Тројца поранешни команданти на ОВК се однесени во Хаг - Канал 5

Балкан

Тројца поранешни команданти на ОВК се однесени во Хаг

Во тек е судењето на поранешните лидери на ОВК Хашим Тачи, Кадри Весели, Јакуп Красниќи и Реџеп Сељими, а обвинети се за воени злосторства и злосторства против човештвото.

Тројца поранешни команданти на ОВК се однесени во Хаг

Еден од поранешните команданти на ОВК, Исни Киљај, поранешен шеф на косовската разузнавачка агенција и поранешен советник на Хашим Тачи, Башким Смакај и поранешен член на ОВК Фадил Фазлиу, кои вчера по налог на Специјалниот суд во Хаг беа уапсени поради сомнение дека го попречувале спроведувањето на правдата, се префрлени во Хаг, јавуваат медиумите во Приштина.

Тие од вчера биле во канцелариите на ЕУЛЕКС во Косово Поле.

Специјализираното обвинителство вчера соопшти дека континуирано спроведува дејствија поврзани со истражниот процес кој се фокусира на кривични дела против судството.

Киљај е уапсен во ноември минатата година под сомнение за попречување на правдата, а во мај беше ослободен со кауција од 30.000 евра, но се уште е осомничен и во јули Специјалното обвинителство поднесе дополнето обвинение против него.

Минатата година по наредба на Специјалниот суд е извршен претрес во куќата на Смакај, кој беше советник на Хашим Тачи додека беше претседател на Косово, а на кого во Хаг му се суди како еден од поранешните водачи на ОВК под обвинение за воени злосторства.

Косовските медиуми објавија дека вчера истражителите на Специјализираните совети извршиле претрес во куќата на поранешниот министер за правда, Хајредин Кучи, барајќи докази кои би можеле да им помогнат во истрагите поврзани со заплашување сведоци или откривање на информации за заштитените сведоци.

Во тек е судењето на поранешните лидери на ОВК Хашим Тачи, Кадри Весели, Јакуп Красниќи и Реџеп Сељими, а обвинети се за воени злосторства и злосторства против човештвото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Откриено е и санкционирано лицето кое со камион истураше градежен шут на зелена површина

Во Полициската станица од општа надлежност Карпош е повикан А.А.(50) од Скопје во врска со претходно објавени видеоснимки на социјалните мрежи.

Откриено е и санкционирано лицето кое со камион истураше градежен шут на зелена површина

Денеска (30.10.2026), во Полициската станица од општа надлежност Карпош е повикан А.А.(50) од Скопје во врска со претходно објавени видеоснимки на социјалните мрежи на кои се гледа како машко лице со товарно возило „мерцедес“ со скопски регистарски ознаки истура градежен шут на зелена површина.

По преземените мерки и активности, утврден е неговиот идентитетот, повикано е во полициска станица и со него е извршен службен разговор, по што заедно со инспекторат за животна средина при општина Карпош преземени се соодветни законски мерки.

Тагови: камион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во посета на СВР Тетово: Зајакнување на оперативните капацитети и безбедноста на граѓаните

Директорот на Бирото за јавна безбедност, Александар Јанев, денеска (30.10.2026), заедно со дел од раководителите на централните служби на БЈБ, оствари работна посета на Секторот за внатрешни работи Тетово.

Директорот на БЈБ Јанев во посета на СВР Тетово: Зајакнување на оперативните капацитети и безбедноста на граѓаните

Во фокусот на средбата беше актуелната безбедносна состојба, со посебен акцент на претстојните предвремени локални избори во Општина Брвеница. Беше констатирано дека состојбата е стабилна и дека се преземаат сите неопходни оперативни и безбедносни мерки за непречено одвивање на изборниот процес, заштита на избирачкото право и безбеден транспорт на изборниот материјал.

Директорот Јанев нагласи дека полицијата има обврска да обезбеди услови во кои секој граѓанин слободно и без притисоци ќе може да го оствари своето демократско право на глас, потенцирајќи дека нема да има толеранција за криминал, заплашување или каков било обид за нарушување на изборниот процес.

На средбата се разговараше и за унапредување на оперативно-аналитичкото работење, размената на информации и координацијата меѓу централните и регионалните организациски единици, функционирањето на регионалниот интервентен тим, како и за соработката меѓу граничната полиција и СВР Тетово. Посебен акцент беше ставен и на активностите за сузбивање на недозволената трговија со дрога.

Беа разгледани и условите за работа на полициските службеници и можностите за унапредување на ефикасноста преку примена на современи технологии и дигитални алатки, со цел подобро искористување на ресурсите и побрз одговор на безбедносните предизвици.

Јанев истакна дека Бирото за јавна безбедност ќе продолжи со зајакнување на оперативните капацитети, непосредната координација и професионалното постапување, во интерес на безбедноста на граѓаните и доследното почитување на законите.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хеликоптерска несреќа во Индија: Леталото исчезна од радарите

Хеликоптер со шест лица исчезна за време на лет од Бадринат кон Дехрадун, во индиската држава Утараканд.

Хеликоптерска несреќа во Индија: Леталото исчезна од радарите

Спасувачките екипи го пребаруваат непристапниот планински терен. Засега не е познато дали има преживеани. Спасувачите ја насочуваат потрагата во близина на Џошимат, во округот Чамоли во Утараканд, каде што се верува дека леталото се урнало.

Според извештаите, хеликоптерот полетал од хиндуистичкото место Бадринат во петокот попладне, и покрај тоа што паѓал снег. Судбината на лицата во леталото останува непозната, а властите допрва треба да ја утврдат причината за несреќата.

Во текот на денот во регионот биле забележани обилни дождови и слаба видливост. На сила е портокалово предупредување за временските услови, при што властите предупредуваат на можност за невреме со грмотевици и град.

Утараканд е држава на Хималаите, која граничи со Кина и Непал, и во неа се наоѓаат некои од најсветите хиндуистички светилишта.

Секоја година овој регион го посетуваат милиони верници, а сè поголем број од нив користат хеликоптери за патување меѓу храмовите.

Во потрагата се вклучува и војската

Главниот министер на Утараканд, Пушкар Синг Дами, изјави дека е во тек голема операција за пребарување, во која е вклучена и војската.

„Внимателно ја следам ситуацијата“, рече тој. Локалните власти соопштија дека хеликоптер на компанијата „Trans Bharat Aviation“, со регистрациска ознака „VT-HCX“, летал од Бадринат кон Сахастрадара во Дехрадун. Полетал околу 13:14 часот, по што бил пријавен за исчезнат.

Според извештаите, леталото ја изгубило комуникацијата додека летало над долината Џошимат. Во исто време, престанал да функционира и системот за следење, па затоа точната локација сè уште не е утврдена.

Сите шест лица во хеликоптерот биле мажи.

Тагови: Индија хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер