваа манифестација, веќе помина доста долго време од последниот пат, тоа беше со претседателот Борис Трајковски. Почестен сум за поканата и од државата и од Министерството за култура што имам повторно можност да ја претставам Македонија на една ваква важна манифестација, изјави Трпчески.

Како што јави известувачот на МИА од Рим, тој додаде дека сесловенските просветители ширеле исклучително значајна благородна мисија онака, како што рече, „како што и музиката тоа го прави“.

-Ние сме држава од каде што практично започнало описменувањето. Така што, од тој аспект, одговорноста е голема. Секоја година државата прави напори, а оваа година бев поканет да настапам, меѓу другото, да бидам претставен и со дел од ‘Македонисимо’. Мене ми импонира особено поради фактот за тоа што претставува самиот проект ‘Македонисимо’“, рече Трпчески.

За импозантната градба на Хорти Салустијани, каде што се одржа концертот, на кој присуствуваше македонската државно-црковна делегација, предводена од претседателката Гордана Сиљановска – Давкова, претставници на дипломатскиот кор, на македонската заедница и голем број италијански граѓани, Трпчески рече дека таквото здание дополнително го инспирира.

-Рим е прекрасен град, многу ми е мило што првпат оваа година имам можност да дојдам во Хорти Салустијани, едно здание што датира од првиот век пред нашата ера, свето место, многу инспиративно, многу интимно, кое навистина доста ни помага на музичарите. Секогаш има некоја специфика и особеност кога просторот ни дозволува да ги рашириме погледите и визиите за интерпретациите во музиката и од тој аспект мислам дека и оваа интима, ваквиот простор ме доинспирира, рече Трпчески.

Според него, програмата што ја претстави, дел класична музика - Чајковски и Григ, дел од „Македонисимо“, беше прекрасно прифатена од публиката.

-Овој интимен дел се наполни и на многу искрен начин целата публика реагираше. Многу ми е мило што видов и членови на дипломатскиот кор, чест ми е што и претседателката и министерот за култура беа тука. Онака, како што би рекле ние, како што е редот да се направи почит за просветителите кои што оставиле голема трага, но и дополнителна одговорност за она како треба ние да продолжиме во иднина. Нека ова биде пример за понатаму, истакна виртуозот Симон Трпчески од Рим.

Тагови: Рим Свети Кирил и Методиј

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германски политичар пронајден мртов во хотелска соба! Мистериозна смрт ја потресе нацијата

55 годишниот Хуберт Ивангер, министер за економија и заменик-премиер на германската покраина Баварија, е пронајден мртов во хотелска соба во Берлин.

Веста прв ја објави германскиот весник „Билд“, повикувајќи се на извори од баварската покраинска влада и берлинската полиција. Ивангер бил пронајден во средата вечерта, на 4 ноември, во хотелот „Нојер Фриц“ (Neuer Fritz) во берлинската населба Мите.

Според весникот „Билд“, Ивангер требало да присуствува на отворањето на новата канцеларија на неговата партија „Слободни гласачи“ (Freie Wähler) во Берлин, но го откажал учеството бидејќи не се чувствувал добро. Германските медиуми пренесуваат дека претходно тој го откажал и планираното интервју. Политичарот престојувал во хотелот, а откако престанал да одговара, бил пронајден мртов во својата соба.

Според информации од весникот „Тагесшпигел“ (Tagesspiegel), Ивангер наводно првично имал симптоми на гастроинтестинална инфекција.

Берлинската полиција и обвинителството покренаа постапка за утврдување на околностите на смртта, со цел да се дознаат точната причина и текот на настаните, како и да се исклучи можноста за вмешаност на трети лица.

Весникот „Тагесшпигел“, повикувајќи се на полициски извори, објави дека засега нема индиции за надворешно влијание и дека се претпоставува оти смртта настапила од здравствени причини.

Според весникот „Билд“, на телото на политичарот не се забележани надворешни повреди, а засега нема ниту првични сомневања дека станува збор за кривично дело. Сепак, истрагата е во тек, а официјалната причина за смртта сè уште не е соопштена.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајкова: Имате на совест уште една жена – електронската нараквица ќе спасеше живот!

Бесна сум и тажна што владејачкото мнозинство нема волја да ги заштити жените и ги остава сами на себе.

„Бесна сум и тажна што владејачкото мнозинство нема волја да ги заштити жените и ги остава сами на себе. Со неприфаќањето на електронската нараквица убивте уште една жена! Билјана пријавила насилство и смртни закани, девојка од 17 години бегала од насилникот и живеела во страв! И сега пред нас се болни и тешки прашања на кои надлежните мора да дадат одговори. Што работат институциите кога една девојка ќе пријави дека некој ѝ се заканува животот?“, прашува претседателката на Либерално-демократската партија (ЛДП) и пратеничка во Собранието, Моника Зајкова.

ЛДП само во последната година два пати го достави предлогот за електронска нараквица за сторителите на семејно насилство во Собранието. Наместо како досега, без соодветен надзор, на насилниците со електронската нараквица ќе им се контролира движењето и навремено ќе ги известува жртвата и надлежните служби доколку тоа е различно од судската наредба.

„Со одбивањето на нараквицата на совест имате уште една жена! Најстрога казна за злосторниците е задолжителна. Но и таа не е доволна. Казната мора да ги стигне и оние кои можеа да го спречат ова злосторство, но свесно и со умисла, одлучија дека глупави изговори се доволни за одбивање на предлогот за електронската нараквица. Казна за соучесништво мора да има и за тие кои не постапувале! Без тоа, правдата нема да биде задоволена”, децидна е претседателката Зајкова.

ЛДП бара целосно расчистување на грозоморниот случај во Богданци, проверка на постапувањето на надлежните институции и одговорност доколку се утврдат пропусти.

Уште колку Ивани, Росици и Билјани треба да ни се случат за конечно институциите да почнат да функционираат и да ги заштитат оние на кои заштитата им е најпотребна!

Доста е од декларативна заштита на жените! Доста е со изразување сочувства по трагедиите! На жените не им требаат празни ветувања, потребни се држава и институции кои ќе ги заштитат пред да биде предоцна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова се сретна со претставници на македонската дијаспора во Белгија

Претседателката Гордана Сиљановска-Давкова, во рамки на работната посета на Брисел, оствари средба со претставници на дијаспората во Белгија.

Присутните споделија свои искуства од животот и работата во Белгија, посочувајќи ја потребата од постојана комуникација и поцврста поврзаност со македонските институции.

За Сиљановска-Давкова, географската дистанца не значи и духовно оддалечување од татковината, оти човек може физички да замине од својата земја, но таа не заминува од него.

Таа посочи дека врските со дијаспората мора да се негуваат, да се шират и да се продлабочуваат, без оглед на етничкото потекло, јазикот или генерацијата на која ѝ припаѓаат иселениците.

Дел од присутните ја истакнаа подготвеноста, преку различни проекти, да ги споделат стекнатите знаења и искуства со македонските граѓани, како и својата експертиза и професионалните контакти да ги стават во функција на унапредувањето на трговската размена и поефикасното користење на европските фондови.

Претседателката потенцираше дека дијаспората не смее да биде само набљудувач на општествените процеси, туку активен и рамноправен партнер во нивното обликување, преку институционално поврзување, размена на знаења и искуства и непосредно учество во креирањето политики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.