Тројца загинати меѓу кои и тригодишно девојче, кога се преврте туристички брод на Дунав (ВИДЕО) - Канал 5

Свет

Тројца загинати меѓу кои и тригодишно девојче, кога се преврте туристички брод на Дунав (ВИДЕО)

Страшна поморска несреќа се случи во близина на Сулина, кога туристички брод се преврте во бурно море, при што загинаа четири лица, вклучувајќи и тригодишно дете.

Тројца загинати меѓу кои и тригодишно девојче, кога се преврте туристички брод на Дунав (ВИДЕО)

Трагедијата се случи поради неверојатна низа грешки и непочитување на основните правила за безбедност на вода.

Возачот на бродот, 33-годишен воен човек, ја игнорираше забраната за пловидба што беше во сила од раните попладневни часови поради високите бранови, кои достигнуваа висина до два метра. Покрај тоа, бродот беше преоптоварен, со 14 патници, иако максималниот дозволен број беше 12, вклучувајќи го и капетанот.

Бродот го напушти пристаништето Сулина околу 18:30 часот и се упати кон морето, свртувајќи во плиткиот залив Мусура. Таму, поради брановите и ненадејното опаѓање на нивото на водата, моторот го погоди дното, а потоа огромен бран го преврте бродот. Преживеаните рекоа дека биле заробени под бродот повеќе од половина час, борејќи се за воздух во мал џеб под трупот.

„Успеав да излезам, но моето дете остана под бродот околу 30 минути. Преживеа бидејќи можеше да го дише меурот воздух што остана. Ми помогнаа да ја извадам, капетанот, другите преживеани и спасувачите што пристигнаа“, изјави еден преживеан за романската телевизија „Обсерватор“.

Први на помош дојдоа сопствениците на други чамци од блиската област, а потоа и бродови на брзата помош и граничната полиција. За жал, четворицата туристи пронајдени во несвест не преживеаа. Меѓу нив биле жена (63) од Хуши, маж (62) од Галаци, татко (43) и тригодишно девојче, Романци кои живееле во Шпанија и кои дошле на одмор. Мајката на девојчето преживеала.

Сите патници носеле елеци за спасување, освен малото девојче. Сепак, познаник на капетанот рече: „Ако се преврти ваков чамец и имате елек за спасување, тешко е да излезете. Елекот за спасување ве крева на дното на чамецот, бидејќи сте под трупот.“

Десет преживеани, меѓу кои и девојчиња на возраст од 12 и 17 години, се однесени во одделот за итни случаи во Сулина, прегледани и пуштени.

YouTube video

Капетанот на бродот е меѓу преживеаните, но веќе е под истрага за низа сериозни грешки.

„Уште во 13:15 часот, Бара Сулина беше прогласена за непрактична за пловидба. Беше јасно дека брановите високи два метра не дозволуваат безбеден влез во морето“, рече Дан Иќим, директор на пристаништето во Тулча.

И покрај ова, капетанопт одлучи да исплови и ги качи на бродот туристите што ги најде во пристаништето. Тој зеде еден повеќе отколку што беше дозволено.

Експертите предупредуваат дека вакви трагедии може да се случат повторно. Туристичките бродови, како оној што се преврте, не бараат посебна дозвола за превоз на туристи, ниту за превоз помеѓу Тулча и Селина. А има десетици такви бродови.

Поради неговиот воен статус, случајот го презеде Воениот обвинител. Засега, капетанот е казнет со 20.000 леи, а неговата лиценца е суспендирана на 60 дена.

Тагови: брод девојче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер