Свет

Тројца повредени во руски напад на Киев

Најмалку три лица се повредени во руски ракетен напад врз Киев рано утринава, соопшти градоначалникот и воената администрација во главниот град на Украина.

Тие додаваат дека во нападот избувнале неколку пожари.

Во 4 часот утринава е прогласена воздушна тревога низ целата земја поради напад, вклучително и во пограничните области со Полска. Ова ги поттикна властите во Варшава да подигнат воени авиони во воздух за да го заштитат воздушниот простор на земјата-членка на НАТО.

Како резултат на нападот во Киев, пожари горат во најмалку три области, објави градоначалникот Виталиј Кличко на апликацијата Телеграм.

Двајца ранети граѓани во областа Дарницки на источниот брег на реката Днепар се примени во болница на лекување, додаде тој, апелирајќи до луѓето да не ги напуштаат засолништата.

Очевидци изјавија дека во главниот град на Украина се слушнале силни експлозии, кои според нив најверојатно се од активна противвоздушна одбрана.

Засега нема извештаи за удари или штети во западните украински региони, во близина на границата со Полска.

Нападот на Киев утринава се случи откако три лица беа повредени претходно ноќта во руски напад врз градот Николаев.

Вчера во ракетен напад врз украинскиот град Криви Рих загинаа 19 лица, меѓу кои девет деца. Во Украина за денеска е прогласен ден на жалост поради тој ракетен напад, соопшти вицепремиерот на украинската влада за обнова и министер за заедници и територијален развој на Украина, Алексиј Кулеба.

Фудбал

Франциско нов тренер на Реал Сосиедад од новата сезона

Шпанскиот фудбалски прволигаш Реал Сосиедад го назначи тренерот на резервниот тим, Серхио Франциско, за главен тренер од следната сезона, на местото на Иманол Алгуасил, кој ја напушта позицијата на крајот од тековната сезона.

Алгуасил, кој седна на клупата на Сосиедад во 2018 година, го освои Купот на кралот во 2020 година и го предводеше Реал на европската сцена пет сезони по ред. Во четврток, тој го информираше клубот дека ќе ја напушти тренерската должност на крајот од сезоната, кога ќе му истече договорот.

Неговиот наследник Франциско (45) потпиша договор до 2027 година.

Реал Сосиедад е десеттопласиран на табелата во Ла Лига со 42 бодови и сè уште има шанси повторно да се квалификува за европските натпреварувања. /МИА

Тагови: Реал Мадрид Серхио Франциско

НБА

НБА плејоф: Минесота поведе, први победи за Орландо и Милвоки

Кошаркарите на Минесота поведоа во серијата до четири победи во плејофот на Западната конференција во НБА лигата со триумф над Лос Анџелес Лејкерс, додека Орландо и Милвоки ја намалија негативата на 1-2 во плејофот на Источната конференција.

Минесота поведе во серијата со 2-1, откако синоќа во Минеаполис го победи ЛА Лејкерс со 116-104 во третиот натпревар од плејофот на Западната конференција. Џејден Мек Дениелс постигна 30 поени, а Ентони Едвардс го заврши натпреварот со поен помалку.

Леброн Џејмс беше најефикасен во редовите на Лејкерс со 38 поени, а Лука Дончиќ додаде 17 поени со осум асистенции и седум скокови.

Орландо намали на 1-2 во серијата по победата над Бостон со 95-93 во третиот натпревар од првото коло од плејофот во Источната конференција. Франц Вагнер беше најдобар стрелец на Орландо со 32 поени.

Милвоки, исто така. го намали дефицитот на 1-2 во серијата до четири победи откако на домашен терен беше поуспешен од Индијана со 117-101.

Гари Трент Јуниор и Јанис Антетокунмпо постигнаа по 37 поени за Милвоки, а Трент постигна девет тројки во 12 обиди и со тоа го израмни рекордот во плејофот на франшизата поставен од Реј Ален во финалето на Источната конференција во 2001 година. /МИА

Тагови: НБА плејоф

Регион

Нафтена индустрија на Србија доби трето одложување на воведување санкции од САД

Нафтена индустрија на Србија (НИС) доби трето одложување на воведување санкции од САД поради мнозинскиот руски капитал во таа компанија.

Овојпат, воведувањето на санкции беше одложено за дури два месеца, односно до 27 јуни. Рокот на претходно одложените санкции изминува в понеделник - 28 април.

„Добри вести за граѓаните на Србија. Србија успеа да добие ново одложување на санкциите за НИС, овојпат за два месеца, до 27 јуни. Благодарност до нашите американски партнери за разбирањето на ставот на Србија“, напиша Вучиќ на својот Инстаграм профил buducnostsrbijeav.

Во средата, компанијата НИС поднесе ново барање до Министерството за финансии на САД за издавање посебна лиценца со која се одложува целосното спроведување на санкциите, а целта е да се овозможи компанијата непречено да работи и по 28 април.

Тагови: НИС санкции